انا عرسي شهر 12 وللحين اشتكي من الضعف وزني 48

[Dal3-alnawi]

مرحبا حباااااااااااااااااايبي

ابي منكم تساعدوووووني

انا عرسي شهر 12 وللحين اشتكي من الضعف وزني 48
وانصحوووني اكل عسل بالعطار اسمه مكسرات العنبرية النورس
ونصهم سوبر فيتا او حبوب صينية
وحيل احترت ابي مفعووولها يبين لان حيل الضعف معيبني عرسي قرب

مساااااااااااعدتكم

 

[اوبراا]

رد : انا عرسي شهر 12 وللحين اشتكي من الضعف وزني 48

الف مبروك ربي يتمم عليج
سمعت عن الحلبه تمتن وكثير يمدحونها بنات جربيها

 

[اجمل احسااااس]

رد : انا عرسي شهر 12 وللحين اشتكي من الضعف وزني 48

الف مبروووك مقدما
طيييييحيله حلبه اعطيج طريقه تمتن انا كنت ضعفج ونفس حااالتج قبل عرسي ابي اي شي يمتني وستمريت على هطريقه صاار جسمي يجنن وطلعتلي خدود وخلفيه
الطريقه
جيبي حليب موز المرااعي وحطي نصه بقلاص وحطي فيه حلبه مطحوونه وحووسيه بعدها اشربي شوي من الحليب المخلوط وشوي من الحليب الصااافي علشان اتضيعين الطعم واهم شي الحليب يكون بااارد وللله لي ستمريتي عليها خلال شهر تلاحضي الفرق
ولا تقولين شلون على الريحه دامج بيت اهلج كل شي سوي

 

[ام-اسماء]

رد : انا عرسي شهر 12 وللحين اشتكي من الضعف وزني 48

الف مبروك مقدما بس كثري من المكسرات واكلي مجابيس لاتاكلين حبوب تر تضرج

 

[شوشو العنزي]

الحبوب الصينيه تمتن بس مدري ما انصحج فيها اكيد لها اضرار

 

[نقشة الحنآ]

العنبرية وااااااايد زينة بين مفعولها وياي بسرعة
بس وااايد ثجيلة ع الجبد

 

[بيرلا ستور]

عندي سيبروفييتا اذا حابة
والبنات ماقصروو جربي وصفات

والف مبروك

 

[Graviту]

سنكرز وبسسسسسسسسسسسس

واذا ما تحبين تاكلينه خالي

شربيه عصييييير

مع حليب ومووووووووز وبس راح تمتنين انشالله

واذا تحبين كب كييييييك هم كثري منه لوووول

والله قعدت شهر اكل منه عشان امتن والحمدالله

بس يبيله صبر :]

 

[جروح خالده]

رد : انا عرسي شهر 12 وللحين اشتكي من الضعف وزني 48

رفجتي وزنها ضعيف حيل تقريبا 50 نفس حالتج

شرت من الصيدليه حبوب اوميغا3 فيتامينات حق الجسم وفاتح شهيه وحق الشعر وكل شي

الحين ماشاءالله حلجها مايتسكر من كثر الاكل وزااد وزنها


مبرررررروك

 

[الوجه السمح]

والله شلج بالمتن استانسي الحين بجسمج مردج بعد الحمال و الولاده راح تمتنين استانسي الحين نصيحه والله

 

[عيميه عسوووله]

مبروك قلللوووش

الفال لي هههههه


اكلي بطاط وايد
واكلي كل يوم قبل النوم رهش الي بلمكسرات يمتن تره

واكلي كاكو وايد وعيوش وريحي نفسج لاتجهدين نفسج

وكلش لاتاكلين حلبه كليتها يوةمين مع التمريه ريحتي لمن اعرق تطلع حلبه ويع بغيت اموت لاني اساسا جسمي مايطلع ريحه اشوه افتكيت

وعلى فكره الضعف والرشاقه حلوه لاتمتنين وايد

 

[فديت ولدي]

حبوب الخميرة اختى كانت زيك....وسمنت
بس اكليها بعد الاكل

 

[Miss-LuLu]

