- إنضم
- 21 سبتمبر 2009
- المشاركات
- 5,274
- مستوى التفاعل
- 27
- النقاط
- 0
قوه بنات ::
انا توني متوظفه لي 6 شهور الحين .. قعدت مع شله اول الايام ماعجبوني 2 منهم ف كشيت ورحت عنهم .. ف قمت
اقعد مع قسم ثاني همن فيه 2 ماعجبوني !! بنات انا مومعقده بس جد فيه نوعيه من البنات مااتحملها النوعيه اللي تحتر !!
عرفتوها اللي تقط عليج نغزات جدام الكل من الحره او تنتقد اي شي فيج وع ماحب هالنوعيه لاني عووبه وبسرعه اتهاوش
وبنفس الوقت ماحب الهواش ولا المشاكل ف الاحسن اني اتحاشاهم ف قمت اقعد بمكتبي بروحي صراحه حتى لو ماعندي
شغل اطلع لي شغل من تحت ارض يلهيني ويضيع الوقت علي او اروح قسم ثاني اساعدهم بشغلهم وصار ملل الدوام
وضيقة خلق ليم ذاك اليوم اللي دخلت علي موظفه كانت توها متعينه من اسبوعين وقعدت عندي تسالني عن الشغل
وجذي وطاحت الميانه بينا خصوصا لمن طلعنا من نفس القبيله لان كنا احنا الثنتين بس بدوامنا نفس الاصل .. المهم
اتفقنا اننا نتريق وي بعض ونسوي قطيه ونييب اللي نقدر عليه ونصير وي بعض ع طول وقالت انها راح تاخذ
المكتب اللي يم مكتبي عشان نكون قراب من بعض وفعلا صار هالشي واستانست حيل صراحه لان اول الشي
التجمع راح يصير بمكاني يعني اللي يبيني اييني واللي ماتبيني ماتشوف شر .. بعدها قالت لي هالبنت وراح اسميها
(انوار) قالتلي بتنادي وحده تقعد ويانا وهمن كانت موظفه يديده الكل كش منها من اول ماجت لان شكلها انطوائيه
وماتحب احد هذا غير انها كبيره اواخر الثلاثينات وشكلها ولبسها جنها زلمه ماتقولين كويتيه انا طبعا مااحكم ع الناس
من الشكل ولاتهمني المظاهر نهائيا وحتن ماحب البنت اللي تهايط ع راسي بس هذي البنت وبسميها ( ريم ) لمن
جت مكان وحده انتقلت لمكان ثاني وهذيج كان لها شعبيه كبيره عند البنات ف كان مكتبها مسويته مثل المجلس
يتجمعون كلهم عندها وهالجاي والقهاوي والحلويات ماشالله اما ريم لمن جت شالت كل شي بالغرفه وخلت مكتبها
بس وكله تقعد بروحها ونظراتها للناس غريبه جنها مخترعه او خايفه المهم لزمت انوار عليها تبيها تقعد معانا
وتتريق معانا وقالت انها طيبه ومسكينه ونصوحه ومن هالكلام قتلها اوكي امري لله خليها تجي حياها الله
المهم قمت انا ويبت ثلاجه صغيره وبارتشن وجم شغله من عندي وضبطت المكان وقمنا نتجمع وكل يوم وحده
تطلب ولاحظت ان ريم جعصه حيل لا صار يومها تتهرب والا تستاذن ومره اطلبت ريوق تخيلوا وراحت استاذنت
واكشتت فينا لااهي اللي دفعت ولا لغت الطلب وتوهقنا بالطلب لمن وصل ف دقيت عليها وطلبت منها تكنسل
المهم لمن صار الظهر ردت الدوام وجايبه معاها فطاير تقديم يعني ريوق ههههههه طبعا انا وانوار كنا ماكلين
توست وجبن وماكلينا انا خابره هالفطاير مع الجاي والقهوه موريوق المهم قعدت انوار تنتقدها بيني وبينها وتذم
فيها وتحش فيها حش بالعربي كل ماقعدت معاي طاحت له حش فيها وانا دايما اقولها هذي رفيجتج قبل لاتصير
ارفيجتي انتي تصرفي معاها انا مالي شغل المهم اتفقنا نسوي قطيه كل شهر ونجيب اغراض من الجمعيه
ف قطينا وانا خذيت الفلوس ورحت وجبت فيهم كلهم اغراض وماكفوا لكل الاغراض بس اللي قدرت عليه جبته
وظلينا شهر كل شي اوكي واللي ينقص اجيبه من عندي والله ولا اتكلم خربت الغلايه رحت وشريت وحده ثانيه
رخيصه ماعجبتهم قالوا لا تطق تحترق بسرعه قلت اوكي اغيرها بس يابنات قطوا طبعا ريم كالعاده قامت تتهرب
انا هنيه انبطت جبدي منها جت انوار وعطتني فلوسها اخذتهم وسكت جبت الغلايه وطوفنا السالفه وقمنا كل يوم
انا مره وانوار مره نجيب ريوق من بيتنا اكل حار بسخانات لان القطيه ماوفت المهم لاصار دور ريم كالعاده تتهرب
ياتستاذن يا تتحجج ان عندها شغل المهم عصبت انوار وطاحت له حش فيها وقامت تقول اهيا لازم تجيب
اكل بيت حالها حالنا مع ان البنت قايله ان زوجها شديد ومايرضى خخ وهمن قالت انوار الاغراض الشهر الجاي
اهيا تجيبهم لان عندها سياره ومارضت قالت ماقدر زوجي مايرضى اذبحتنا بهالزوج اللي جنه الهه عندها استغفرالله
انا طبعا كاشه منها خلقه وكشيت منها اكثر من سوالفها انها قاطعه عن امها من سنه ونص لان زوجها مخيرها بينه
وبين اهلها واختارت الحياة وياه ونست امها حلوة اللبن ... المهم نرجع لانوار
فيها طبيعه موحلوه يابنات والله من ارد من الدوام لين انام واهيا تدقدق علي تلفون 24 ساعه ماتمل لدرجة زوجي
زهق من كثر مايشوفني ماسكه التلفون واللي يبط الجبد تتدخل بكل شي وتسال عن كل شي حتى لم اكون بالسوق
تسكره ربع ساعه وتدق ها مرديتي لي الحين ومتى تخلصين ؟ وشنو بتشترين ؟؟ وتسولف ماتراعي اني انا
بسوق يمكن مشغوله ماقدر اسولف انسانه تحب القرقه وتحب الحش والقيل والقال وتربط عصاعص من تسمع
حجي من قسم عني او عن ريم ركض صبت السالفه وتحاول تشيشنا عليهم وع ماحب نوعيتها بس لان مروا علي
نفس اشكالها وايد ف ماقامت تاثر علي لاني صحصحت من كثر ماتصفعت خصوصا بالصداقه اللي مالي حظ فيها
نهائيا مع اني اجتماعيه والله يابنات وصاحبة واجب وخدومه واعطي من قلبي لكن مع الاسف الناس ماتحب اللي
جذي .. المهم الزبده شصار بالاخر انا صراحه قمت ازهق من ريم وجعاصتها فوقفت قطيه واعتذرت منهم وقلت
لاصار دوري بجيب من بيتي ونفس الشي انوار هذيج طبعا ساكته بس تجي وتبلع لا وماشالله تاكل اكل تخلصه كله
وجا دورها كانت مستاذنه الصبح واحس انها تخلي استاذاناتها باليوم اللي عليها من الجعاصه المهم انها ماطولت
جت ع ال 9 ونص واكشتت فينا .. انا هنيه لاعت جبدي منها وقلت بقط عليها نغزه
لمن جا من باجر كان الدور ع انوار جت وتريقت وكنت انا بس قاعده بمكتبي جان اقولها شدعوه ريم وين ريوقج
امس ؟؟ جان تلتفت علي مخترعه وتقول بنرفزه انا امس مستاذنه قتلها اي بس جيتي 9 ونص يمعوده خليتينا
طحنا من الجوع انوار حامل مسكينه وداخت وانا همن حاشتني دوخه جان تقط الريوق القفشه وتطلع
شوي والا داخله علي انوار وتقولي بعصبيه .. انتي شمسويه ؟ شقايله لريم مهاوشتها ؟؟ جان اطلع انوار باستغراب
قتلها لا جان تقول البنت دقت علي تبجي وتشتكي منج وتقول انا جيت اتريق بس عشانج ياانوار لزمتي فيني
شدعوه موكل يوم تجي تبلع خخ قتلها الحمدلله والشكر فوق شينها قوات عينها انا ماتهاوشت وياها بس مجرد
تشره _ جان تعصب انوار وتطلع الله واكبر عقب الحش فيها والدق والتذمر منها الحين صارت وياها !!!
