انا وقلبي وضميري

[عزتي شامخه]

بسم الله الرحمن الرحيم
قوة بنات شلونكم ؟؟
انا صارلي سنه مسجله بهالمنتدى والنيه اكتب مشكلتي بس مترددة ؟؟؟
الي ابيه مساعده تريحون ضميري وبالي نصيحه دعوه الي تقدرون عليه ...

سالفتي
تعرفت ع صديقه كانت صديقه من قبل 8 سنين وللاسف كانت تضرني وخبيثه بس كنت عميه ومااشوف فيها الي الخير لين ماجت السنه الي طافت وحاولت تعرفني ع شاب وانا كنت ارفض وبعدها رضيت لانها صديقتي وواثقه فيهاا <<<<ادري غباااء وقمة الغلط
لكن سبحان الله بعد شهر بالضبط الله دخل علي امي وكشفتني وطقتني ونبهتني ووعتني من هالبنت وتركتها وتركت الشاب واستسمحت من امي ورضت علي<<<الحمدلله

بنات المشكله اني حبيتااا كثييييير وربي يعلم اني حبيتاا ... وهو حبني اكثر....

بنات خفت انا انا هالحب يكون قلة ايمان ووبعد عن ذكر ربي لكني استمريت وكثرت من قيامي وصلاتي ودعائي بس واالله احباا مااقدر ع بعداا

الي ابيه انا ومتاكده منا اني ابي قربا بالحلال يعني ابي اكون زوجتاا بس ادري هالشي مستحيل لاني غلطت معاه وكلمتا فترة
بس ادري والله انا ماينظرلي نظرة وصخه او دونيه ومتاكده من هالشي

اهو اهلا حاطين فبالهم بنت له بس هو رافض مايبي غيري بس موعارف شلون الطريقه وشلون يعلم اهلا < للعلم اثننيا بدوو بس من قبايل مختلفه >

انا قاعده ادعي ربي ليل ونهار يكتبلي الخير ويصير من نصيبي و اصير له <<<<وانا مؤمنه بهالشي اني قدري ونصيبي هو الكتوب وربي مايرد عبده

الي ابيه منكم يابنات ترشدوني علموني هالشي صح ولالا؟؟ هل اني اخون اهلي بحباا ؟؟؟
هل ممكن يتزوجني ونكون البعض ؟؟ واذا لا انصحوني شالحل ؟؟ ابي يرتاح بالي وضميري وقلبي ؟؟
الله يوفقكم جميعاا ويحققلكم مناكم:eh_s(17):

بيباي:eh_s(7):
​

 

[اوف يبو]

الله يوفقك ..

 

[iTaLiyA]

حبيبتي دام انج هديتيه و عرفتي غلطتج و تبتي توبه نصوح لله لا تحاتين
اذا فيه خير لج صدقيني الله بييبه لباب بيتكم يخطب و اذا فيه شر لج بيصير العكس
و حبه بقلبج دامج ما تكلمينه ما اعتقد انه فيها خيانه لاهلج بعد الحب مو بيدج ولا هو دقمه متى ما بغيتي تصكينها تنصك!!
ادعي ربج انه يكون من نصيبج

 

[شاي ونعناع]

والله هالمشكله تنتشر للاسف البنات ماقامو يفكرون بعقولهم بقلبهم المهم اول شي طبعا اكيد غلط لانج كلمتيه وحسبي الله ع اللي كانت السبب اللي خلتج تمشين بهذا الطريج الفاشل وثانيا الحمدلله انج توعيتي وعرفتي غلطتج وثالثا جنج رديتي وقلتي افكر فيه وابيه ليش جم صارلكم عشان حبيته وتعلقتي فيه بدام اهله يبون له وحده حاطينه له يعني انتي اكيد مرفوضه اقول وخري عنه باجر بيتعذر لج بيقولج اهلي مايبونج وماقدر ارفض لهم طلب وشي غصبن ع يابنت شيليه من بالج لاتقولين حبيته هذي فتره مراااهقه ويمكن اول شخص كلمتيه الله يهديج تقربي من ربج وراح تنسينه اعتقد وحده عندنا بالمنتدي حاطه موضوع يخص موضوعج ياريت تقرينه صدقيني يفيدج و هالطريج عوي وخري عنه مايجيب الا القلق وعوار القلب والتعب الشي مبين من عنوانه هله حاسبين له وحده ويبونها له وعاجبتهم واكيد داالين بيتها بعد لاتتعبين نفسج معاه وتبنين امال لج وياه علي الفاضي الله يهديج ويصلحج ويرزقج بولد الحلال الي تمنينه*

