انا مطلقه وابي الحل

[خوخه55]

السلام عليكم ورحمه الله وبركاته


بدش بالموضوع وابي حل .. انا مطلقه صارلي 7 سنين وعندي 3 عيال وموظفه

المشكله ان طليقي مو موظف ومريض نفسي ويتعالج بالطب النفسي

1- معاش عيالي مايمشيلي لاني موظفه
2- طلعتلي قسيمه وصارلها 4 سنين مابناها .. هل يحق لي اطالب فيها ؟ وشلون اطالب فيها ووين ارووح ؟ ادري بتقولولي لج نص البيت بس هو مريض ماراح يبيني البيت واهلها لعانه فيني مايبوني استقر انا واعيالي

3- ابي ترششحولي محامي شاطر

يابنات متضايقه وابي حل لمشاكلي عسى يفتحها بويه اللي تساعدني


وشكرا

 

[memo 7loa]

الله يفرج كربتك يا اختي وان شاء الله الكويتيات مابيقصرون معاكي

 

[عبير العنزي]

حياتي بهذا القسم في موضوع مثبت..حق المحامي حمد

ماشاء الله محامي وايد شاطر وقاعد يرد على استفسارات كـل العضوات..وكاتب رقمه وايميله

تقدرين تسئلينه بالمنتدى..او تراسلينه ع الايميل او تتصلين عليه..وان شاء الله يفيدج

 

[خوخه55]

يابنات ابي تجاربكمممم

 

[عل ماباس]

الله يفرج همج انشالله

 

[cute mimi]

الله يفرج همج يااارب

 

[شذى2007]

الله يعينج يارب

 

[om deaj]

حبوبة راسليني بالخاص ضروري

 

[لياليـ]

انا مع رد 3 او الله يفرج همج
اتقبلي مروري

 

[لياليـ]

اب
اب
لعيونج

 

[دلع العتبان]

فيه محاميه حلوه حتى اختي طلعتلها كل شي بعد الله

اسمها مديحه العماني لاتروحين لريال روحي لمره ابرك وتتعاطف معاج اكثر والمره حازمه

 

[مدرسة84]

أولا :الله يسلمج لازم تاخذين تقرير طبي بعدم أهلية ريلج.

ثانيا: راح ارسلج رقم محامية على الخاص والمحامية افضل لوضعج.وشطورة حيل عن تجربة.

وبجذي انتي تاخذين الوكالة في البناي وهم تولي مسؤولية عيالج .

وبالنسبة اذا هم ما يشتغل لان القانون لو الريال عاطل عن العمل لازم تمشيلج نفقة حبيبتي
وهذا يكون عن طريق المحكمة تراسلج الشؤوون.

والله يفرج عنج وتبنين قسيمتج على ذوقج.

 

[معزوفة عشق&]

up
up
up

 

[* بنت المطر *]

الله يعينج ويفرجها عليج روحي الشئون يمكن يساعدونج بمعاش عيالج

 

[دلوعة حمني]

ماعندي غير اني ادعيلج حبيبتي

بس باعتقادي مع قانون المرأة اليديد راح تنحل مسألة السكن ان شاءالله

 

[خوخه55]

شاكرتلكم

 

[Miss Cherry]

والله حبيبتي حلو لو تحلون موضوعكم ودي بدون محاكم

ليش ما تقولين لاحد من اهلج او احد تمونين عليه يكلمون زوجج او اهل زوجج يمشون نفقة لعيالج

مهما يكون بينكم عيال والعشره ماتهون .. مو حلوه تدخلون محاكم وانتي تعرفين طليقج مريض ليش المشاكل

بالاخير انتي ادرا بظروفج اذا تحسين انج مظلومه ومحد بيعطيج حقج غير المحاكم مايمنع ترفعين قضية

انا ارشح لج ذكرى الرشيدي .. رفيجتي متعامله معاها حيل تمدحها

وان شالله ما تحتاجين المحاكم

 

[خوخه55]

شاكرتلكم ردودكم

10-07-2011, 08:13 AM رقم المشاركة : [17] Miss Cherry

 

[manhattan girl]

ربي يفرج همج حبيبتي و ينظر في هالاطفال و يرأف بحالهم

 

[last-moon]

اب اب اب​