المهم دقيت ع ريم ماردت علي جان اروح حق انوار مكتبها لقيتها تكلمها جان اقولها شفيج ؟ شصاير ؟؟
جان تقوم متنرفزه وتقول خلاص خلاص رجاءا مافيه شي قتلها شفيج انتي موطبيعيه _ جان تقولي انتي
اللي موطبيعيه شوفي شلون تكلميني ؟؟ انصدمت انا هنيه وتنحت شالسالفه !!!
المهم انقهرت جان ادز مسج حق ريم واخربها معاها بطت جبدي بروحي مندبله جبدي منها من زمان وساكته
المهم دزيتلها ( انا شنو قلتلج عشان تشكين عند انوار فوق شينج قوات عينج صج انج سوسه رجاءا لاتجين عندي
مكاني يتعذرج ) جان ترد علي بهالمسج ( من زين مكانج عاد وانتي السوسه شوفي الله شمسوي فيج ! ) انا هنيه
طن براسي وضحكت بسخريه انا اللي الله شمسوي فيني ؟؟ عشان شكيت مره مرتين من زوجي المهم مارديت
عليها لاني لو برد عليها والله اخليها اسبوع كامل تبجي لان اهيا اللي حالتها ماتسر وبنتها معاقه استغفرالله
اللهم لاشماته ف دزيت لها ( ماني راده عليج ومسحي رقمي ) طبعا الصدمه موبريم لان انا متوقعه منها
هالشي وادري من اول يوم قعدت وياها انها نجسه وموعلى نياتها بس الصدمه بانوار ...
تخيلوا يابنات تدقدق علي 24 ساعه ارد عليها عمري ماحقرتها وهذيج لادقت عليها طاف والا جهازها مغلق
يوم اعزمتني على عرس اختها انا رحت وهذيج اكشتت فيها لا وحضرت ورقصت بعد
لمن اعزمتنا ابيتها انا جيت وهذيج طنشت ..
لمن مره توهقت مالقت احد يجيبها الدوام انا مارتها بسيارتي وهذيج تدق عليها ماترد وبنهاية الدوامات لمن
قالتلها توصليني قالتلها مادري اشوف طالعتها انا بنظرات جان تقول خلاص خلاص اوصلج حتن انوار
بعظمة لسانها قالت ماوصلتني الا مستحيه منج ..
المهم تخيلوا صاروا مع بعض يوم ع ريم ويوم ع انوار والاخت الجعصه صارت كريمه وقامت تجيب من
بيتها !!!! لا ودشت علي مره انوار وتمدح بريم انها سوت وسوت وانها لمن كانت ماخذه طبيه والريوق
عليها جت الدوام واطلبت وتريقت معاي وراحت الله واكبر ههههههههههههه كل هذا الظاهر خايفه تهدها
وتجي تقعد عندي وكل مادش عند انوار القاها لازقه ندها وهالريوق وعطوني طااااااااااااااااف
لا وانوار الحقيره داشه علي مره تضحك وتقول ههههههه بنت المطر وحيده ماعندها احد تقولها باستهزاء
امبيه جد جد طلعت حقيره لدرجه ماتوقعتها عقب كل اللي سويته عشانها تبيعني بسهوله وتشتري هذيج
الليس اهيا بنفسها كانت تحش فيها وتذمر منها !!! لا وتقولي تندمت اني كنت اتكلم فيها صراحه ماتستاهل !!!
بنات انا ماهموني جد فرقاهم عيد واهما الخسرانين بس جد ليش ؟؟؟ ليش الناس هالوقت مايبين بعينهم شي
يروحون للي يبونه حتن لوحقير لو ردي !!! ليش ماعاد لنا صاحب بهالوقت !! ليش الصداقه صارت نادره
بهالوقت وماتنعرف قيمتها !!!
سامحوني قرقرت وايد بس ارتحت اني فضفضت وناطره ردودكم مهما كانت راح اتقبلها
بصدر رحب :eh_s(21):.