 

[روح مووود]

اتركيه افضلك والباب الى يجيك منه ريح سده واستريح وهو والله لو يحبك يدل الطررريق
الصح يخطبك والنووور افضل الضلام فهمتى حبى اتركيه وبى اسسسسسسسسسسسرع وقت
ترآآآآآآآآآآآآآآآآآآآآآآآآآآآآآآوالله الحين ينضر لك نظرره مو حلوه صدقينى؟؟؟؟؟؟؟؟؟؟؟؟؟؟؟؟؟

 

[sosowaty]

من صجج بالامانه فكري فيها بالعقل

فكري معاي اوكي

شهر !! معقوله شهر بيحبج لاااا و الف لاااااا

شوفي المرا فيها عاطفيه بزووود

و الكلام الي كتبتيه انه يحبج او مايبي يتزوج وجذي كل الرياييل جذي جذااابين انا ريلي ايقوول والله و ثم والله ان كل الناس الي اعرفهم الرياييل طبعا يحلفون و يتكفرون ان ما يتزوجون وحدة كان يكلمها

يا بنت الحلااال تعوذي من ابليس

اسمحيلي بس انتي فيج نقص حنان عشان جذيه حبيتيه بسرعه

وانا ابصملج بالعشر انج ما تحبينه بس هذا الشيطاان و كثرة وقت الفراغ

و عسى الله يهديج

 

[إبتسامهـ]

صدقيني الشيطان يزينه لج والدليل اتركيه شهر او شهرين وشوفي اشلون راح ينساج ع طول
قولي يارب تكتب لي النصيب الي فيه خير لي
فكري بعقلج لاتفكرين بقلبج
وانتي بعد بتنسينه بس لازم تشغلين نفسج بأي شي

بالتوفيق ..

 

[є 3 τ и α q]

البنت اللي مَ فيها خير لـ اهلهآ
مَ ر اح يكون فيها خير في زوجهآ

/

وعند الرجال اللي تخون اهلها
راح تخونه ..


انتبهي ..
تميلين وتتركين عواطفك هي اللي تحكمك ..
وتنسين رضآ ربي .. و تعب اهلك عليك

عشآن واحد يكلم اليوم بكره يكلم غيرك ..


/


تأكدي هالنوع من العلآقآت
نهآيتها دائم فآشلة ..

ولا عواقبها الا ندم والم وحسرة ..
وعذاب من الله ^^


فـ ارجعي لـ ربك عسى الله ينور دربك ..
ويصلح امرك ..
ويرزقكك بزوج صآلح .. يعينك ويسآعدك ^^


الله يحفظك​

 

[زوجة عزيز]

جان تقدم لج

 

[مشآعل مطير]

الحين آنتي الحممدلله تبتي يعني خلآص مآلك علآقه فيه صح ؟
خلآص آثبتي ع هالطررريق لآتحآولين ترجعين تتوآصلين معه
ولو ربي كآتب آنه يكون زوج لك صصدقيني بيتزوجك غصبن عن الدنيآ كلهآ
آنتي قولي ياارب تركته لوجهك الكريم وآسستعيني بالصبر والصلآهـ
وصدقيني بتنسسينه وبيعووضك ربي بزوج صآلح تقر عينك فيه
اللي آنتي فيه مو حب هذآ وهم يآآآآآآآآآآبنآت تكفففون آفهمو
الششيطآن يزينه في قلبك ويوهمك آنه تحبينه وهو يحببك
تكفيين آثبتي ع توبتك وآصصصدقي مع الله اللي عآلم بالنوآيآ
,,

