انا وزوجي واهلة

[بوح القوافي]

هلا بنات اخباركم
عندي مشكله مقلقتني بحياتي اني ساكنة مع اهل زوجي صح اني عايشة بشقة فوق
بس ولو مثلا زوجي يبني كل يوم نازله تحت ويزعل لو عرف اني مانزلت ويقلبها هوشة على اتفه سبب
انا انزل ماقلت شي بس مو كل يوم احيانا اكون مشغوله او عندي ولدي نايم صعبة انزل واتركة بالشقة لحاله كيف افهمة اني انزل بكيفي ومتى ما بغيت مو غصب يوميا مرتزة تحت وة ماتدرون وش مقلقتني هالقصة كل هواشنا على انزلي ليه ماتنزلين حلو مشكلتي وش اسوي اطلب بيت بروحي وارتاح من المشاكل والا كيف اسوي
​

 

[ام فواازي]

قولي له انا اعرف الاصول واعرف متى مفروض انزل ومتى ماانزل مو صغيره عشان تعلمني

 

[كربون امها]

زوجج مشكله قعدي معاه بهدوء وفهميه عيب مو كل شوي رازه ويهي
بعدين يملون مني ومرات البيوت عندها خصوصيه ماهي حاله هذي
واذا مااستوعب الحجي شتسوين بعد وسالفه البيت مالا داعي

 

[ليان200]

حبيبتي قولي له انا انزل لهم كل يومين شرايك؟
وقولي له بعد ترا يمكن عندهم اسرار ومايبون يتكلمون يمي وثاني شي اهم عندهم مشاغل اذا نزلت يمهم بعطلهم وثالث شي انا نفس الشي عندي مشاغل انا انزل لهم من عيوني بس مو كل يوم بعدين يملون مني وكل بيت عنده خصوصية الواحد اشوي يستحي على وجهه واذا انت ترضاها على نفسك انت روح بيت اهلي كل يوم وانا ماتزوجت عشان الشقة تصير بس وقت النوم وباقي اليوم في بيت اهلك والصراحة انا مابي اتعود اني كل يوم انزل وانزل عيالي بعدين اخاف اغثهم واتعود ان عيالي دايم عندهم لازم احس اني مستقرة واجلس بشقتي

 

[chocolate-T]

انا مع ام فوازي
وقوليله وبينيله ان وددج تنزلين وايد بس شغل البيت و ولدج صعبه وسوي روحج متضايقه ليش ماقدرتي تقعدين وايد

 

[رنيم الروح]

انا مع البنات في كلامهم

 

[منيرة خالد]

قوليله المثل((( لا تكثر الدوس يا خلي يملونك لا انت بولدهم ولا طفلن يربونك )) فهميه انه اهله لهم خصوصيات يبون يسولفون بروحهم ما يصير كل يوم مرتزه جدامهم لازم تعطينهم فجه يسولفون بروحهم وانج ادري بالوقت اللي لازم تنزلين فيه والوقت اللي تقعدين فيه بشقتج


وعساه يفهم ويقدر

 

[أم ميميتو]

عادي ما فيها شي اذا نزلتي كل يوم على تشوفين خالتج و تسلمين عليها و تصعدين واذا قالج قوليله كنت مشغوله نزلت شفت خالتي ورجعت شقتي

 

[*peace*]

الحل حده بسيط

نزلي كليوم لو نص ساع او ساعه وصعدي وفكي عمرج

حتى لوحدج مشغوله مايخالف استحملي وضغطي على نفسج شوي عشان تفتكين من الحنه والهواش

 

[رمال من ذهب]

كل الرياييل جذي للاسف

 

[خوووخه w]

عندي وعندج خيييير اكيد احد من اهله مكلمه طبعا انا ماارد عليه اقول ابي ارتاح بيتي بطالع التلفزيون برتب اغراضي مااضغط نفسي علشان جنابتك عاد خالتي امس سمعتها باذني تقول له ماتمل من القعده بروحها كيفي وانتي شكوو اصلن ادور المحارش وتقولين اطلعي خلتحوش وجهج الشمس اطلعي الصبح للحديقه عااادي طنشي وحتى لو تكلم زوجج قوليله انا مشغوله وسكري الموضوع وروحي سوي اي شي

