انا قلطانه ولا لا

[ام العفالق]

السلام عليكم خواتى


بحجى لكم سالفتى ريلى الله يصلحه يشرب بشكل اسبوعى وانا حملت ومابى اولد وريلى للحين يشرب اخاف يوم يسوى بولدى شى حاجيته قالى مالج شغل ان تحجيتى بالموضوع مره ثانيه هددنى ان يطلقنى ويقول حق اهلى ان فينى قلط منى انا قولوى شسوى اسقط الياهل خو هم ولا همين ؟

محتاجه نصيحتكم ودعائكم بصلاح زوجى دعوة الغائب مستجابه باذن الله

 

[بتبوتااا]

استغفر الله ياقلبي شنو تسقطين !

يمكن هالولد يكون سبب بتغير ابوه وانتي حاولي بعد انج تقربين ريلج لربج والله يهديه ياارب

 

[سكوتي بذوقي]

اختي تدرين ان ازهاق الروح حرام

ربي ياخذ الروح مو زين هذا الشي

أولاً حرام ثانياً علشان صحتك وعافيتك

صلي وادعي ربي يهديه وكلمي أحد كبير ينصحه

الطلاق مو حل وذبح الجنين مو حل

عسى ربي يهديه ويسخره لك

 

[كويتيه شماليه]

بسألج ليش ماسحبتي نفسج قبل لاتحملين الحين حرام تقتلين نفس هذي جريمه

ما اقول الا الله يهديه ويسخره لج يارب

 

[المرتاحة]

الشرب مو شي هين يعني لو تطلبين الطلاق انا ما ألومج

بس حرام تذبحين نفس مالها ذنب

انا اقول قولي لاهلج وابوج و اهم يتصرفون.. المفروض انتي ما تسكتين من اول ما شفتيه يشرب اطربقين الدنيا على راسه

 

[نونو العصله]

لا تسقطينه حرام

بس ليش للحين ساكته
ليش حملتي منه
من شفتيه يشرب جان علمتي اهلج
الله يهديه بس

 

[زوجة عزيز]

حرام اتطيحين الياهل حتى لو بتفكرين في الطلاق حرام اتطيحين الياهل الله يهدي زوجج ان شاء الله

 

[الجو رايق ~]

وش غلطاااااااااانه ؟؟

من صجك ؟؟؟

هو الي غلطان من راسه لرجوله

لاتخلينه يقلب الطاولة عليك

يشرب خمـر وعينه قويه

لاتعطينه فرصة يتكلم عليك وانتي قولي لاهلك عن هالشيء

لاصار ماصار يكون عندهم خبر

مايقولون تبليتي عليه وتوك تنطقين بعيوبه

والله تبين شوري روحي بيت اهلك واخوانك يكلمونه

اذا ماعقل الحين متى بيعقل ؟! لاجاب الثاني والثالث ؟!

والله مافي غير النصيحة اذا ماتقدرين عليه كلمي اخوانك

ومشكلة زوجك مكابر وعارف عيبه ولا بعد يبي يطلع فيك الشينه ..

وماعليك منه تكلمي بالموضوع مرة و2 ومليون مرة

هو مش عايش بروحة انتي زوجته ومن حقك يكون ماشي بطريق عدل مثل ماانتي عدله .

والي فيك روح مالها ذنب تسقطينه ..

هذا رايي الشخصي والراي الاول والاخير يرجع لك ..​

 

[Gifts&Occaions]

اطلبي منه الطلاق الي يشرب عادي يسوي اي شي يا انه يبتعد عن علخرابيط يا الطلاق وبعدين حرام تسقطين !!!!!!

