انا عزوبية اذن انا فاضية لج ولعيالج وطلعاتج يا مدام

[C'est La Vie]

خرعكم العنوان مو؟
اليوم حابة اناقش معاكم موضوع
نظرة بعض المتزوجات للبنت العزوبية
طبعا انا ما اعمم بس في فئة جذي الله يهديهم
وايد اسمع المتزوجات يتحلطمون على يومهم المزحوم بين الحمولة والريل والعيال
ويطالعونا العزوبيات بنظرة جنه احنا حياتنا الفاضية وبدون هدف
لدرجة اعرف وحده توها والده تقول بخلي ولدي عند حماتي العزوبية
ووحده ما تفقد رفيجاتها العزوبيات الا اذا تبي شي صارت مصلحجية بعلاقتها معاهم
ووحده ما تدق على رفيجتها الا ليما ريلها بالديوانية وتبي "تقزرها" على رفيجتها
رفيجتها اللي مراعية ظروفها وانشغالها
جذي تكافئها
تصير تقزورة؟
ليما يدقون عليها رفيجاتها ما ترد
وما تدق عليهم الا على مزاجها
حتى لو تاااالي الليل
غير طبعا المطاريش اللي فلانة تكفين بطلعتج شوفيلي المعرض الفلاني والا العلاني
ولا سوي شغلي حق الجامعة
واذا طلبتي منها شي تسحب عليج
جنه ما عندنا اهل ولا مسئوليات بس متفرغين نلبي طلبات المدام
فأنا الحين بقول بعالي صوتي
خل كل وحده تسول لها نفسها تستغل صديقتها العزوبية تسمعني​

اي نعم انا عزوبية
بس انا عندي اهل
انا عندي شغل ومسئوليات
عندي وقت معين استقبل المكالمات
وما استقبل مكالمات تالي الليل
ولاني فاتحة بيتي حضانه للي ناوية تقط عيالها عندي <--- ازهب الدوا قبل الفلعة
انا ما اطلع الا بموافقة من اهلي
واصلا انا ما اطلع الا بمزاجي
اذا انا بساعد اساعد اللي يوجبني ويحسب حسابي
ما اساعد اللي يستغل طيبتي ويلاقيني تقزورة
ولاني على حسابج يا مدام​

والله يهدي الجميع

 

[شيخة قبيلتها]

وانا وحده من ضمنهم فديتج لدرجة زوجة اخوي سافرت ماليزيا وخذت 14 يوم وعيالها 3 عندي تخيلي بدال ما توديهم عند امهم خلتهم عندي عشان عارفه اني احرص عليهم من امهم وهم تحملت عشان خاطر اخوي فديته ... وغير جذي يوم سافرت الامارات وخذت 3 أيام هم عيالها عندي وأرد واقول عشان خاطر اخوي عشان ياخذ راحته مع زوجته ... وشوفي الطيبة وصلت معاي الى وين ... وقت ما تطلع من الأربعين تخيلي اني اخذ المولود اسبوع كامل بس عشاان تاخذ راحتها مع اخوي بدون صجه ولجه ولا فيه احد يزعجهم .. وعشان خاطر اخوي وبالاخير طلعت تقول عني كلام وسوالف الله يسامحها يعني الطيب مانفع فيها والحين توووووووووبه ... قاعده اقول اللي تحمل وتجيب عيااال تتحمل عياالها والا اذا ماهي قد المسئولية لا تحمل وتبلـش غيرها بعيالها ...

وتسلمين فديتج ع الموضوع وعسااج ع القوهـ ...

 

[الريادة]

خرعكم العنوان مو؟
اليوم حابة اناقش معاكم موضوع
نظرة المجتمع عموما والمتزوجات خصوصا للبنت العزوبية
طبعا انا ما اعمم بس في فئة جذي الله يهديهم
وايد اسمع المتزوجات يتحلطمون على يومهم المزحوم بين الحمولة والريل والعيال
ويطالعونا العزوبيات بنظرة جنه احنا حياتنا الفاضية وبدون هدف
لدرجة اعرف وحده توها والده تقول بخلي ولدي عند حماتي العزوبية
ووحده ما تفقد رفيجاتها العزوبيات الا اذا تبي شي صارت مصلحجية بعلاقتها معاهم
ووحده ما تدق على رفيجتها الا ليما ريلها بالديوانية وتبي "تقزرها" على رفيجتها
رفيجتها اللي مراعية ظروفها وانشغالها
جذي تكافئها
تصير تقزورة؟
ليما يدقون عليها رفيجاتها ما ترد
وما تدق عليهم الا على مزاجها
حتى لو تاااالي الليل
غير طبعا المطاريش اللي فلانة تكفين بطلعتج شوفيلي المعرض الفلاني والا العلاني
ولا سوي شغلي حق الجامعة
واذا طلبتي منها شي تسحب عليج
جنه ما عندنا اهل ولا مسئوليات بس متفرغين نلبي طلبات المدام
فأنا الحين بقول بعالي صوتي
خل كل وحده تسول لها نفسها تستغل صديقتها العزوبية تسمعني​

