انا مو طوفــه والله احـــس .. بنات عطوني من خبرتكم

[Habibat Abooha]

شلونكم بنات اشتقت لكم وايد والله

بدش بالموضوع على طول

بنات انا من تزوجت وانا مو مرتاحه
قلبي مقموت مادري من شنو

اخته حسبي الله عليها
كرهتني ابكل شي
بعرسي تدخلت
ابكل صغيره وجبيره

تخيلــو الوحده بليلة عرسها تبي احد يطمنها والله اني كنت اغصب روحي على الضحكه والبجيه بعيني

تييي تقولي ليش حاطلينج الوان جذي

العروس المفروض تبرز ملامحها مو جنج حاطته بالبيت < انا حاطته بالبيت حسبي ونعم الوكيل اتطالع فيني من فوق لي تحت وراحت

راحت تكلم الطقاقه شوي اسمعها تغني باسمها

اختي انقهرت تقولي هذي مينونه ولا شنو

طول العرس بس اسمها واسامي اخوانها وانا طاف

والله سوت اشياء استحي اذكرها

بعد العرس نزلت عندهم

لأني ساكنه بيت حمولتي

بعد ماتغدينا

يابوا طاري العيال والحمال وجذي

قاعده اطالعنا وتقول المفروض الى توهم متزوجين مايفكرون ايبون عيال الا اذا تفاهموا مع بعض لأن يمكن مالله يكتب لهم استقرار

أنا عيوني صارت جذي
@ @

قعدت اطالع ريلي واهو ك العاده طاف

ماتكلم

والله بنات اقوم عن ريلي ارد اشوفها تكلمه بصوت واطي مادري شتقول له

واذا رديت يسكتون تستغفلني

سالته ك العاده قالي ماقالت شي
اذا يننا بنطلع مع بعض تتصل فيه احنا بنيييكم انتوا وين اتكلم بنات عمها تسكر تقوله فلان عفيه بنات عمي ماعندهم احد ايبهم وانتوا اكيد تبون تقعدون بروحكم
خلاص روحوا يبهم وانا بروح معاهم واخليكم تاخذون راحتكم
علما انهم يسوقون
القهر مايقول لها لا يروح ايبهم
والطلبات على حسابه
أي ليش وانا جني طوفه بينهم
طلعت من المطعم معصبه دخلت السياره صكرت الباب التفت علي لا كسري الباب بعد شوي شوي انتي شنو فيج ماده البوز طول الوقت قاعد يصرخ والمشكله اخته وبنات عمه يسمعونه التفت اشوف اخته والله ميته ضحك على بو انها
تكلم بنات عمها تفرح اذا صرخ علي
وين الحب الى يتكلم عنه
انصدمت باشياء عمري ماتوقعته منه

تجهيزي بعد مافتحت الجناط والله مو هذا الترتيب الى رتبانه داشين الدار ومتفحصين اغراضي حتى الخصوصيات والله
غيروا الفراش على بو انه مو حلو الى يبناه ذوقهم مو حلو ماعجبني وقت ماقلت له فلان احد فاتح جناطي ومتعبث فيهم قال
تقصدين خواتي داشين ومتعبثين باغراضج مع نظرة استنكار وك العاده راح ياكلني اذا حجيت عنهم بشي

ولد اخوي ايين ذهبه تقول ويه ان شاء الله ماتيبون مثله بس اتوقع عيالك ملاحان جلحان
تسوي روحها تمزح واهيا قاصدتها وغيرها وايد اشياء والله العضيم لو اقولكم عنها من اليوم لي باجر ماراح اخلص
حسبي الله عليها

اهي تشتغل تيي حق ريلي فلان ابي سلف جذي ويعطيها والله مو شوي واهي مو قاصر عليها شي
والتالي شنو يطلع عازمه بنات عمها بفلوس ريلي

واذا يييا وين كنت يقولي ايب اختي وبنات عمي وليش ماتجي بروحها يقولي اختي واتصلت علي اقول لها لا

مو اول مره يسويها

رحنا شهر عسل كنا راح نقعد اسبوعين اتصلوا ارجع امي تعبانه ونرد الا عمتي مافيها شي السكر مرتفع عندها ومنومينها يوم وطلعوها
ماقعدنا الا 8 تيام

واذا كلمت ريلي قالي ماتقصد انتي ليش حساسه جذي
حتى المزح ماتتقبلينه

أي مزح انا حتى اهو لاعت جبدي منه حلفت والله لو يزودونها اكثر من جذي مالي قعده عنده بالبيت
بروح بيت ابوي
اذا رحت بيت ابوي امي تقولي شفيه ويهج جذي ابوي يسأل امي سأليها فيها شي اختي تقولي انتي مستانسه
اقول لهم إيه وانا اجذب عليهم

