انا عايشه بعذاااااااااااب ساعدوني

[منتهى الرقة86]

السلام عليكم


بنات انا صارلي اكثر من سنة وطنين باذني مافارقني بنات تعبت تعبت ما انام ولاارتاح ازعاااااااااج عايشه بازعاج رحت كذا طبيب وسويت سونار وتخطيط ويقولون مافي شي الصوت اللي اسمعه حييييييل قوي مثل النبض شفتوا تخطيط اللي يسوونه الحوامل نفس الصوت بس اقوى
يمكن تحسونه شي عاديبس اللي ايده بالنار :eh_s(16): الله يخليكم اللي تعرف علاج له تدلني او احد مر فيه هالشي



ومشكورين *

 

[queenbeeuty]

الله يشافيك اختي بس حاولي تقري قران كتتتير و كمان قبل لا تنامين اقري و دايما بالبيت حطي سديهات قران اتمنى لك الشفاء

 

[ترف بابا]

الله يشافيك اختي بس حاولي تقري قران كتتتير و كمان قبل لا تنامين اقري و دايما بالبيت حطي سديهات قران اتمنى لك الشفاء

صح كلامها - روحي لشيخ ثقه يقرى عليج اذا الاطباء قالوا ما فيج شي - وحطي هيد فون قران

باذنج .

الله يشفيج

 

[ترف بابا]

كلام كوين صح - عليج برقية نفسج او عند شيخ ثقه

وحطي القران بسماعات باذونج

الله يشفيج

 

[روح مغليها]

صج بني ادم ضعيف
عليج بدعاء

 

[ya al3rosa]

اللة يشفييج

 

[منتهى الرقة86]

مشكورين بنات على ردودكم


بس خوفتوني انا دايم اقرا قران ليش لازم ارقي نفسي

شنو معناته ؟

 

[::كيك وعسل::]

الله يشاافييج

 

[ياحُبِي لِلكويت]

ماتشوفين شر ,, بس تأكدي يمكن عندج مشكله بالاسنان ترى يأثر على الاذن خاصه ضرس العقل ...راجعي دكتور اسناني وسوي اشاعه ..

 

[shireen]

الله يشفيج ماتشوفين شر ان شاء الله ​

 

[ṦάЯỢηά ĚŁђĻώạ]

بعد عمري ما تشوفين شر انا بعض المرات يصير فيني بس اتحمله اهو صج يعور بس ابد ما اهتمين لهشي
لانه مو كل مرة يصير معاي بس ترا سمعي شوي ضعيف
انتي شلون سمعج تسمعين عدل ولا ضعيف شوي ؟؟

 

[بوسطن سـيتي]

الله يشفيج
روحي طبيب انف واذن وحنجرة يسويلج تنظيف لاذونج ويغسلها بالجهاز

 

[♥MaSteRiyA♥]

حبي..
في وحدة من فترة كانت كاتبة ان بنتها تشتكي
من عوار باذنها.. وتقول انها راحت أكثر من مكان
ماكو فايدة​

فقتلها ان ولد خالي صغير سوا عملية عند دكتور اسمه البوز
وهم خالتي كل تروحله حق اذنها مرتاحين وااااايد منه
وراحتله عقب ما قلتلها عنه​

ردت مستااااااانسة وشكثر دعتلي ياحليلها
أي شي دورت الموضوع ما لقيته كان ودي أحطه لج​

والدكتور اسمه محمود البوز..
بوشهري كلينيك - السالمية​

رقمهم 1885544
والداخلي 116
كلمي الكاتبة اسمها اينجل وقوليلها مستعجل
يحطونج قريب ان شالله

مابي منج غير الدعاء
وطمنينا عليج حبيبتي :eh_s(2):​

 

[كرستال]

الله يشافيج أختي بس بقولج نصيحة وبصراحة أنا ما استغني عنها من تجربة بعد
حطي ايدج على اذنج واقري عليها الفاتحة سبع مرات وشوفي النتيجة وكرريها أذا مانفعت اول مره مع احضور نية علاجها

 

[rosmary]

السلام عليكم

لا تحاتين اغلب الصوت اللي بالاذن يكون هواء داخل الاذن
تبخري بمرة وسوي قمع بورقة a4 وحطي الجزء الكبير صوب المبخر والجزء الصغير صوب الاذن
واذا تقدرين حطي كمادة دافية

ودلكي خلف الاذن بزيت دافي من الاسفل الى الاعلى

واذا ما نفع راسليني على الخاص

 

[♥MaSteRiyA♥]

حبوبة
كا أخيرا لقيت الموضوع..
اقريه..
واذا زاد الصوت و مأذيتج اذنج..
روحي الطبيب ولا تستهينين بالموضوع يا قلبي..
الله يشافيج ويسهل عليج..

http://www.q8yat.com/t668900.html​

 

[منتهى الرقة86]

مشكووووووورين

وجزاكم الله الف خير وجعله في ميزان حسناتكم

ورح اسوي باذن الله كل الليً قلتوا عليه بس عشان افتك

 

[منتهى الرقة86]

حبوبة
كا أخيرا لقيت الموضوع..
اقريه..
واذا زاد الصوت و مأذيتج اذنج..
روحي الطبيب ولا تستهينين بالموضوع يا قلبي..
الله يشافيج ويسهل عليج..

http://www.q8yat.com/t668900.html​

مشكورة اختي بس انا رحت وقالوا مافيني اي شي بس الصوت بس اخذت رقمهم وان شالله ادق عليهم

 

[♥MaSteRiyA♥]

مشكورة اختي بس انا رحت وقالوا مافيني اي شي بس الصوت بس اخذت رقمهم وان شالله ادق عليهم

ان شالله مافيج الا العافية
لا تنسينا من الدعاء =***​

 

[أمي قرة عيني]

بعد عمري الله يشفيج والله كسرتي خاطري