انا مالفه كتاب بتعرفون شلون تالفون حياكم

[فراشه]

السلام عليكم

لاحظت وايد بنات ودهم يالفون كتاب و موعارفين شلون وشنو الخطوات

الموضوع واااايد سهل

بالنسبه لي كتبت الكتاب وطلعته برنت او وديتا المطبعه طبعولياه بعدين المطبعه نفسهم يتعاملون مع شركة نشر وفروا علي خذوهم ونشروهم والحمدالله صارلهم 6 اشهر ينباعون بالمكتبات وماشين والله الحمد

اكيد بتسالون ماكو ترخيص ؟ المفروض بس مو شي اساسي يعني عادي تقدرين تنشرين كتابج من غير ترخيص

لازم اطبعا و اودي ؟ لا كيفج تودينه بخط ايدج بسي دي بفلاش كيفكم

انزين اذا تعاملنا ويا مطبعه بس ماينشرون ؟ عادي سئلوهم اكيد يعرفون شركات نشر و دوهم انتوا

من وين نحصل شركات نشر ومطابع عطينا رقم مطبعتج ؟ ما انصحكم بمطبعتي اهمه زينين بالتعامل بس الكتاب في اغلاط
املائيه انتوا شتسون اخذوا اي كتاب عندكم مطبوع بالكويت وشوفوا الصفحه الاخيره اكيد حاطين رقم المطبعه وشركة النشر اذا مالقيتوا الشويخ والري متروسين مطابع


يعني باختصار تاليف الكتاب 3 خطوات بس
تالفين الكتاب
تودينا المطبعه
تودينا شركة النشر

واهم اهم شي بالموضوع كله الدعـــــــــــــــــــاء انا مانجح كتابي و تيسرت اموري الا من الدعاء


واي سؤال انا حاضره

وادعولي كتابي ينشهر و الف كتاب ثاني واصير كاتبه مشهوره

 

[فراشه]

نسيت اقولكم لا يقصون عليكم المطبعه يقولون طبعي وايد يطلع ارخص اول طبعه لازم شويه تجربه عشان اذا في غلط تعدلينه بالطبعه الثانيه لا تغلطون غلطتي طبعت 2000 نسخه عشان يطلع ارخص وتوهقت فيهم طلع في اغلاط ديروا بالكم طبعو اقل شي لا يقصون عليكم

 

[HAD.Lavender]

الله يوفقج ان شاءالله و مشكورة عالمعالومات

 

[فراشه]

العفو حبيبتي

مشكوره ع المرور

منوره

 

[ظلال القرآن]

مشكوره يالحبيبه عسى ري يوفقج

 

[life1]

بس عاد تنصحينه ابمطبعه معينه رخيصه و محترمه

ولا شرايج بالي بره الكويت

او شرايج الي بالشويخ لاحظت وايد فيها مطابع ورا معارض السيارات اللكزس و التيوتا وهالسيارات صوب السيرفس

 

[~q8ia~]

موفقه

شسم كتابج عشان نشتري

 

[*دنــيـQ8 ــا الوله*]

انزين انتي طبعتي 2000 كتاب ... تقريبا جم كلفج طبعهم ؟
وشنو اسم كتابج علشان نشتريه

 

[فراشه]

لايف انا ما اعرف غير المطبعه الي طبعت فيها بس مثل ماقلتي الشويخ فيها وايد جربيهم

2000 نسخه 900 دينار

اسم كتابي اسرار

مشكوورين حبايبي ع المرور

 

[life1]

انا مشتاقه عاد اقره كتابج

حتى لو مال اطفال

 

[فراشه]

انا مشتاقه عاد اقره كتابج

حتى لو مال اطفال

حبيبتي والله كتابي اسمه اسرار

 

[أغلى الأثمان]

مرحبا
موضوعج شدني
لان مهم عندي
واشكرج شكرا جزيلا

السؤال ؟

يوم تالفين كتابج شنو الخطوات اللي مشيتي عليها بتاليف الكتاب ؟
هل استعنتي بمراجع .......... وكم المدة المستغرق من الوقت ..............متمكن من المجال اللي كتبتي عنه اشلون .......... قريتي 50 إلى 70 كتاب في المجال اللي بتكتبين عنه ........... والله اساله كثير لم اجد لها جواب في فن تاليف الكتاب
ارجو ان اجد الاجوبه عندكي افيدينا جزاك الله خير ورفع من مقدارك
مع تحياتي ................

 

[rawona]

الله يوفقج ان شاءالله و يسهل امورج ..


اذا شفت كتابج ان شاءالله راح اقراه واقولج رايي

​

 

[~q8ia~]

ان شاء الله بشتريه بس وين متوفر ما عليج امر

 

[فراشه]

مرحبا
موضوعج شدني
لان مهم عندي
واشكرج شكرا جزيلا

السؤال ؟

يوم تالفين كتابج شنو الخطوات اللي مشيتي عليها بتاليف الكتاب ؟
هل استعنتي بمراجع .......... وكم المدة المستغرق من الوقت ..............متمكن من المجال اللي كتبتي عنه اشلون .......... قريتي 50 إلى 70 كتاب في المجال اللي بتكتبين عنه ........... والله اساله كثير لم اجد لها جواب في فن تاليف الكتاب
ارجو ان اجد الاجوبه عندكي افيدينا جزاك الله خير ورفع من مقدارك
مع تحياتي ................

كتابي عباره عن قصص واقعيه هادفه مجمعتهم كتابي بسيط وماتعبني بس خذه مني 5 شهور

 

[فراشه]

ان شاء الله بشتريه بس وين متوفر ما عليج امر

حبيبتي والله ماقصرتي

كتابي موجود باغلب المكتبات بس الي متاكده منهم مكتبة الخالديه الي بحولي و التسجيلات الاسلاميه الي بجمعية الخالديه بالسرداب و مكتبة اليرموك

 

[حجيه هيونه]

الله يعطيك العافيه على المعلومات

الحين بالنسبه لنشر الكتاب شلون؟؟

عطينا تفاصيل اكثر لو سمحتي

 

[فراشه]

بس تتفقين ويا اي شركة نشر وهم ينشرونه

 

[~q8ia~]

موفقه

 

[Little_Queen]

شكرا فراشه على مشاركتج لنا ب"أسرار " كتابج و رحلتج مع الطباعه

و انشالله الله يوفقج أكثر و أكثر في الكتابه و الابداع دوما

و صح .. انا بعد أبي أأكد على نقطة ان لا تطبعون وايد

كثر ما تقدرون طبعو أقل عدد ممكن .. عشان ينشر و يباع بشكل أسهل ..

الـ2000 نسخه و الـــ3000 نسخه تحسون رح تغصون فيهم .. الوالدة الله يسلمها طبعت كتابها 3000 نسخه و كاهو و حياتكم تارس علينا المكتب و ماخذ مساحة و كل ما نبي نوزع المكتبه ما تاخذ اكثر من 10 او 20 نسخه بالكثير !

فكل ما قل العدد كان أحسنلكم .. و لا تفكرون بالربح المادي من ورا أي كتاب لأن اكيد بالبداية مارح تاخذين كثر ما تصرفين

و الله يوفقكم جميعا و يوفقني وياكم ...