انا وطفلتي الداون

[gakgak]

السلام عليكم







لو سمحتوا انا بنتي داون وعمرها 3 شهور





ابي اعرف متى تبدي اتفاعل معاي يعني لمه اكلمها تظحك وتعرف الوجوه؟؟؟؟






شكرا

 

[الصابرة المحتسبة]

هلا يالغالية

شوفي هالرابط

فئة متلازمه الداون (http://www.q8yat.net/showthread.php?t=241357)

 

[مشاعل الشمري]

مشرفتنا الغاليه الله يعطيج العافيه

 

[ام اميره]

اختي الغاليه
انتي اللي عليج انج اتعاملينها كانها اي طفله عاديه ولا تحطين في بالج انها داوون او انها ماتفهملج عرفتي
يعني كلميهاوقوليلها انا ماما وهذا باباوضحكي معاها لماتبدلينها البامبرز وضحكيها وصدقيني كثر ماتعطينها راح تعطيج نتايج حلوووه
واي شي انا بالخدمه

 

[الصابرة المحتسبة]

رفع

 

[الصابرة المحتسبة]

رفع

 

[بحر هادي]

عادي ترى زي الاطفال العاديين..يعني كنك تتعاملين مع اي طفل طبيعي

لأنه تختلف نسبة الفهم والاستجابه من طفل لطفل..وهالشي ماراح يبان وتعرفين تقييمين حالته وهو توه بالأشهر..

فأنتي تعاملي عادي معاه..ولما يكبر شوي وتعرفين حالته بالضبط ساعتها بتعرفين كيف تتعاملين معاها..

لان انا اخوي نفس الشي..وكنا نظنه ماراح يفهم ..بس الحمدلله يفهم كثيررر ويستوعب..

ونتعامل معاه زي اي واحد طبيعي..
والحمدلله على كل حال

وربي يسهل امورك اختي..

 

[ام ناييف]

مثل ماقالوا البنات
اهم شي المعامله ونظرتج لها
عامليها طبيعي وراح تكون طبيعيه

والله يخليها لكم ان شاء الله

 

[الصابرة المحتسبة]

رفع

 

[الريادة]

حبيتي حاولي تنادينها باسمها وايد عشان تعرف اسمها و تلف ويها باتجاه الصوت .

 

[مشاعل الشمري]

رفع

 

[عيش و مرق]

شلون عرفتو انها داون وايد صغيره ومبجر هل شكلهم يختلف وله شلون؟

 

[نور بوبيان]

شلون عرفتو انها داون وايد صغيره ومبجر هل شكلهم يختلف وله شلون؟

الدكتور نفسه يقولج :

إذا شاف أحد الصفات أو كلهم مع بعض:


شكل العين لوزيه

شكل الأنف

خط واحد باليد

خط يفصل الإبهام عن الأصابع الأخرى بالقدم

خروج الأمعاء من عند السر

تشوهات بالقلب

صغر الرأس بالنسبه للجسم

وهذ مبدئيا

وبعدين يسوون لها فحص الكروموسومات....للتأكد

 

[مشاعل الشمري]

الله يشافيهم ويعافيهم لكم
وتفرحون فيهم

 

[مشاعل الشمري]

رفع لعييلنا الداون

 

[الصابرة المحتسبة]

بشريني عن بنيتج