انا وحيدة أمي ومتوهقة !!

[ماي المزن]

السلام عليكم

بغيت أعرف جدول تقسيم المهر

والاشياء الي تحتاجها العروس لاني دورت وتعبت ولقيت ملف اكسل مو راضي يتحمل وياي


ابي اعرف كل شيء لازم اشتريه من (اجهزة من كل شيء يعني الاستشوارات والادوات وكل شيء


اخاف اركز باللبس والمكياج وانسى المهمين !!


ساعدوني والي عندها طريقة لتقسيم المهر لا تبخل علي


مهري7

 

[bnt nas]

رد : انا وحيدة أمي ومتوهقة !!

ياهلا ياماي المزن
الله يوفقج ويتمم عليج
في موضوع عن تقسيم المهر ان شاء الله يفيدج

 

[ابتسامة نثيه]

رد : انا وحيدة أمي ومتوهقة !!

اول شيء ياا حلووة جم مهررررج؟

 

[ماي المزن]

رد : انا وحيدة أمي ومتوهقة !!

هلا حبيباتي

مهري 7 وينه الموضوع من اليوم ادور

 

[كلنا نحب الكويت]

اب اب اب

 

[لميس نفسي]

ماي المزن

ماشاء الله الله يهنيج بالمهر

نصيحه مني 4 آلاف شيلها من الحين لان تصير حق الذهب والبدله البيضه . . ..


والباقي اشتري اللي تحتاجينه بس لاتكثرين . . ..


:d

 

[ماي المزن]

رد : انا وحيدة أمي ومتوهقة !!

هلا حبيباتي

مهري 7 وينه الموضوع من اليوم ادور

 

[مندوبة ام بندر]

الله يوفقج ياقلبي
وانشالله البنات مايقصروون

 

[ماي المزن]

رد : انا وحيدة أمي ومتوهقة !!

شنهي الاشياء بالضبط لاني ما ادري شنو اصلا

 

[قطوووة]

رد : انا وحيدة أمي ومتوهقة !!

ااااااب

 

[≈ ω ђ ṃ]

رد : انا وحيدة أمي ومتوهقة !!

حبيبتي حطي ببالج

يوم العرس تبين ~>>


بدلة العرس ~ طقم تلبسينه ~ قميص آول ليله ~ مكيـآج

وثآني يوم ~
بدلة للصبآحيه ~ طقم ذهب ~ قميص ثآني يوم ~



والذهب ~


هذول الاسآسيآت ~


قسمي المهر وشوفي انتي جم تحطين للذهب وجم البدلة البيضآ حدودج فيهـآ والي بقآ قسميه للقمصآن والدرآريع والمكيآج وبآقي اغراضج~


وموفقه يآرب ~

 

[عروس فبراير]

رد : انا وحيدة أمي ومتوهقة !!

خلي 200 دينار حق العطور والبخور
و100 حق قمصان النوم والبجامات ولبس البيت يعني تنوره قصيره لقنزات بدياات (ونصيحه لا تشترين هالشغلات بسعر غالي لانه اغلب البنات المتزوجات انصحوونا انه ما نكثر من قمصان النوم والبجامات )
و50 حق القميص الابيض (قميص اول يوم)
واشتري لج 5 جواتي وخمس اجناط اختاري الالوان الاساسيه
واذا كنتي ساكنه ابيت حمولتج فصلي 12 دراعه
ااما اذا كنتي بشقه بروحج فصلي 7
مادري نوعج تلبسين عبي ولا بدل بس اذا تلبسين عبي اشتري 6 عبي
وحطي 150 حق المكياج
واشتري لج كنبلين
اممممم شنو بعد
طبعا لا تنسين التناتيف يعني الشباصات الحيوول الخواتم الناعمه صبغ الاظافر ادوات البديكير والمنيكير وهالسوالف البسيطه
خصصي 1000 حق بدلة العرس
و100 حث المسكه
واختاري لج مصوره وشوفي جم سعرها
ولا تنسين بدلة المسائيه و بدلة الاستقبال
وحطي 2000 حق الذهب
واشتري طقم الفوط مع الروب وهييك
وشنووو بعدد يا ربي اتذكر وارجعلج
:eh_s(20):

 

[عروس فبراير]

رد : انا وحيدة أمي ومتوهقة !!

http://www.q8yat.net/showthread.php?t=753178 شوفي هالموضوع بيفيدج

 

[أحلى عروس 2012]

رد : انا وحيدة أمي ومتوهقة !!

ربي يوفقك ويوفقني
وكلنا بعد

 

[ماي المزن]

رد : انا وحيدة أمي ومتوهقة !!

تسلمون حبيباتي وشنو بعد

 

[ذبحني صمتي]

رد : انا وحيدة أمي ومتوهقة !!

مووووووووووووووووووفقين عرااااااااااااااااايس

عسى ربي يووفقكن جميع ...

مزن مو عرووس ولاعندي خبرره .....

بس بووصيج ادفعي صدقه من مهررج عشان رربي يبااركلج .....

وموفقه خير يااقلبي

 

[L A T T E]

تقسيمة المهر تعتمد أول شي على الاشياء اللي ناوية تشترينها

وبعدين تحديدج لهالاسعار.. يعني في بنات ياخذون نفنوف العرس بألفين و نص .. و في بنات ب700

اول كتبي لستة باللي تبين وبعدين فري وشوفي المحلات واسعارها.. و حددي من وين تبين تشترين بعدين سوي ميزانيتج

والله جذي احسن شي

و موووووفقة

ترى سهالات لا تحاتين

 

[•°أنـــفْــِـاسِ اَلِــــوُرَدِ°•]

رد : انا وحيدة أمي ومتوهقة !!

الله يوفقك حبوبة ويبارك لك يارب ويسعدك ,’
والله يجزاك خير ذبحني صمتي صحيح ماي المزن تصدقي من مهرك الصدقة زينة وعسى ربي يسهل عليك ويوفقك اللهم آمين يارب العالمين,’

 

[الأميرة جوري]

رد : انا وحيدة أمي ومتوهقة !!

الله يوفقج بحياتج

 

[مٍلإيٍـٍـٍنّ<~]

رد : انا وحيدة أمي ومتوهقة !!

وعليكم السلام اختى اول شى اشتراج ى الذهب ولمن اتخلصين ثوب الابيض وبعدين المصوره والمكياج وبعدين القمصان وغيرها من الاشياء المهمه :eshrab: