انا مستغربه شلون مدرسة اطفال وولدها قليل ادب

[شروق المجد]

شلون مدرسة اطفال واجيال وهى ماتعرف تربى اعيالها

 

[um khaled]

اهي ام في النهايه

 

[عهود الحب]

باب النجار مخلع !

 

[lovely jojo]

مو شرط....
لان بالاساس في معلمات ما يعطون من عمرهم بالتدريس وما يقدمون المعلومة بضمير..

 

[بدرالكويت]

الله اللي يربي بس الوالدين يوجهون ويعدلون بس كله على الله
شوفي الاخوان في البيت الواحد اطباعهم تختلف مع انهم نفس التربية والمعامله تشوفين الشين والزين
يعني مو دايم الاهل مسئولين عن اخلاق عيالهم وبس يصير عندج عيال بتحسين بهذا الشي اكثر
وكله على الله

 

[*أم*خالد*]

بسم الله الرحمن الرحيم

( وأما الغلام فكان أبواه مؤمنين فخشينا أن يرهقهما طغيانا وكفرا ( 80 ) فأردنا أن يبدلهما ربهما خيرا منه زكاة وأقرب رحما ( 81 ) )

صدق الله العظيم

سورة الكهف

 

[3so0ola]

شكوووو ماله علاقة
لا تنسين ان المجتمع ومحيط الطفل ياثر فيه
اشرايج اذا قلت لج ان شيخ معروووووف ماسك مناصب عندنا
ولده جنس ؟؟
بتحاسبين الشيخ ؟
كان ولده من حفظه القران
بس اصحاب السوووو اعفسوه
اللي موالين الشخص ياثرون فيه واااايد

 

[LeeMa q8]

حبيتي شكو ..

ان اختي تعبت من ولدها الفاظه وسخه وعليه حركات وتعلم وتعلم ومافاد فيه وابوه يزفه ويحرمه من شغلات يحبها بس يعاند ويزيد ..

تدرين من شنو ..

من عيال عمه اللي وياه بالبيت ومن عيال جيرانهم ..

يعني ياقلبي عوامل بيئيه اللي اهي البيئه المحيطه بالطفل تؤثر عليه وطبعا اما سلبا او ايجابا ..
وفي اطفال يتسنعون ويتعدلون ويا نصايح اهلهم

وفي مثل ولد اختي يعاند ويزيد الا من رحم ربي ...


لا تظلمين الام كفايه تتعب وتكرف بالروضه الله يكون بعونه بسس !

 

[القرآن ربيع قلبي]

(( إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ ))

 

[ملاك-77]

مو شرط مو قاعده...

البيئة تأثر بالطفل والعوامل المكتسبة تاثر فيه
وحتى اختلاطه بالروضه وبافرصه ممكن ياعلم ألفاظ وحركات ماتعلمها من اهله
أحيانا اطفال يفشلون اهلهم بتصرفاتهم والاهل قمه بالادب والاحترام

 

[د۾ــξــھ حــڒڼ]

رد : انا مستغربه شلون مدرسة اطفال وولدها قليل ادب

يااختي عندي ولدي للحين يوسخ ملابسه وبليل ألبسه الحفاظ لا وبيدش الروضة هذي السنة شريتله ملابس الروضة حتى الجوتي انت وكرامة أمس شريتله

بس بوديه أول يوم علشان قلبي لايحترق عليه ولا بيفشلني جدام الأبلات يوسخ ملابسه ويمكن يتلفظ ولا يصرخ وأنأدرس ثانية ماحب أولىا

وأنا اللي أغسله وأسبحة وأجابلة بس شالع عيني
ودي مرات أموت من كثر ماهو يبكي بدون سبب بس ماقول الا الله يشفيك ياآخر العنقود

 

[ملاك-77]

رد: رد : انا مستغربه شلون مدرسة اطفال وولدها قليل ادب

يااختي عندي ولدي للحين يوسخ ملابسه وبليل ألبسه الحفاظ لا وبيدش الروضة هذي السنة شريتله ملابس الروضة حتى الجوتي انت وكرامة أمس شريتله

بس بوديه أول يوم علشان قلبي لايحترق عليه ولا بيفشلني جدام الأبلات يوسخ ملابسه ويمكن يتلفظ ولا يصرخ وأنأدرس ثانية ماحب أولىا

وأنا اللي أغسله وأسبحة وأجابلة بس شالع عيني
ودي مرات أموت من كثر ماهو يبكي بدون سبب بس ماقول الا الله يشفيك ياآخر العنقود

الله يخليه لج ويشفيه يارب
وتشوفين عياله
لازم يداوم اول 3 ايام التهيئه خليه يداوم ساعتين بصفه وخلي ابوه ياخذه او الخدامه ويرد البيت لان مايصير تخلينه معاج بصفج ..... وشوي شوي بيتعلم ان شاءالله

 

[بريق الماسه]

صدقتوا خواتي .. البيئه المحيطه هي اللي تأثر بالتربيه... هم في نفس الوقت الله الهادي.. اعرف وحده تعبت مع ولدها تنقله من مدرسه خاصه لمدرسه خاصه ثانيه .. تبيه ينجح .. وماكو فايده ... لا حياة لمن تنادي

 

[Turquoiseya]

والله ولدي على كثر ما اتعب فيه
احس اللي يبين بس 1%
شطانة وعناد وكله موصخ ملابسه
وطينته ثقيلة الله يهديه

وعزكم الله عودته يروح الحمام ويقعد على الافرنجي 00 عقب ما دخل الروضة صار عزكم الله يبول واهو واقف
وللحين انا وياه طق وطقيق اادبه ولا في فايدة

مشكله ولدي ان التصرفات السيئة من شطانه وعناد اهي اللي تركز فيه

مو كل ابلة قدوة عيالها مؤدبين

 

[جاذبة الخير]

رد : انا مستغربه شلون مدرسة اطفال وولدها قليل ادب

ذكرتيني في بصديقتي هي قالت ان ابونا ادم و هو نبي شوفي عياله ؟؟ واحد ذبح الثاني
و سيدنا يعقوب شنو سووا عياله باخوههم يوسف

الهدايه من رب العالمين

 

[قلبي تركواز]

مدرسه روضه مو يعني ملاك منزل من السماء
هي آدميه ووضيفتها تدرس وتهئ اطفال الروضه
موظيفتها تربيهم
فإذا ولدها صار قليل ادب مونقيصه

 

[كلك ذووق]

عآآدي جداً حيبتي
اذكر معلمة درستني يوم كنت صغيرة بالابتدائي .. تقول لأمي انا اجيب مدرسه خصوصية لبنتي
امي تقولها الحين انتي تدرسين بنات الناس كللهم وبنتك جايبه لها مدرسه خصوصية

وربي بعض المعلمات عليهن حركـآآت مدري شتبي :s