انا توني متوظفه لي 6 شهور الحين .. قعدت مع شله اول الايام ماعجبوني 2 منهم ف كشيت ورحت عنهم .. ف قمت
اقعد مع قسم ثاني همن فيه 2 ماعجبوني !! بنات انا مومعقده بس جد فيه نوعيه من البنات مااتحملها النوعيه اللي تحتر !!
عرفتوها اللي تقط عليج نغزات جدام الكل من الحره او تنتقد اي شي فيج وع ماحب هالنوعيه لاني عووبه وبسرعه اتهاوش
وبنفس الوقت ماحب الهواش ولا المشاكل ف الاحسن اني اتحاشاهم ف قمت اقعد بمكتبي بروحي صراحه حتى لو ماعندي
شغل اطلع لي شغل من تحت ارض يلهيني ويضيع الوقت علي او اروح قسم ثاني اساعدهم بشغلهم وصار ملل الدوام
وضيقة خلق ليم ذاك اليوم اللي دخلت علي موظفه كانت توها متعينه من اسبوعين وقعدت عندي تسالني عن الشغل
وجذي وطاحت الميانه بينا خصوصا لمن طلعنا من نفس القبيله لان كنا احنا الثنتين بس بدوامنا نفس الاصل .. المهم
اتفقنا اننا نتريق وي بعض ونسوي قطيه ونييب اللي نقدر عليه ونصير وي بعض ع طول وقالت انها راح تاخذ
المكتب اللي يم مكتبي عشان نكون قراب من بعض وفعلا صار هالشي واستانست حيل صراحه لان اول الشي
التجمع راح يصير بمكاني يعني اللي يبيني اييني واللي ماتبيني ماتشوف شر .. بعدها قالت لي هالبنت وراح اسميها
(انوار) قالتلي بتنادي وحده تقعد ويانا وهمن كانت موظفه يديده الكل كش منها من اول ماجت لان شكلها انطوائيه
وماتحب احد هذا غير انها كبيره اواخر الثلاثينات وشكلها ولبسها جنها زلمه ماتقولين كويتيه انا طبعا مااحكم ع الناس
من الشكل ولاتهمني المظاهر نهائيا وحتن ماحب البنت اللي تهايط ع راسي بس هذي البنت وبسميها ( ريم ) لمن
جت مكان وحده انتقلت لمكان ثاني وهذيج كان لها شعبيه كبيره عند البنات ف كان مكتبها مسويته مثل المجلس
يتجمعون كلهم عندها وهالجاي والقهاوي والحلويات ماشالله اما ريم لمن جت شالت كل شي بالغرفه وخلت مكتبها
بس وكله تقعد بروحها ونظراتها للناس غريبه جنها مخترعه او خايفه المهم لزمت انوار عليها تبيها تقعد معانا
وتتريق معانا وقالت انها طيبه ومسكينه ونصوحه ومن هالكلام قتلها اوكي امري لله خليها تجي حياها الله
المهم قمت انا ويبت ثلاجه صغيره وبارتشن وجم شغله من عندي وضبطت المكان وقمنا نتجمع وكل يوم وحده
تطلب ولاحظت ان ريم جعصه حيل لا صار يومها تتهرب والا تستاذن ومره اطلبت ريوق تخيلوا وراحت استاذنت
واكشتت فينا لااهي اللي دفعت ولا لغت الطلب وتوهقنا بالطلب لمن وصل ف دقيت عليها وطلبت منها تكنسل
المهم لمن صار الظهر ردت الدوام وجايبه معاها فطاير تقديم يعني ريوق ههههههه طبعا انا وانوار كنا ماكلين
توست وجبن وماكلينا انا خابره هالفطاير مع الجاي والقهوه موريوق المهم قعدت انوار تنتقدها بيني وبينها وتذم
فيها وتحش فيها حش بالعربي كل ماقعدت معاي طاحت له حش فيها وانا دايما اقولها هذي رفيجتج قبل لاتصير
ارفيجتي انتي تصرفي معاها انا مالي شغل المهم اتفقنا نسوي قطيه كل شهر ونجيب اغراض من الجمعيه
ف قطينا وانا خذيت الفلوس ورحت وجبت فيهم كلهم اغراض وماكفوا لكل الاغراض بس اللي قدرت عليه جبته