 

[كييت]

اى غلطانة

خيتوو في ناس تبي الحمل فااحمدى اللة عالعمة ويمكن لاشاف البيبي الجديد يحس بالمسولية ويبطل

ربي يهدية ادعي لة

 

[عبير العنزي]

انتي وزوجج غلطانين

المفروض قبل الحمل ماتسكتين عن هالشي تعرفين يعني شنو شارب الخمر

يعني حرام تعيشين معاه

الحين شنو ذنب الجنين المسكين تبين تسقطينه حرام عليج

انا اقول روحي حق اهلج وخلي اهلج يدخلون بالسالفه ويكلمونه ويكلمون اهله

وان شاء الله يتوب

 

[*ريما*]

الله يهدية

 

[حبيبي مالكني]

الله يهديه
ويمكن هالولد يكون سبب في هداية زوجك

 

[دلع العتبان]

من الاول اختي ليش تكملين معاه حياتج شفتيه شارب للخمر منسحبه او طالبه طلاق ليش تحملين

اقدار سبحان الله الله يهديه يارب ،،،،

 

[كـ غلا ــلي]

انتي وزوجج غلطانين

المفروض قبل الحمل ماتسكتين عن هالشي تعرفين يعني شنو شارب الخمر

يعني حرام تعيشين معاه

الحين شنو ذنب الجنين المسكين تبين تسقطينه حرام عليج

انا اقول روحي حق اهلج وخلي اهلج يدخلون بالسالفه ويكلمونه ويكلمون اهله

وان شاء الله يتوب

انا من رايها عبالج اللي يشرب عنده احساس بالابوه قاعدين نشوف اب هالمسلسلات والافلام

العيشه مع هالنوع من الاوادم بيئه مو صحيه حق مره فما بالج ياهل يعني اللي قاعد يزقب

اهواا قدوته اصلا اشلون سكتي عليه الحرام ماشي بدمه يعني ما يعرف الله ولا يخافه

 

[بقــآيآ جـروح]

استغفرالله من صجج تذبحين شي الله آكتبه تقتلين رووح الله كتب له الحيآىه
تعترضين ع امر الله يعني عآآدي تتحملين وآآحد يشرب خمر مآآيخآآف من ربه
وتبين تستمرين معه وممكن يكون مآآيصلي يعني كآآفر وحرآآم قعدين معه آم
شي آكتبه لج الله بالحلال تبين تسقطينه ع اي اساس عشآىن ابوه
اللي مآآيدري عن الدنيآآآ احمدي ربج يبه غيرج يتمنى يآآهل
لا تتهورين وربي بعدين يحرمج من الخلفه وتظلين ندآمنه طول العمر رضى ربج ىهم من رضى
زوجج ونفسج وكل وآآحد مقدر له رزقه وعسآآهآآ يكون هو السبب في هدآية زوجج

«من قتل نفساً بغير نفس أو فساد في الأرض فكأنّما قتل النّاس جميعاً
صدق الله العظيم

 

[آتعــبني غـلآآك]

لاحرام الاجهاض تطلقي منه وربي ولدج بروحج
الله يهديه يارب

 

[انا لحبيبي .]

يلي ببطنك من رب العالمين ، ربنا عارف وضعك وربنا بعتلك الطفل ببطنك لهدف وحكمه بهالدنيا

لانه ربنا بايدو كل شيء ، الله يهدي زوجك ويصلحو يارب العالمين

 

[.،:"$الـعـوبــــة$":،.]

والله دام هذا حلك شكلك متخلفه كنك رجلك ،،:eh_s(10):

الله يعين هالجاهل ،،

محظظ من الصوبين ،،

وحاسه انكم تستعبطون لأن كلامك مو كلام وحدة صاحية وتكانه ،:eh_s(8):​

 

[Tom ♥ Jerry]

.،


خآفي ربج شلون تسقطين الياهل هاذي روح حبيبتي حرآم عليج ّ!
قوليله اذا مآ تسنعت و تركت الحرآم و صليت صلاة ربك
طلقني ! و فعلا ترا مآ يجوز تقعدين مع وآحد يشرب ومآ يصلي !