انا عندي مشكله بدورتي واتمنى منكم تساعدوني

[Mhawi]

انا عمري 16 تقريبا بروح عاشر وعندي مشكله انا فطرت 12 يوم برمضان بسبب دورتي والحين علي الدوره وطولت حيل :eh_s(16): وانا بصوم الايام الي فطرتها قبل رمضان هذا فــبليييييييز الي عندها حل تقولي لان انا استحي اقول حق امي حيل حيل استحي فأتمنى أنكم تساعدوني.
*وانشالله الله جزاكم خير :yaaaaaarb:

 

[سـديم]

طيب ليه ماتروحين لدكتورة نساء تشوف لك سبب طول مدة الدوره عندك يمكن في لخبطو ولا شي..

بس اذا تبين الدوره توقف اكلي رشاد ملعقه صبح ومسا لانه ينشفها.

بس نصيحه مني بعد ماينتهي رمضان اقضي الايام الي فطرتيها على طول عشان ترتاحين وتصومين الست.

 

[♥ SWeeRa ♥]

حبيبتي مو باقي شي


روحي لدكتوره تشوف شنو سبب الدوره ومدتها اللي قضيتها


اهم شي الدوووووره حبوووووبه
قولي لامج يمه طولت الدوره اكثر من مدتها

واصلاا المفرووووض اذا دورتج 7 ايام ماتصلين اذا نزلتت عليج واذا تعدت ال 7 وال 8 و9 ايام لازم تصلين عادي وتصومين
حبوبه روحي لدكتورة نسا

 

[بـخور الدواسـر]

في الشرع هذي تسمى ( استحاضه ) يعني اذا تعديتي السبع ايام من الدوره والدم للحين مستمر خلاص لازم لازم تصلين
الدم له اسباب كثيره ممكن نزيف ممكن بداية تغير هرمونات او غده او زياده وزن وممكن تكيسات وغيرهم اسباب كثيره مايعرفها الا المختص
روحي دكتوره عن هالنزيف لكن صلاتك لاتخلينها
والله يعافيك ويشافيك يارب

 

[Mhawi]

يعني اصلي واصوم أيامي الحين عادي

 

[بـخور الدواسـر]

ايه عادي صوميها وصلي والله يعينك على الحر والعطش

 

[Mhawi]

مشكوره والله ريحتي قلبي انشالله بصوم من باجر وبخلص والله يجزاج خير لإنج ساعدتيني

 

[بنت الككاو]

لا مايجوز الا لين تطهرين طهاره تاااااااااااااااااااااامه

رووووحي دكتوره يمكن عندش فقر دم قوي ماتدرين وين المشكل عالجي بجميع الطرق

ولا روووووووووووحي حق مره مختصه بالطب الشعبي تفيدش
وشكرآ