اي نعم انا عزوبية
بس انا عندي اهل
انا عندي شغل ومسئوليات
عندي وقت معين استقبل المكالمات
وما استقبل مكالمات تالي الليل
ولاني فاتحة بيتي حضانه للي ناوية تقط عيالها عندي <--- ازهب الدوا قبل الفلعة
انا ما اطلع الا بموافقة من اهلي
واصلا انا ما اطلع الا بمزاجي
اذا انا بساعد اساعد اللي يوجبني ويحسب حسابي
ما اساعد اللي يستغل طيبتي ويلاقيني تقزورة
ولاني على حسابج يا مدام​

والله يهدي الجميع

صح لسانج ..:ggdw:

 

[Ba$ko0oTa]

صح كلامج صج انا متزوجه
بس والله حااسه في كل كلمه تقوولينها
لان يووم من الاياام كنت نفسج

 

[blue diamond]

صاجه حبيبتي وازيدج من الشعر بيت في منهم اذا تزوجت حطت رفيجاتها على الويتنق لست بكل شي عشان كرمال عيون الزوج >> انا خذيتها قاعده اللي ما تحط لرفيجاتها قيمه جدام ريلها وتحترمهم ما تستاهل نحطها على راسنا لو منو كانت

 

[مسك أبيض]

صح كلامك اختي الله يعطيك العافيه وترى مو بس العزوبيه حتى انا متزوجه بس ماعندي اولاد ولو قلت مشغولة تقول ماعندك عيال وش مشغوله فيه ولو قلت اني نظفت شقتي واهتميت فيها تقول لي اكيد لانك فاضيه ماعندك عيال ، الله يعينا على هالناس الي صج فاضيه ...

 

[بشوره الكويت]

اي والله صاجين بنات انا صديقه عمري خلتني من ريلها مع اني موثقيله ومقدرة انها متزوجه ولا اتصل ولا اشوفها وايد وصدمتني حتيبوفات امي مايت تعزينين تصوررا بس نا لاشعوريا دزيت لها رساله قلت لها تمنيتج توسيني لانج مثل اختي وصديقت عمري وبالغصب ردت بمسج بس ومن بعدها خليتها انا ماابيها تخرب بيتها علشاني

 

[C'est La Vie]

حياكم الله بنات
وصج الوحده المفروض من تتزوج لازم تعرف المسئوليات اللي بتييها مع الزواج
ولازم تتحمل المسئولية مو تقطها على غيرها

 

[شنكولة]

لاتعممين

 

[C'est La Vie]

لاتعممين

حبيبتي انا ما عممت
لو تشوفين مقدمة موضوعي انا قلت اني ما اعمم واتكلم عن فئة منهم
وحطيت تحتها خط

 

[عيش و مرق]

قلبه متروسه

 

[مطيريه ماركه]

تدرين آنآ مجربة كل الحآلآت اللي قلتيهآ !!

مع أن حريم أخوآني عسل على قلبي بس يقطون عيآلهم علينآ إذآ سآفروآ مآتقول عندي أمي لآ حموآتي فآضيين

وعفية والله صيفي ولوعة جبد عيآل أخوآني عسل على قلبي وغلآتهم من غلآ أخوي ومرته بس فيه شي اسمه ذوق

مآتجي تسألني بحط عيآلي عندج لآ تحطني أمآم الأمر الوآقع

مع أن أختهآ فآضية أكثر منّي لآ شغل ولآ مشغلة وأكبر مني بعد بس أختهآ مو يم الجهآل على قولتهآ !!

وعند أهلهآ شتقول ؟

والله حمآتي لزمت علي أحط عيآلي عندهآ أو خآلتي حلفت علي مع أن هالحجي مآصآر

مو مرة ولآ مرتين

آنآ أبلعهآ وأسكت عشآن أمي وأخوي

وسآلفة الرفيجآت

مآدري آنآ فيني وفآ مووووو طبيعي وخبلة لهالدرجة ومآحب أرد أحد وسآذجة أو النآس نفوسهم شينة ؟

متزوجة وتطلب منّي فلوس وسلف بعد !

وبعدين إذآ بغيت فلوسي ولآجنهآ تعرفني لآ ترد على مسجآت ولآ اتصآلآت ووقت مآ أعتآزهآ مآلقآهآ طيب ليش قلتي سلف وأنتي منتي رآدتهم لي ؟؟

مو مسألة فلوس بس التدقر مآحبه لو تقول مآعندي أوكي أكره الاستغلآل واكتشفت بعد شنو سذآجتي !!