وظلينا شهر كل شي اوكي واللي ينقص اجيبه من عندي والله ولا اتكلم خربت الغلايه رحت وشريت وحده ثانيه
رخيصه ماعجبتهم قالوا لا تطق تحترق بسرعه قلت اوكي اغيرها بس يابنات قطوا طبعا ريم كالعاده قامت تتهرب
انا هنيه انبطت جبدي منها جت انوار وعطتني فلوسها اخذتهم وسكت جبت الغلايه وطوفنا السالفه وقمنا كل يوم
انا مره وانوار مره نجيب ريوق من بيتنا اكل حار بسخانات لان القطيه ماوفت المهم لاصار دور ريم كالعاده تتهرب
ياتستاذن يا تتحجج ان عندها شغل المهم عصبت انوار وطاحت له حش فيها وقامت تقول اهيا لازم تجيب
اكل بيت حالها حالنا مع ان البنت قايله ان زوجها شديد ومايرضى خخ وهمن قالت انوار الاغراض الشهر الجاي
اهيا تجيبهم لان عندها سياره ومارضت قالت ماقدر زوجي مايرضى اذبحتنا بهالزوج اللي جنه الهه عندها استغفرالله
انا طبعا كاشه منها خلقه وكشيت منها اكثر من سوالفها انها قاطعه عن امها من سنه ونص لان زوجها مخيرها بينه
وبين اهلها واختارت الحياة وياه ونست امها حلوة اللبن ... المهم نرجع لانوار
فيها طبيعه موحلوه يابنات والله من ارد من الدوام لين انام واهيا تدقدق علي تلفون 24 ساعه ماتمل لدرجة زوجي
زهق من كثر مايشوفني ماسكه التلفون واللي يبط الجبد تتدخل بكل شي وتسال عن كل شي حتى لم اكون بالسوق
تسكره ربع ساعه وتدق ها مرديتي لي الحين ومتى تخلصين ؟ وشنو بتشترين ؟؟ وتسولف ماتراعي اني انا
بسوق يمكن مشغوله ماقدر اسولف انسانه تحب القرقه وتحب الحش والقيل والقال وتربط عصاعص من تسمع
حجي من قسم عني او عن ريم ركض صبت السالفه وتحاول تشيشنا عليهم وع ماحب نوعيتها بس لان مروا علي
نفس اشكالها وايد ف ماقامت تاثر علي لاني صحصحت من كثر ماتصفعت خصوصا بالصداقه اللي مالي حظ فيها
نهائيا مع اني اجتماعيه والله يابنات وصاحبة واجب وخدومه واعطي من قلبي لكن مع الاسف الناس ماتحب اللي
جذي .. المهم الزبده شصار بالاخر انا صراحه قمت ازهق من ريم وجعاصتها فوقفت قطيه واعتذرت منهم وقلت
لاصار دوري بجيب من بيتي ونفس الشي انوار هذيج طبعا ساكته بس تجي وتبلع لا وماشالله تاكل اكل تخلصه كله
وجا دورها كانت مستاذنه الصبح واحس انها تخلي استاذاناتها باليوم اللي عليها من الجعاصه المهم انها ماطولت
جت ع ال 9 ونص واكشتت فينا .. انا هنيه لاعت جبدي منها وقلت بقط عليها نغزه
لمن جا من باجر كان الدور ع انوار جت وتريقت وكنت انا بس قاعده بمكتبي جان اقولها شدعوه ريم وين ريوقج
امس ؟؟ جان تلتفت علي مخترعه وتقول بنرفزه انا امس مستاذنه قتلها اي بس جيتي 9 ونص يمعوده خليتينا
طحنا من الجوع انوار حامل مسكينه وداخت وانا همن حاشتني دوخه جان تقط الريوق القفشه وتطلع
شوي والا داخله علي انوار وتقولي بعصبيه .. انتي شمسويه ؟ شقايله لريم مهاوشتها ؟؟ جان اطلع انوار باستغراب
قتلها لا جان تقول البنت دقت علي تبجي وتشتكي منج وتقول انا جيت اتريق بس عشانج ياانوار لزمتي فيني
شدعوه موكل يوم تجي تبلع خخ قتلها الحمدلله والشكر فوق شينها قوات عينها انا ماتهاوشت وياها بس مجرد
تشره _ جان تعصب انوار وتطلع الله واكبر عقب الحش فيها والدق والتذمر منها الحين صارت وياها !!!