لااااااااا انتي عروس لا تاكلين حلبة

ريحتها ماتروح

جربي اي شي الا الحلبة :/

 

[لا خبت ياأملي]

انا راح اقولك طريقتي
انا كنت الصباح افطر حليب ومعاه ملقه مكسرات مطحونه
اشرب عصير الزبيب انقعه واخلطه في الخلاط
اسوي بطاطس مقليه كل يوم
والاخير والاهم كنت اسوي حلبه اغلي تقيربآ ملعقه ونص واحط في الكوب حليب نيدو ملعقه مكسرات ملعقه دبس تمر او عسل واصب عليها الحلبه واكل معاه ساندوتش حلاوه طحينيه
والله العظيم كنت ازيد كل اسبوع كيلو جربيها وماراح تندمين
وكنت اكل موسيجور
ولا تقولين ريحة الحلبه والخرابيط حقتنا
الله يخلي المويه والعطورات وغير كذا كلها فتره وخلاص الحين الحمدالله كل من شافني قال متغيره
وبعدين قبل الزواج ب10ايام اتركي الحلبه واستمري على الباقي
دعواااتك ياقلبي​

 

[لا خبت ياأملي]

على فكره حبوب سبروفيتا والحبوب الصينيه يحذر منها دكتور جابر
وعندي شراب وصفه لي الدكتور قبل شهر فاتح شهيه ومعاه فيتامينات روعه اذا تبيه اعطيتك اسمه
النظام الي اعطيتك يخلي الجسم صحي خدودي كانت حمر وبشرتي فتحت وشعري صار صحي يعني مو زيادة وزن وبس وانا الان راجعه اسويه

 

[حلا الظفير]

مبروووك والله يوفقج ويتمم عليج ان شالله


انا نفس وزنج واذا زاد وتعب عمره كيلو واحد بس اصير 49

شوفي شنو سويت


حليب مراعي + عصير مانجو المراعي + 7 تمرات تحطينهم بماي حار عشان يذوبون تقريبا نص قلاس + موزه وحطيهم بالخلاط


واشربي هذا ليوم واحد تقريبا يطلع لج 4 قلاسات اشربيهم باليوم مع بونتي او تويكس او سنكرس


وكل يوم 4 قلاسات


وكل اسبوع روحي قيسي وزنج والله انا زاد وزني بس وقفت وماقمت اكل

 

[أميره بحبي]

مبـــــروك والله يتمم عليـــتس ,,~
سنيكرس وحليب اخلطيهم بالخلاط واشربي كل يوم 3 قلاسات
انا عن نفسي ماحب السنيكرس والحين استعمل حبوب شريتهم من مره والله سار لي اسبوعين الكل يقول وجهج بينفجر وجسمي بعد اذ في تطورات ابشري بعطيج رقم المره واخذي الحبوب منها على فكره ماعرف اسمهم وخمسين حبه حاطتهم بكيس الحبوب مال الطبيب بعشرين دينار خفت اول ايامي بس نصحتني جارتنا وشريتهم يارب امتن عليهم بس والله باسبوعين النتيجه تبشر خير لامني مليت من كثر الحبوب الصينيه والعنبريه والخلطات المكسرات من الحريم خرطي جسمي صعب يمتن بس الحمدلله متفائله في هالحبوب .....~

 

[لمعة اللولو]

رد : انا عرسي شهر 12 وللحين اشتكي من الضعف وزني 48

مبروك ياقلبي

ونصيحه ابتعدي عن الحبوب ...اذا متنتي عليهم يسون تشققات بالجسم <<<لانه متن مو طبيعي يتفخ فجأه ويصدم بشرة وجلدة جسمج فيتشقق ..

خلج عالاشيا الطبيعيه واستمرري اهم شي الاستمراريه عالشي .... ولا تفكرين وايد لا تتعب نفسيتج ...

 

[همسة الاحساس]

مشكوورات رح اقول لختي

 

[PINK37]

الف الف الف مبروك انشاءاللله والفالي لي وحق كل وحده

مادري اكيد اهم اشيفينج اهل المعرس قصدي واكيد شافوج حيل حلوه ومافيج شي باجر تتتزوجين وتصيرين دبل