انا فيني فطريات في الفم ساعدوني

[وديان@@@]

السلام عليكم
انا ابي اي وحدة سمعت اوصار فيها نفس حالتي تساعدني
انا بقولكم مشكلتي
الله يسلمكم انا من شهر 6 وانا فيني فطريات في الفم احط الدهان وبعد اسبوع اطيب والاسبوع الثاني تجي مره ثانية قلت هاذي يبيل لها دكتور خاص رحت حق المستشفى الخاص قالي سوي تحاليل سويت وعطاني نفس الادويه مالت المستوصف يوم بعد اسبوعين خفو من الفم قال ابيج تروحين حق دكتور اسنان رحت حق دكتور اسنان قالي هذي حالة نفسية راح تطيبين عطاني دواء قال بس تلقينا في الصيدليات قمت اطر اخر شي لقيته في المستوصف اليمي وقال مراح ترجع بس اذا ارجعت راجعيني لاتروحين اي طبيب ثاني جيتة بعد اسبوعين يوم شافني قال ليش يايه قلت دكتور انت قلت اذا يت مره ثانية قال يعني بعد سنة مو اللحين شفت مستانس على العشرين قلت بدام يعالجة هل الكريم خليني اعالجة وتحاليلي زينة
طبت بعد 3ايام جت الفطريات في الفم بس حسيت قوية رحت سويت مسحة زراعة وطلعت لقو فيها فطريات الكنديدا رحت مستشفى خاص عند استشاري باطنية عطاني مضاد الفطريات وبعد اسبوع طبت بعد 3اسابيع شفت في البلاعيم فطريات صغيرة قلت خل اشتري مضاد الفطريات والحين انا صارلي 6ايام اكل المضاد وراحو الي في اللوز ولقيت وحدة اصغيره في اللثة كلمت الصيدلي قالي لاتحاتين لانة الكورس اسبوعين خل انشوف بس مايطلع كبار وانا اللحين خايفة
الي عندها خلفية عن المرض تقولي
مشكورين

 

[متميزة]

انا سمعت ان كثرة ظهور الفطريات يرجع الى نقص المناعة. وما تشوفين شر ان شاء الله بسيطة . بس ياريت تحافظين على نظافة الفم يعني تفرشين اسنانك بانتظام علشان مايساعد على نمو الفطريات .

 

[وديان@@@]

والله انضف عدل بس والله تعبت
مشكورة علىردج

 

[شيهانه]

اتوقع الحاله انها مشتركة بحاله نفسية و عدوى متكرره

شوفي قطي جميع الحمرات الي كنتي تستخدمينها والتحاديد واي شي كنتي تستعملين فتره المرض لانه هذا فيروس ملوث اشياء انتي تستخدمينها بصفه مستمره علشان جذي قاعد يتكرر معاك ..

اهم شي غسلي الفوط الي تمسحين فيها وجهك بماء حااااااااااااار وكل ملابسك وخصوصا الداخليه وحطي كلوركس الملون او الابيض بالغسيل وتنظرب اوتي عدل علشان تموت الفطريات ..

ويستمر هل الشي لين تنتهي العدوى

 

[ii DareeN ii]

والله مامرت علي بس يمكن حالتج بما ان الي عالجها باطني سببها داخلي من الجسم مو اسنان والحمدالله ان العلاج نفع بس جان سالتيه شو سببها بالضبط وشلون تتحاشين ضهورها مره ثانيه وماتشوفين شر

 

[وديان@@@]

,والله تعبت الحين اشوه الكبار الي بسقف الحلج ماكو الحين باللثه وباطن الخد واللسان يقولون يمكن جهاز المناعة يحارب نفسة كل دكتو يعطي تفسير بس انا شاكة من الغدة بروح الاسبوع الجاي دكتور الغدة الدرقية
الله يشفيني وكل مسلم ماقصرتو خواتي

 

[AL REMAS]

اختي اكيد في شي بالادوات اللي تستخدمينها ملوث ويسبب لج العدوى المتكررة
على قولة شيهانه قطي كل الحمر والمحددات
وازيد قطي الفرشة والمعجون القدم اللي كنتي تستخدمينه وغيريه بمعجون ثاني
وخلي الخدامة دايما تغسل القلاصات والسكاين والقفاش بالكلوركس
لازم تعرفين مصدر العدوى علشان تتخلصين من المرض
فتشي بكل اغراضج اي شي له ريحة مو طبيعية او متغير لونه غيريه
ذبحتج الادوية بعدين من كثر استخدام المضادات الحيوية ما راح تنفع معاج
لازم تعرفين السبب اول وتتخلصين منه
والله يعافيج من كل شر

 

[وديان@@@]

مشكورين

 

[غنوة ستايل]

يمكن عندج شي غلط في غده اللعاب اللي في الفم

ترا استخدام المضادات بالشكل الكبير هذا يخلي عندج مناعه .. براي سوي تحليل كامل ح الخلايا البيضاء في الجسم

و مزرعه ثانيه عند واحد يفهم حق اللعاب . و حق الفطريات هذه

وان شاء الله خير ...صراحه الله يكون في عونج انا مره طلعت لي حبه وحده و طفرتني اسبوع اشكي منها .. بس راحت بالدهن اللي من الصيدليه اللي طعمه مثل السكر .. و ما ردت ..

الله يشفيج اختي .. وعسى ربي سامع الدعاوي يستجيب دعوتي لج ويشفيج يارب