 

[سهام بنت محمد]

نفس زوجي بس تعب مني ومن تطنيشي وسكت واخر شي طلع من البيت مره وحده سكني شقه

بروحي يقول ليه اعور قلبي صج انا عنيده ومطنشه يعني انزال بس على طول ما احب انا حره

حاولي تنزلين وتلمحين انك تحبين تجلسين بروحك عشان لو مانزلتي ما يقلون شي وزوجك

قولي له انا من يوم كنت بيت اهلي كذا ما احب الجمعات شسوين بعد بس حاسه بزوجك صادتني

نفس الحركه الله يوفقك حبيبتي ​

 

[حجيه هيونه]

والله غير سالفه

بس اكيد مايبي احد من اهله يقط عليه كلمة من جذي ضاغط عليج

عموما نزلي شوي كل يوم وطلعي على طول

ومع الوقت بيمل وينسى السالفة

 

[لمى الهاجري]

معليش قولي له انا مشغولة بس ولا يهمك كل يوم بسلم عليها وبعدها اصعد فوق

 

[قطوووة]

السؤال هؤ

ليش يبيج تنزلين
يعني حق امه ؤلا عاده عندهم الكل ينزل ؤيجتمع ؤلا شنؤ

 

[بسكوته ذايبه]

الله يعينج حبيبتي وبعدين انتي عندج ولد يعني مو فاااضيه وحاولي جدامه تسوين نفسج مشغووله وترتبين وكل يوم سوي شغله لما يمل وانتي فعلااا مو صغيره عشان يعلمج .... وطبعا ما أقولك لا تنزلين نزلي بس مو داايماااا بأجر يطلعون عليج كلام وهم لا اتكثرين الدوس. عشان ما يملوونج والله يهديه يارب​

 

[amami al-kuwai]

قولي له حبيبي احنا حريم ومتفاهمين بينا

اعرف الاصوول وهم بعد يعذروني اذا غبت عنهم يوم

 

[دريم]

قوليله المثل((( لا تكثر الدوس يا خلي يملونك لا انت بولدهم ولا طفلن يربونك )) فهميه انه اهله لهم خصوصيات يبون يسولفون بروحهم ما يصير كل يوم مرتزه جدامهم لازم تعطينهم فجه يسولفون بروحهم وانج ادري بالوقت اللي لازم تنزلين فيه والوقت اللي تقعدين فيه بشقتج


وعساه يفهم ويقدر

عجبني المثل:eh_s(7):


حبيبتي قولي له انا مشغوووووله اذا فضيت انززل
وكل يومين نزلي مررره واحتجي بشغل البيت والبيبي

 

[دلوعة صلوح]

عادى حبيبتى مافيها شئ نزلى ساعة او نص ساع عالاقل عشان خاطر ريلج.​

 

[مــســك]

سؤال اذا نزلتي تسواا النزله ؟؟

فيها وناسه ؟؟

يقومون فيج حمولتج ..؟ قهوه وجاي وحلوو ؟؟

ولا بس ساكتين ؟؟



اناا بصراحه ما اشوف اهتمام لما انزل عندهم .. بس خالتي الي تعبرني .. لا قهوه ولا جاي ..

مرات خالتي تقول جيبوو قهوه عشان آتقهوا ..


يعني ما يعبرونيييييييييييييييييييييي .. استغفرالله .. حتى مرات ودي اتعشى معاهم مايبوون ..


البنات يدخلن داخل ويتعشن ويحقرني ؟؟


ومنهااا قمت احقرهم وما انزل .. وزوجي عارف طبعهم ويدري ..


قلت له لما انزل محد يعبرني ومحد يقعد عندي الا خالتي .. وقليل البنات يقعدن شوي ويرحن ..


يعني بصراحه حتى مكاني حكــره محكر حمام ...



الله يعييييييييييييييييين بسس ..