شعوووووور مو حلو كللللللش

مع أني الحمدلله مآ أحتآج أحد بس مرآت ودي تسأل لي عن شغلة مآله دآعي أتعنى عشآن أشوف درجة طنآش !!

وسآلفة مكآلمآت تآلي الليل والله والله هذي تصيرلي للرآس ومن متزوجآت مووو عزوبيآت

لآ ومرة وحدة فيهم مكلمتني من تلفون زوجهآ تقول ردي علي ليش أني مآرديت آنآ فلآنة ورديت عليهآ حطته سبيكر عند زوجهآ

طيب أنتي تخآفين على نفسج آنآ بالطقآق يعني مو هآمتج

ليش تحطين رفيجتج موطن شبهة جدآم اهلهآ ؟؟

لو وآحد من اخوآني شآف الرقم ودق عليه ورد زوجج شسوي ؟؟؟

ليييييش مآفكرت إلآ بنفسهآ !!

ومآتدق إلآ بيوم الاختبآر هالحزة بدرس وإلآ أرد على استفسآرآتج ؟؟

آنآ مآدري بعض البنآت لي تزوجت ليش يكثر جذبهآ ؟ وليش تصير أنآنية ومآيهمهآ إلآ نفسهآ ؟ وليش مآترى النآس شي يعني اهي انسآنة والبآقي لأ ؟

ترآ المتزوجآت رفيجآتي وآنآ مآودي اقول فيهم شي

بس أنتي سي لآفيه تسآءلتي وآنآ هالتسآؤلآت دآيمآ فـ بآلي

أوكي مآلومهآ حيآة جديدة وزوجهآ يمكن يحكرهآ بس قدري النآس بعد

اللي تمشي معآج صح ليش تعآملينهآ جذي ؟ بدآل لآ تكسبينهآ ؟

ليش صرنآ نستغل الصدآقة ؟ ونمش ايدنآ بالطوفة

وبلآ شكر وننسى !!

هذي المشكلة والله

آنآ وحدة من النآس أعطي صديقتي والنآس الغآلية مآي عيني ولآ ودي أغير هالطبع بس فيه نآس بتجبرني أغير طبعي !!

ترآ مآخلصت قلبي متروسة هاهاها

 

[amoOoNA Al_mazyoNa]

ااي والله يبتيها عالجرح...
انا عندي رفيجتي كنت حيييييييييييييييييييييييييييييييل معاي وااايد وااايد والحين ماااتتذكرني الا اذا تبي شي يعني حق مصلحتها اول كنت البي طلباتها اذا اطلبتني الحين عطيتها طااااااااااااااااااااااف لانهاا مووكفوووو حتى بعيد ميلادي مااتتذكرني ولا بالمناسبات وقمت ماابارك لها بعيد ميلاها ولاحتى بالمناسبات عقب ماتشرهت عليها قامت تتذكرني بالمناسبات والحين ماادز لها مسج بالمناسبات الا اذا اهي دزتلي بالاول بعدين ادزلها

 

[shai5at al3arab]

ايوااااااااااااااااااااااا

كلام منطقي ويقرقع بقلبي من زماااان

عدل عدل كلامج

ولا اللي تقول لي اول ما تزوجت ، واهي رفيجتي مفروض الروح بالروح ، تقول لي انا الحين تزوجت فلا تدقين علي خليني انا اللي ادق @@

غلطااانة ، حطي لج بعد سكرتيرة عشان اخذ منها مواعيد @@

ووحدة ما تدق علي الا اذا ريلها خفارة ، وليش ، تبيني اونسها تخاف تقعد بروحها ، ارقوز انا :eh_s(1):

واذا ابيها بشغلة امبي حتى المكالمة ما ترد عليها :eh_s(1):

لا اي شي صج ..

هذا كله كوم واللي يقولون لج انتي شتسوين بمعاشج ما عندج لا زوج ولا عيال @@

امبي يحسبون لي شكثر يبقى من معاشي @@

انتوا شكو @@

ولي شريت شي قالوا لي اي ما عندج لا ريل ولا عيال @@

خاف صج اهما يدفعون فلوسهم ..

كل شي ولا اللي تتفلسف علي حمدي ربج انتي عزوبية ، اقول بقلبي اي اشوفج قبل الزواج كنتي بتذبحين عمرج عشان الريل ، امبي شحااط @@

امبي موضوعج ييه بالصميم .