بنات الحجي سهل بس الفعل وايد صعب ماني متقبله شي منهم لاعت جبدي
اذا حط عينه بعيني اسوي روحي جني مااشوفه
مااقدر اكابر على شي مو فيني اشوف اشياء واسكت ليش
كل هذا عشان لايقولون خربت بيتها بايدها
ماقدر اصارحه بشي اذا تحجى ويييت بتكلم احس الساني منربط
لأني ماخذه منه مواقف
وين الحب مادري
اليوم راح نكمل شهر مع بعض

بنات مادري شنو كتبت عذروني
وايد متضايقه ودمعتي بعيني والله مادري اقول لأمي ولا شنو لأني ماني قادره اكتم اكثر من جذي
اذا دشيت اتسبح والله احس حمول على جتوفي ونفسي يضيق علي لأني ماادش الا ميته بجي
حتى بالاوقات الى بيني وبينه مو قاعده احس باي لذه جني طوفه واهو يقولي عن مزح شكلي قاعد مع طوفه :eh_s(2):

عفيه بنات ادعولي وعطوني من خبرتكم

 

[خالف تعرف]

طلعو وفتكو منهم حني عليه

 

[نونو جين]

شوفي ماراح اكثر حجي
والله مايدووووووووووووم
الشي اللي على غير سنع
مايدوووووووووووووووم
بييله يوم بيززززززززهق
وبتذكرين كلامي
خليج قريبه من ربج

 

[ام الدرر]

حبوبة اصبري ولا تكبرين الموضوع
بداية الزواج لازم في عقبات ومشاكل
انتي اخذتي موقف منهم وعندج كل شي يسوونه قاصدين بيحرونج
وهم يحسون انج تتضايقين فيتمادون
الحل طنشي وبالعكس زيدي وياهم طنازة لا تبينين انج متضايقة
واذا طلبو منه شي لا تتاففين شجعيه
واقترحي يروح لهم ويوديهم عالاقل بتكبرين بعينه وتثبتين حسن نيتج
صدقيني مردهم بيملون
اهم شي زوجج تتفاهمين وياه ترى مافي اي زوج يرضى على اهله حتى لو يشوف بعينه ​

 

[Tom ♥ Jerry]

,


انا مع آم الدرر .!

حمآتج هاذي نظآمهآ تغار و تبي تسوي اي شي عشان تطفشج من البيت !
لا تطلعين من البيت و تخلينهآ تحقق هدفها
بالعكس قعدي عله على قلبها و كلا سوي روحج هبله يعني ليه استعبطوو سوي روحج مآ تدرين انه الكلآم لج ,،
و استهبلي وياهم ، و لمآ آيي ريلج دلعي و قوليله حبيبي و وكليه بآيدج و جي خليها تموت
و ظحكي و سولفي مع خآلتح و الباجي و اهيه خليها تنقهر و تموت من آلحره ,،

و ترا كلها فتره مثل مآ قالت ( آم الدرر ) و تروح !.
انتي لانه عروس يديده تصير العين عليج كلها فتره و تطخ حمآتج
و تلهى بشي ثاني غيرج ,،

و آهم شي ريلج لا تشتكين له على آهله و لا شي
و لاتدخلينه بالسوالف الي تصير بينج و بين حمآتج ,، و عآملي حمآتج مثل الطوفه
خليها تحس انهآ غبيه و سخيفه : )
صيري انتي الي آكبر منهآ .، و صدقيني الدنيا دواره ,،
باجر تتزوج و بتشوف شلون رآح يعاملونهآ حمولتهآ و بتيي تبجي عندكم !

 

[منووله مشعل]

الله يعينج ويسخرلج زوجج يارب ...

 

[al-musk]

الله يعينج شنو هذا الوحده تتزوج عشان ترتاح ولاتدش حرب...أنا أقول قولي حق امج واختج عشان يوقفون معاج ويوجهونج اول باول والله يعين

 

[G!RLooNa]

اللع يعينج :|

سوي مثل ما قالتلج توم و جيري دوسي على روحج شوي و قهريهم رفعي ظغطهم سحبي عليهم سيفون محترم دلعي ريلج جدامهم و لي قطوا عليج نغزات ردي بنغزات اكبر!! تقولج عيااكم جلحان قولي اي شكلهم بيطلعون على عمتهم !! و هكذا لما يحلون عن سماج !*

 

[Tulips]

