انا ملقووووفه ليش اسجل اصواتهم

[noon 55]

بسم الله الرحمن الرحيم
السلام عليكم ورحمه الله وبركاته
اخوووواتي قبل ابدا في سالفتي انا ابعترف اني ملقوووفه واستاهل اللي جاني :eh_s(16):بس والله :rerrerek:ماتوقعته كيذا
السالفه ومافيه ااني طلعت مع مجموعه حريم وهن اربع وحده منهم كنت اسمع عنها من مصادري الخاصه انها تسبني وتسب اهلي واخواتي فكنت محتره منها لان اللي يشوفها معانا يقوول تموووت فينا وانا جالسه اسولف قالت وحده منهم قومي يافلانه اللي هي انا نتمشي شوي ونروح نشتري حاجه ناكولها قمت وانا واقفه خزني ابليس اعوذ بالله منه وجابلي فكره مدري كيف جات ع باله اخذت جوالي وفتحت المسجل وقفلته وخليته ع جنب ورحت مع خويتي انتهت الطلعه ورجعت لبيتي كان اشغل المقطع يؤؤؤؤؤ يابنات وربي اني جاني مغص وقعدت ارتجف اول مره اشوف احد يسبني كيذا وتتريق ع شكلي وتقول من زينها وتفطس ضحك وتقول شفت صور زواجها تخرغ تمووت ضحك :krkrkr:وانا والله كل من شاف صوري مدحها المشكله هي يوم شافتها تقول تجنن وكمان تسب لبسي وقعدو يتريقون ع قعدتي بغيت امووووت انقهرت :rgewrg:انا عارفه اني استاهل هذا جزاء التصنت بس هي مسوويه طيبه معي ومن وراي الله يعلم
بنااااااات قولو لي وش اسووووووي:eh_s(10):

 

[Patcholli]

قطعي علاقتج فيها زي اللوز ..!!

اعوذو بالله من هالبشر بالعكس ماعتبرها لقافه انتي قطعتي الشك باليقين ..!!

اهي الابليسه مو انتي الي ابليس قص عليج :/


يمه من هالحريم اعوذو بالله يقطعون بلحم بعض ولما تقابلينهم ودها تحطج على راسها وتدور فيج من الحب

 

[fulla 7elwa]

اي وٱلـّاـْہ اقطعي علاقتج فيها واذا سالتج عن السبب دزيلها المقطع

 

[قلبي وينك]

لو انا منج جان من اول ما تأكدت انها تتكلم عني اقطعها ولا اعرف عن هوى دارها اي شئ ابداااااااااااااااااااااااا جنها منا انولدت وعاشت عالدنيا

 

[جلكسيه اس 3]

مو جنج قااعده تجسسين عليهم
يا قلبي خليهم يعيبون أحسابهم عند الله رب العالمين
بس لاتعيدين سالفة التجسس عشان ماتنحسب عليج اثام

 

[جنى ولمى]

ماعليك منها وحطي في بالك اذا طعنت من الخلف فاعلم انك بالمقدمة

 

[انونا]

اي والله صدقوا البنات


قطعي علاقتج وياها وخليها رسميه

ودزيلها المقطع لعل وعسى تصير ادميه واتوب

 

[نونه المنكوشه]

خليها اتعيب مني لي باجر بالعكس كثر ماتغتابج وتعيب كثر ماربي يرفع قدرج ويوفقج ومسحي المقطع علشان الله موعلشانها وحاولي لاتحتكين فيها وخلي الله اهوه اللي يتكفل فيها وتاكدي ماقالت جذي اله انتي عاجبتها بس من الحره اتقول جذي ونصيحه طنشي ولاكانها موجوده الحريم صج يغثون بس دواهم التطنيش انا مجربه هالطريقه وحيل ارتحت

 

[noon 55]

مشكوووورات ع المروور اخواتي
بس انا ودي ابين لها اني عرفتها ع حقيقتها بس صعب ادز لها المقطع بتنقلب السالفه علي وتجسس ماتجسس
وش اسووي

 

[تحت ظلك]

( ولا تجسسوا )


لأن التجسس مامن وراه الا عوار الراس

وهذا أنتي صراحة عورتي راسج بأمور عاديه وطبيعيه وتحصل واجد ويمكن تجاوزها بشكل عادي


الله يعينج

 

[غلاتي كلها لك]

يالخبله لو انا منج العن خيرها واذا تكلمت او قالت اني كذآبه ادز المقطع لها وللي كذبتني عندهم ولا تهمج حبيبتي هالاشكل ناقصه عقل ودين [ مالت عليها

 

[Patcholli]

حبيبتي ليش تيبين المشاكل حق روحج ..!!
لاتواجهينها ولا شي ولاتثيرين الحقد الي بقلبها عليج وتزيدينه

ليش تكبرين السالفه ..!! اهي بروحها مقطعتج بالحش هالمره تكبرين السالفه وتدري انج حاقده عليها حبيبتي هالزمن يخرع ترى الواحد يدور السلامه وبس ..!!
لاتركظين ورا المشاكل اي انسان يضرج وخري عنه بسكات لاتزيدين النار حطب عشان لا يزيدون بخبثهم وبلعانتهم معاج ..!!