 

[دلوعة حمني]

كلامج صح... والله كل شيء يتأجل علشان عيالي...و مو معنى ان حمواتي او صديقاتي مو متزوجات اخذ راحتي و احملهم مسئولية المفروض اني انا اتحملها!!! تسلمين خووش موضوع

 

[C'est La Vie]

امبيه مطمط صدمتيني
تطلب منج فلوس؟
وشفايدة هالريال اللي متزوجته عيل؟
واذا على سالفة تحط السبيكر حق ريلها
انا دقيت على وحده سألت عنها وعن بنتها اسم الله عليها
جان تقط السماعة عليها وتقعد تسولف ماما وبابا فوق راسي
تسولف وانا ملييييييييييييييت
واهي نستني على التلفون
انا داقة عليج ولاعلى بنتج؟
اوكي سمعت صوتها يزاج الله خير بس مو تقطين السماعة عليها وتلطعيني :0bee2e8d89:
جنه ما عندي لا شغل ولا مشغلة

 

[قـہۈه فـرنسيـہ™]

يســــــــــــــلمـ تمـــــك ,,,

والله صاجه بكل كلمه ,,,
تخيلي والله ما أزل عليكم مره وحده تدق علي دقة وتسكر تدق وتسكر أزعجتني ,,, قلت ماااني داقه عليها شنووو هندي عندهااا ,,, ونطرتهاا آخر شي دقت علي ,,,
والله بالحرف الواااحد : يمه يالبخيله ليش مادقيتي ,,,(يعني انتي كلللللش الحين مسكته)
قلت لها ما عندي رصيد ,,,
قالت دقي علي ,,, يختي أنتي عزوووبيه ماعندج مصاااريف أنا وراااي عياال وزووج ,,

^


^


استغفر الله ,,,

شنوو يعني لي هالدرجه ,,,الحمدلله والشكر ,,كلنا بخير ونعمه بس ما أحب الحركااااااات هذي ,,,

 

[ليالي الغربية]

يعطيك العافية حبيبتي

والحال من بعضه لكن خلال لايلدغ المؤمن من جحر مرتين

 

[مطيريه ماركه]

امبيه مطمط صدمتيني
تطلب منج فلوس؟
وشفايدة هالريال اللي متزوجته عيل؟
واذا على سالفة تحط السبيكر حق ريلها
انا دقيت على وحده سألت عنها وعن بنتها اسم الله عليها
جان تقط السماعة عليها وتقعد تسولف ماما وبابا فوق راسي
تسولف وانا ملييييييييييييييت
واهي نستني على التلفون
انا داقة عليج ولاعلى بنتج؟
اوكي سمعت صوتها يزاج الله خير بس مو تقطين السماعة عليها وتلطعيني :0bee2e8d89:
جنه ما عندي لا شغل ولا مشغلة

المشكلة أم سبيكر ورآعية السلف وحدة سبحآن الله هالبنت على كثر مآعطيتهآ مآبيّن بعينهآ

سلمج الله هالبنت سآلفتهآ سآلفة كآتبة فيهآ موضوع آنآ أقري موضوعي وردودي بعد شوفي تطورآتهآ

7

7

http://www.q8yat.net/showthread.php?t=383060

لآ تسأليني ليش كتبت الموضوع صج صدمة لمّآ تدرين رفيجتج تستغلج مو وحدة وإلآ ثنتين الظآهر العيب منّي آنآ

بس هالبنت حيل حيل حيل صدمتني

والأكثر مووو السلف الطنآش صرآحة خلآني أعيد حسآبآتي :eh_s(1):

 

[C'est La Vie]

ايوااااااااااااااااااااااا

كلام منطقي ويقرقع بقلبي من زماااان

عدل عدل كلامج

ولا اللي تقول لي اول ما تزوجت ، واهي رفيجتي مفروض الروح بالروح ، تقول لي انا الحين تزوجت فلا تدقين علي خليني انا اللي ادق @@

غلطااانة ، حطي لج بعد سكرتيرة عشان اخذ منها مواعيد @@

ووحدة ما تدق علي الا اذا ريلها خفارة ، وليش ، تبيني اونسها تخاف تقعد بروحها ، ارقوز انا :eh_s(1):

واذا ابيها بشغلة امبي حتى المكالمة ما ترد عليها :eh_s(1):

لا اي شي صج ..

هذا كله كوم واللي يقولون لج انتي شتسوين بمعاشج ما عندج لا زوج ولا عيال @@

امبي يحسبون لي شكثر يبقى من معاشي @@

انتوا شكو @@

ولي شريت شي قالوا لي اي ما عندج لا ريل ولا عيال @@

خاف صج اهما يدفعون فلوسهم ..

كل شي ولا اللي تتفلسف علي حمدي ربج انتي عزوبية ، اقول بقلبي اي اشوفج قبل الزواج كنتي بتذبحين عمرج عشان الريل ، امبي شحااط @@

امبي موضوعج ييه بالصميم .

قل اعوذ برب الفلق من شر ما خلق
واهم شكوو؟؟ اشريتي شكليتي شلبستي وين رحتي, من جيبهم؟
يا ربي الناس اللي جذي فاضية بس تطالع اللي عند غيرها اعوذ بالله