هذي احسن حل تزوجونها

ودايما رددي الله يشغلها بنفسها

ومو ضروري اتكون العلاقات وطيده مع اهل ريلج ومو ضروري يوميا تنزلين خلي علاقتج فيهم رسميه

وقولي حق ريلج لما نطلع نطلع بروحنا مو لازم عوير وزوير يروحون معاكم

و طنشيها لانه الحقران يقطع المصران

 

[Gifts&Occaions]

صج صج الله يعينج

 

[طبعي شيووخي]

حبيبتي هذي مشاااكل بسيييطه حرررررام تتطلقين بسببها
حماااتج غيررراانه منج وانتتي وشعليج منهااا
يقولون # اذا صفالي القمر مالي وماال النجوووم#
اهم شي زوجج حاااولي تكسبينه تحببينه فيج عشااان تقدرررين تحكمين فيه وبااجر يوووقف معااج عليهاا
خليج ذكيه لاتشغلين نفسج فيهاا وتطنشين زوجج خصوصاا توج عروووس هذي المفروووض احلا اياام
انتي الحين شغلي نفسج بزووجج وحااولي تكسبينه لصفج
خلي يزززيد حبه لج لمى يصير خلاص يشوفج ارضه وسماه ومايقدر يستغني عنج وباااجر هو الي بيسكتهاا مو انتي

 

[غبيشة]

الله يكون بعونج ويفك ضيقتج حسبي يالله ونعم الوكيل انا عانيت مع خواته كلهن مش متزوجات وخاصة الصغيرة كانت اتحاول

اتحبطني دايما وانا اكبر طاف اروح واطلع واسهر معاه بس اذا ريلج زين حاول

تكسبينه في صفج وحرام تهدمين بيتج ونصيحة قولي لامج او اي وحدة من خواتج بس شوفي وحدة تنصحج وترفع معنويات

وانت ترتاحين لها

 

[دنياالوله]

عطيها اكبررررررررر طاااااااااااااااف
وخلي العلاقه معاهم رسميه
واذا نزلتي لهم سوي نفسج ماتشوفينهم
وصج صج الله يعينج

 

[يارب احفظ عيالي]

الصبر حبيبتي ،،،،،حاولوا تطلعون بروحكم لان هذي شكلها مابتهدكم في حالكم ،،،،وحاليا" صبري وطنشي وسوي اذن من طين واذن من عيين ،،،،،وموفقه

 

[zaina alotibi]

بالعقل والحكمة والصبر ....بتحلين كل امورج وابتدي بزوجج قبلهم كلهم وضحيليه انج متضايقة من هالوضع وانج تحبين اهله وتحترمينهم بس مظايقتج منهم بعض التصرفات الي لازم يينحط لها حد والله يعينج ويصبر قلبج

 

[@حياة الروح@]

الله يعينك اختي الغاليه
ماعليك منها تبي تقهرك يمكن هي بعمرك وغيرانه لانك اخذتي اخوها
وتبي تنكد عليك حياتك
اهم شي دارك قفليها ولا تخلين اي مخلوق يدخلها ولا يدخلو بخصوصياتك
لو تقدرين حتى الاكل لا تاكلي معهم خلي اغلب يومك مع زوجك
انتي متزوجه اهو بس مو العايله كلها
ودلعي زوجك وخليها تطق وتبطل حركات مالها داعي

 

[هذا مزاجي]

الله يعينج

 

[كنوشة 2009]

انت الحين اهم شي زوجج حاولي تكسبينه باي طريقة علشان ما يكون عنده عذر
وان الحق مع اهله وكل شي يحتاج صبر واهم شي اول سنة لازم تصير صعبة على الطرفين
والله يعينج على حماتج ما اكو الا تزوجينها وتفتكين منها

 

[Dalida]

:eh_s(16): والله مدري شنو اقول بس عورني قلبي عليج

ان شاء الله البنات يفيدونج

ماعندي خبره >> نووص تمووووشه

 

[[[ عيون جابر ]]]

امبي حرتني
هذي غيرااااااانه ميته منج مبينه ألسالفه اشكره والمشكله انها قدرت تحرج وتبط جبدج انتي غلطاااانه انج حاطه لها اهميه
حقرييييييها اهي والطوف واحد جنها مو موجوده ودائما سولفي وضحكي جدامها لا تبينين لها ان في مشاكل بينكم او انها قدرت تقهرج
ديربالج على ريلج وعلى صحتج لو تميتي تعصبين وتبجين انتي الي بتعبين وبتخسرين بالنهايه
حياتي الله يسهل امورج انشالله ولا تخافين كل المعاريس جذي سحابة صيف انشالله وتعدي :yaaaaaarb: