انا وحدة رجيجة وحنانه

[fri2010]

السلام عليكم

بنات اول مرة من داومت اشوف جذي

طبعا انا من النوع الهادي بالقسم ما اختلط فيهم وايد
طبعي مو اجتماعي وكل القسم من النوع الضحك والسوالف الا انا

بس بالحصه شخصية ثانيه

حتي المدرسه الاولي لما تدش علي فجأة تستغرب ان هاذي انا!

اليوم قاعدين يوزعون لجان حق امتحان الفاينل

جان تقول حق رئيسة اللجنه المدرسه الاولى وانا كنت الوحيده بالقسم
إيه بس ما ابي وحدة رجيجة وحنانه

جان رئيسة اللجنه تطالعني. من فوق لي حدر يعني الكلام عنج يا جارة

وانا فعلا حنانه يعني مدرسه يديدة أكيد عندي اشكثر اسئله

وبعدين معاهم شنو اسوي

 

[fri2010]

و لا غير جذي اشوفهم ياخذون وحده وحده ويتساسرون برا وكل وحدة تاخذ لها وحده وتطلع ويييع صج حريم دمار اوف

 

[أمل بعد ألم]

الله يعينج علي الحريم
ما عليج " الحقران يقطع المصران حبيبتى
الله يصبرج.......عادي طوفي

 

[كويتيه cool]

وااااي فراااي عاد مو شي على نهايه الفصل يطلع الوي الثاني انا بعد اشوفهم وايد يتساسرون ويفهمون بعض من نظره العيون واكره حركه لما يقولون ابيج برا بكلمج ويع ويع ويع

 

[fri2010]

ياربي كارة اشوفهم يسون هالحركات وكارهه اسمع يتكلمون بصوت واطي والا يخزونج والا يقولون حق وحده وحده ابيج برا بكلمه ما توقعت جذي يطلع منهم صج تحت السواهي دواهي وانا اللي غلطانه اللي كل شي ايه حاضر ان شاء الله عمري ما قلت لا

 

[أمل بعد ألم]

يا حليلج هههههههههه الله يرزقج علي نياتج......
بس تري هذي سوالف. جهال صج في حريم ناقصات عقل ... تعالي برا أبيج......شنو؟
إستعفر الله .......الله يسخرهم لج حبيبتى

 

[برنسيسة2007]

حبيبتي هذولا الحريم ماعليج منهم واثق الخطوه يمشي ملك واحد من الاثنين يا حطي نفسج ماشفتيهم وخليج مبسوطه
او
اللي تخزج من فوق لي تحت قولي لها:عفوا تبين شي؟
خل تدري انج مو هينه المشكله اذا يدرون انج تعيين جديد يلعوزونج
واحسن خليج رجيجه وحنانه عشان مايشغلونج

 

[fri2010]

سوالف يهال والله يهال جدامهم اكبار

المصيبه انهم عدوو الــ 35 سنه

تخيلووو بس

 

[exanon]

الله يعينك يعني المعلمة ناقصة إن زميلاتها يضايقونها كفاية عليها شغلها
الله يعينك حبيبتي طوفي طنشي إدا حسوا إنك مقهورة راح يزيدون إدا حسوا إنك مو مهتمة خلاص هيسكتوا

 

[fri2010]

قاعده احاول افكر باجابية مع ان الخيال واسع

قلت يمكن يبون يسون لي مفاجئه بمناسبه قيمه الشكر!!!

هههههههههههههههه والله قاعده اضحك على نفسي شسوي بعد

 

[^^ريهام^^]

ههههههههههههههههه

ردج الاخير اعجبني

اشتبين فيهم خلي يولون .... دوري على مدرسات من عمرج اشتبين بعجايز قريح

 

[fri2010]

مو قلت لكم طبعي مو اجتماعيه فأشلون اروح حق بنات من طقتي توني يديده ما صار لي 4 شهور

 

[^^ريهام^^]

لووووووووووول فراي

حالتج صعبة

عندج الايفون والواتس اب والنت اشغلي وقتج

 

[اروري]

ريهآمم ححلوه فكرتك ههههههههآي
اي عندك الي يشغلك عنهم الوآتس وغيره
والحقرآن يقطع المصرآن و مايسوون كذآ الا يبون يلفتون انتباهك ! عآد الله اعلم ليش
و ان شاء الله اقدم وانقبل بنفس المدرسه الي انتِ فيهآ ونتساسر انا وانتِ هآععع
موفقه

 

[fri2010]

والله سويت حرركة الواتس بس كان الكل اللي بالقائمه مو اون لاين فكلش ما اقدرو ما يلفتون انتباهي

 

[بنت الأجوااد]

هذا عشان انتى جديده

لازم تكسبين المدرسه الاولى هذا اهم شي

والبنات اللى بالقسم لازم توددين لهم على الاقل لاتبينين انج كارهتهم

والله انا لما كنت بالميدانى ضبطت المدرسه الاولى بعدها المدرسات وكل اسرارهم اخذتها
بس ترا انا اللى كنت اتلزق فيهم لحد ماخليتهم يحبونى او على الاقل مايكرهون وجودى

انتى معلمه نص يومج بالمدرسه كسبيهم وحاولى بكل الطرق

جربي

 

[* ليــــدي *]

يمكن كثرتي الاسئله عليها !!
في ناس مايتحملون كثرت الاسئله
والله يكون في عونج ~

 

[fri2010]

اشلون اتودد لهم اهم كبار ومتزوجات وعندهم عيال فأغلب سوالفهم عن هالشي

وانا آنسه وصغيره واهتمامي بشغلي وبس

وبعدين من حقي اسأل واحن مدرسه يديده مو تربويه اشعرفني ببعض الشغلات

يعني منو أسأل اذا المدرسه الاولى ما اتحمل اسئله!

 

[eastfem]

فراي لاتسألينهم سوي نفسي انا اسوي روحي فاهمه كل شي واي شي موفاهمته اسال رفيجاتي وبنات عمي وخالاتي كلهم مدرسات
واذا كلش كلش بطلت موضوع بالمنتدى وسألت كويتيات ماقصروا يزاهم الله خير

بالنسبه للبنات الى بالقسم يبه من صجج انتي تفكرين فيهم وبمشاعرج تجاهج يولون زييين جابلي شغلج واذا كلش تابعيلج مسلسل خص نص للمدرءه بوقت الفراغ ، ولا سوي نفسي انا لايعه جبدي من رئيسة القسم متهاوشه ويا الموجهه ومن يومها منفسه علي فماحاجيها الا بالشي المهم والله وكيلج كل يوم اخذ صف اصلح له ولا اشوف مسلسلي التركي بالايفون ولا العب المهم مالي خلقهم قطيعه وبقدم نقلي ان شاء الله على اول يناير ...

الله يهديهم ويسخرهم لج و يوفقج ياقلبي

 

[بنات حواء2]

نصيحه من اخت
غيري من اسلوبج وياهم
مو عشانهم عشانج و عشان نفسيتج و عشان يقزر الدوام جذي راح تتعبين وايد وياهم و ماراح تخلصين من سوالفهم و القيل و القال
وربي يوفقج