يمكن لي كلمتيها تحقد عليج اكثر وتسويلج مصايب الله اعلم فيها

والله نصيحه من اختج الكبيره وخري عن الي يضرونج بسكات لاتثيرين المشاكل وتفتحين ابواب مالها آخر

المواجهه شنو بتفيدج ؟؟

بتتأسف وحتى لو تأسفت انتي ظامنه داخل قلبها شنو ؟؟

بتفشلينها .. اوكي عقب مافشلتيها تتوقعين هالشيي بيوقفها عند حدها ؟؟ اهي صارلها زمن تحش فيج مو اول مره .. فمستحيل هالشي يوقفها عند حدها ..

 

[جلكسيه اس 3]

نون ما راح تستفدين شي لو انج دزيتيها المقطع لها. و احتمال اتزيد و تحقد عليج اكثر و ما تدرين عقب يمكن اتقط عليج بلوه
انا اشكثر ناس سببولي مشاكل و لا واجهتهم تبين السواكن الحمدلله و أخيرا ابوي عرف اني مظلوومه و بينت حقيقتهم
و عموما انتي وخري عنهم و خلاص لان الحين وايد ناس اتدور على المشاكل الله يهديهم

 

[ليه الجفآ]

اقطعي علاقتج

وقبلها سمعيها المقطع ولاتقولين لها من وين لــج التسجيل ولاتقولين انه انتي اللي سجلتي لها ..

عشان عشان تكسرين عينها ..

عما بعينها اذا اهي ماتحبـج ليش مرافقتج ..

منو جابرها تجامل ؟ .. والله اللي ما اواطنه ماارافجه واسولف فيه ..

قلعته ..


ابتعدي عنها ..

والمفروض اللي تسولف عليهم يسكتونها .. مو رفايجج بعد

ليه يعطونها فرصه .. شلون تسولفون ببعض ..

شهرفجه هذي


..​

 

[noon 55]

ليه الجفا حبيبتي هي مو رفيجتي مالت عليها هي زوجه اخوي واللي جالسه معها زوجه اخوها
حتا العيوز جدتي ماخلتها في حاله
تصدقون ودي ادز المقطع لخوي بس مستحيييل لان يتصير لوييييييه

 

[نعوووووومه]

لا شكوووو تدزين المقطع حق اخوج هذي سوالف حريم شكو تدخلين الرياجيل))))
بس لو انا جان اكشششسشر بوجها وااانفسس وماافتح موضوع وياها ولاسولفت معاي الف عنها و بجذي بتحس احد موصلج سوالفها؟؟
بس صج رفعت ضغطي منااااااافقه: الا النفاااااق يويلها من الله
وانتي لاتسولفين وياها خل تحس ام السوالف جبح وجه حررررتني

 

[granted]

وييييع في ناس جذي
صج الله يعنج انا لومنج اتركهااهي والييسمعون لها لاتعطينها فرصه تحجى عنج وتخرب سمعتج

 

[ليه الجفآ]

ليه الجفا حبيبتي هي مو رفيجتي مالت عليها هي زوجه اخوي واللي جالسه معها زوجه اخوها
حتا العيوز جدتي ماخلتها في حاله
تصدقون ودي ادز المقطع لخوي بس مستحيييل لان يتصير لوييييييه

وووووييييييه عمااا بعينه ..!!!!

مرت اخوج .. ليش جذي تسولف فيــج ..

شوفي حبيبتي

انا عن نفسي والله مادام زوجته .. والله اسمعه المقطع ومااقوله اني انا اللي سجلته

لان مومهم انتي اللي سجلتيه او جابه احد لج

المهم انه يعلن خيرها حلو والله تسولف فيني عند العالم

والثاني شعرفها يمكن تنقل كلامها وتصيرين سالفة العالم

لاياروحي اجعميها ..

لانها من عايلتكم .. مو زين تسولف فيــج ..

واللي تقول شكو الرجال ..

موشكو مادام اهي مرته ويصير هرجال اخو البنت ..

لازم يفشلها ويوقفها عند حدها ..

..
روحي له بوجودها ..

وشغلي التسجيل ..

جدامهم اثنينهم .. فشليها قليلة الادب ...


يمه حرررررريتيني ..

اكيد مسويه فيها كحيله جدام اخوج ..


..​

 

[هدوووشه]

مو بس اللي حشت فيك منافقه حتى اللي معها مادافعو عنك وانتي سمعتي بنفسك
العالم هاذي منو جابرها على احد ؟؟؟ محد مجبور ع الثاني
المهم لا تعطينها ووجه ابد وياليت تقطعين علاقتك فيهم

 

[MagiCEyEz]

اذا كلمتج قوليلها ماحب المنافقين و حقريها خليها تحوس بافكارها