انا والرضاااااااااعه الطبيعيه

[فديـــتك]

السلام عليكم ورحمة الله


بدش بموضوعي ولدي يرضع طبيعي عمره 8 اشهر والمشكله ي بنات الرضاعه

حيل حيل نحفتني كل شهر اخسر كيلوات شاسوي الله يسعدكم افكر افطمه وارتاح ويزيد وزني بس

ضميري يانبني اخاف افطمه واندم لانه معتمد ع صدري اعتماد كلي نصحوني تكفووون :eh_s(2):

وشلون ارضعه وازيد بنفس الوقت ولا مايصير

 

[كتكوته حبيبي]

مشاء الله انا عكسج الرضاعه زادتني 13 كيلو ومتحسفه اني رضعت بس هم ابي الفايده لولدي وبعدين اذا تبين يزيد وزنج اكلي رهش يمتن ويزيد الحليب وككاو وسيريلاك اممممم وبعد شنو الدارسين يقولون يدر الحليب وفي حبوب بالصيدليه للي ترضع بس فيهم حلبه علبتهم ورديه انا بالنفاس ستخدمتهم وبعدين استخدمت حبوب ثانيه نفس البرقنا بلان بس للي ترضع ماذر اسمهم بس علبتهم فيها صوره مره ترضع وبس اتمنى اني فدتج

 

[رشا الهواء]

خيتي ضروري تحافظين عــــــــــا تغذيتج
ودوري اشياء تزيد وزنج
ولا تحاولين تفطمين البيبي

 

[كيميائيه]

انا الرضاعه مخليه وزني ثابت موقادره اقط وزن الحمل
وافكر مرات اقطعها بس عندي البيبي اهم
اهتمي بتغذيتج اكثر وبيرد وزنج

 

[فديـــتك]

كتكوتة حبيبي الله يوفقك ماقصرتي دعيتلك باللي بتوقيعك

 

[Aloe Vera]

غريبة ليش تبين تريدين وزنج الكل يبي ينزل وزنه هههه انا ارضع طبيعي ولدي عمره خمس شهور و نص و معتمد عالصدر ماعطي صناعي كلش بس وزني قاعد ينزل تدريجي يمكن كيلو او كيلو و نص بالشهر طبيعي يرجع نفس قبل الحمل و هذا اللي يصير انتي دام جذي زيدي اكلج و خليه دسم بس مفيد يعني مكسرات و فواكه مجففه رهش هردة شوفان حليب زبدة بيض و لا تفطمينه حرام اذا كمل السنه عطيه حليب بقر طبيعي و خليه يتعود عالحليبة و يفطم نفسه بنفسه انا اسوي جذي بعيالي من اسهل مايكون

 

[Bnt-USA]

غريبه شلون ترضعين وانتي حامل؟؟؟؟؟؟؟

 

[كتكوته حبيبي]

حبيبتي صاحبه الموضوع مشكوره عالدعوه ولج بالمثل ان شاء الله


بنت usa عادي الحامل ترضع مافي مشكله بس بعد الست شهور يعني لما يكون عمر بنتها اول ولدها فوق الست شهور عادي بس قبل لا لان في ماده موزينه عالجنين وهذا كلام الدكتوره لما حملت وكان عمر ولدي سنه وقالت عادي مايضر بس اجهضت بعدها عاد مادري اذا الرضاعه اثرت على الحمل او لا

 

[كتكوته حبيبي]

حبيبتي صاحبه الموضوع مشكوره عالدعوه ولج بالمثل ان شاء الله


بنت usa عادي الحامل ترضع مافي مشكله بس بعد الست شهور يعني لما يكون عمر بنتها اول ولدها فوق الست شهور عادي بس قبل لا لان في ماده موزينه عالجنين وهذا كلام الدكتوره لما حملت وكان عمر ولدي سنه وقالت عادي مايضر بس اجهضت بعدها عاد مادري اذا الرضاعه اثرت على الحمل او لا

 

[فديـــتك]

لا بعد عمري مب حامل هذا التوقيع قديم حق دحومي ههههه

الله يسعدكن يارب ماقصرتن وربي لكن كل الشكر والتقدير ..

 

[لذه السكر]

ماشالله 8 اشهر حلييو ليش ما تدخلين اكل ليش معتمده على صدرج

واكلي رهش منها يرد ومنها يمتتتتن