انا عملي الكوورس الثااني وعندي استفساااار بخصووص المشاهدات ؟؟

[*قفشة عسل *]

صبااااحكم عسل يا ابلااااات
ان شالله الكوررس الثاااني بهجم على احدا روضاااتكم وبنضم لكم :ggdw:>> بس راح اكوون تربيه عمليه
وعندي استفسااار _ طالبات الميداني جم اسبوع مشاهده ؟؟
وهل الموجهات يطلون علينا كل يوم .؟ او يوم بلاسبووع ؟
بناات حدي متحمسه وخايفه بنفس الوقت ما ادري شلوون راح اعرف اتعامل مع الجهااال ؟؟
وعندي بعد سؤال انا سمعت ان كل ابله لها معدل بالروضه او نسبه وما فهمت الطريقه يحسبوون على شنو ؟؟
ادري اسالتي بااايخه بالنسبه لكم :dddds:
بس انا اجهل هاللاموور والف شكر لكم
ودمتم بوود

 

[*قفشة عسل *]

افااااااااااااااااااااااااااااااااااا 5 مشااهداات يا ابلااااات ولا وحده كلفت نفسها ترد علي
على العمووووووم مشكووووووووووورين

 

[طيرشلوا]

اسبوع للمشاهدة اواسبوعين مو اكثر

والزيارات تقريبا من 3او4مرات اسبوعيا ممكن حلقة 2واركان ولاصفى

بس يركزون اكثر شئ على الحلقة والاصفى

انتى جهزى شغلج قبلة بيوم علشان من ثانى يوم ماتلعوزين

واهم شئ انج تكونين هادية وموخايفة ولامرتبكة وافرضى شخصيتج على الاطفال علشان تكسبيهم

وبس خلص كلامى وموفقة

 

[*قفشة عسل *]

مشكوووووره طير شلووووا ومااااقصرتي >>> واللـــه يعيني

 

[saroona-84]

اتوقع الكورس الثاني اسبوعين مشاهدة.. واهم شي وقت المشاهده تركزين على
1- معاج ورقه وقلم وتسجلين كل شي سوته الابله من طأطأ لي سلام عليكم ولاتهملين اي شي مهما كان بسيط
2- سألي عن كل شي لاتستحين كل شي موفاهمته عدل مدل سألي عنه.
اما الحضور اتوقع 3 مرات كل اسبوع والموجهه على حسب اذا كنتي من الجامعه او التربية الاساسيه
لا تحاتين ولاتخافين اهم شي ركزي وصفي ذهنج وصدقيني اذا فهمتي الشغل صح راح تستمتعين
بالتووووفيق

 

[عهود الحب]

لكم اسبوع مشاهدة ويكون زيارات للابلات مع المشررفات وتستفيدون من طرق تدريسهم
سألي عن كل شي وسوي سيرج بالنت بتلاقين وسائل وافكار والعاب تربوية ومسابقات
الموجهة مالتكم الله يعينكم تدش عليكم مرتين بالاسبوع ومرة المشرفة
واهم شي انه تستفيدون والا الاطفال سهالات لاتحاتين التعامل معاهم
بس من اول شي افرضي شخصيتج مو تصيرين رخوة يطيحون الميانة وماينضبطون ووتتلعوزين

 

[ابلة^روضة]

هلا حبيبتي انا توني مخلصة تربية عملية هالكورس من اسبوع خلصنا شوفي المشاهدة اسبوعين لازم تكتبين كل شي وتسالين عن اي شي وبعدها كل يوم عندج المشرفة يوميا
((مشرفتين من الكلية))اومشرفة كلية او مشرفة من الروضة كل اشبوع تقدمين حلقتين واركان 2
ولاصفي 2 هذا غير النشاط والمطعم بس اهم شي الحلقة واللاصفي ..ويكون عندج يوم واحد بس اللي محد يدش عليج فيه يكون عندج جدولج مطعم ونشاط صباحي مثلا ....وانشالله الله يوفقج بس اهم شي نصيحة خلج حبوبة ويا الاداره والمشرفات يعني انتقدوج سكتي موتراددين واتداحرينهم مايحبون جذي والاداره اذا عطوج احتياط او طلبو منج شي مو تتاففين وتقولين هذ موجدولي هم سكتي لانه في 10 درجات بايد الناظره...واي شي تبينه لا يردج الا لسانج

 

[Eva-SS]

اذا من تربية الجامعة تشرف عليج مشرفة الروضة والموجهة تدخل عليج

إذا من التربية الأساسية مشرفتين من الكلية والروضة مالها شغل فيج بس بيدها 10 درجات حضور وغياب وتكون بيد الإدارة

الدخول يومي تقريبـا .. لا صفين وحلقتين وممكن يدخلون أركان

والمشاهدة اول اسبوعين .. اكتبي كل شغلة واسألي مشرفتج بفترة المشاهدة لازم تستفيدن منها عدل

والله يعينج

 

[معلمة متقاعدة]

 

[*قفشة عسل *]

حباااايبي جزاااكم الله خير وماقصرتوووو