المهم دقيت ع ريم ماردت علي جان اروح حق انوار مكتبها لقيتها تكلمها جان اقولها شفيج ؟ شصاير ؟؟
جان تقوم متنرفزه وتقول خلاص خلاص رجاءا مافيه شي قتلها شفيج انتي موطبيعيه _ جان تقولي انتي
اللي موطبيعيه شوفي شلون تكلميني ؟؟ انصدمت انا هنيه وتنحت شالسالفه !!!
المهم انقهرت جان ادز مسج حق ريم واخربها معاها بطت جبدي بروحي مندبله جبدي منها من زمان وساكته
المهم دزيتلها ( انا شنو قلتلج عشان تشكين عند انوار فوق شينج قوات عينج صج انج سوسه رجاءا لاتجين عندي
مكاني يتعذرج ) جان ترد علي بهالمسج ( من زين مكانج عاد وانتي السوسه شوفي الله شمسوي فيج ! ) انا هنيه
طن براسي وضحكت بسخريه انا اللي الله شمسوي فيني ؟؟ عشان شكيت مره مرتين من زوجي المهم مارديت
عليها لاني لو برد عليها والله اخليها اسبوع كامل تبجي لان اهيا اللي حالتها ماتسر وبنتها معاقه استغفرالله
اللهم لاشماته ف دزيت لها ( ماني راده عليج ومسحي رقمي ) طبعا الصدمه موبريم لان انا متوقعه منها
هالشي وادري من اول يوم قعدت وياها انها نجسه وموعلى نياتها بس الصدمه بانوار ...
تخيلوا يابنات تدقدق علي 24 ساعه ارد عليها عمري ماحقرتها وهذيج لادقت عليها طاف والا جهازها مغلق
يوم اعزمتني على عرس اختها انا رحت وهذيج اكشتت فيها لا وحضرت ورقصت بعد
لمن اعزمتنا ابيتها انا جيت وهذيج طنشت ..
لمن مره توهقت مالقت احد يجيبها الدوام انا مارتها بسيارتي وهذيج تدق عليها ماترد وبنهاية الدوامات لمن
قالتلها توصليني قالتلها مادري اشوف طالعتها انا بنظرات جان تقول خلاص خلاص اوصلج حتن انوار
بعظمة لسانها قالت ماوصلتني الا مستحيه منج ..
المهم تخيلوا صاروا مع بعض يوم ع ريم ويوم ع انوار والاخت الجعصه صارت كريمه وقامت تجيب من
بيتها !!!! لا ودشت علي مره انوار وتمدح بريم انها سوت وسوت وانها لمن كانت ماخذه طبيه والريوق
عليها جت الدوام واطلبت وتريقت معاي وراحت الله واكبر ههههههههههههه كل هذا الظاهر خايفه تهدها
وتجي تقعد عندي وكل مادش عند انوار القاها لازقه ندها وهالريوق وعطوني طااااااااااااااااف
لا وانوار الحقيره داشه علي مره تضحك وتقول ههههههه بنت المطر وحيده ماعندها احد تقولها باستهزاء
امبيه جد جد طلعت حقيره لدرجه ماتوقعتها عقب كل اللي سويته عشانها تبيعني بسهوله وتشتري هذيج
الليس اهيا بنفسها كانت تحش فيها وتذمر منها !!! لا وتقولي تندمت اني كنت اتكلم فيها صراحه ماتستاهل !!!
بنات انا ماهموني جد فرقاهم عيد واهما الخسرانين بس جد ليش ؟؟؟ ليش الناس هالوقت مايبين بعينهم شي
يروحون للي يبونه حتن لوحقير لو ردي !!! ليش ماعاد لنا صاحب بهالوقت !! ليش الصداقه صارت نادره
بهالوقت وماتنعرف قيمتها !!!
سامحوني قرقرت وايد بس ارتحت اني فضفضت وناطره ردودكم مهما كانت راح اتقبلها
بصدر رحب :eh_s(21):.