 

[عزتي شامخه]

الله يوفقكم جميعا وانشالله بستمر فتركا ويالله يارب يرزقني الخير





مشكوريييييييين كلكم :eh_s(7):

 

[خلود الغنام]

اختي اذا تبين الحل السديد خليه يخبر اهلو لو كان صادق هو يقدر يقنع اهلو لانو شب وله حريت الختيار

اذا كان يحبك بصدق واذا ما سوا جذي ما يبيلها تفكير اتركيه ولا طلعين وراك لانها خيانة للثقة اي عطتك ايها امك


اختك خلود

 

[samyah a.o]

انتي على اي اسااااااااااااس حبيته ياناس البنات الي على هالشاكله بيجننوني ...
حبيبتي انتي غلطتي غلطه كبييييييييره وتبتي والله يتوب عليك ...
انتي حبيتيه من صوته مثلا ولامن كلامه معك ترااااه كذااااااااااااااااااااب والدليل أن صديقتك الله يهديها جابتلك رقمه يعني يكلمها هي بعد وهي مروجه له الله يهديها ولا ياخذها ويكفي بنااااات المسلمين شرها أستغفر الله كيييييييييييييف تنشر الشر كذاااا
وعطتك رقمه تبيك تكلمينه عشان تطيحين بالوحل الي طاحت فيه
نصيحتي
انتي لسى صغيييييره وشعورك هذا غلط لأنه مبني على غلط هواول واحد تكلمينه وظنيتي انه يحبك لانه حاااااول يخدعك وشكله نجح وصدقيني والله والله والله لو فيه خييييييييييييييييييييير مايتزوج وحده كلمته من ورى أهلها وخلت الله أهون الناظرين اليها هو يضحك عليك لين يتمكن منك ويرميك ويدور وحده غيرك...
انسيه انسيه انسيه لان قلبك طااااااااااااهر ولاتلوثينه بنااااااس من هالشاكله وصدقيني عشانك تفكرين فيه ماراح تنسينه
حطي في بالك شي واااااحد مادام رقمه مع صديقتك يعني رقمه مع ألف وحده غيرك
والله يصلحك ويستر عليك ويوفقك
يمكن كلاااااامي يجرح شوي بس الحقيقه تعور دائمااااا

 

[ToOoT"Q8]

أنا معا كلام ساميه
انتي بس كثري استغفار
والله بيرزقج ألي احسن منه

 

[رانا ***]

لو نصيبك بيجى لعندك

اتركيها على الله

وادعى
والله ييسر لك امرك

 

[..MaYaR]

حبيبي انتي وين لحقتي تحبينه وشنو الشي الي حبيتيه فيه؟ علاقتكم بس تلفون ما بينكم عشره ولا صارت لكم مواقف عشان تعرفين شنو معدنه هذا اول واحد يمر عليج وانتي الي تمرين فيه مو حب اعجاب او نزوه انتي اشغلي نفسج بشي ينسيج اياه تعلمي شغلات يديده غيري حياتج راح تنسينه ولا تفكرين فيه والزواج نصيب وهو ترا اكيد يوم بيكلمج الحين بيطلع نفسه احسن واحد بالدنيااااا حركات قديمه وصارت مكشووفه لاتصيرين غشيمه وحارقه قلبج عالفاضييييييي

 

[خلود الغنام]

كلام صح اختي

وانتي يا اختي روحي ستغفري ربك وتأكدي لو كان يحبك راح يجي ويخطبك

 

[Tom ♥ Jerry]

.


حبيبتي لو يحبج راح يقنع كل أهله و ياخذج برضاهم آو بدون رضاهم
رآح يسوي المستحيل عشان يتزوجج و يعيش وياج

بس خلاص خليه و الهي بشي ثاني .!
ترا حب بو شهر كلش مآ يسموونه حب ,،

تلقينه والله آعلم قص عليج في جم كلمه وآنتي صدقتيه !
اسلوب الشباب يبين انهم ميتين عليج
يلفون و يدورون لمآ آييبون راس البنت بعدين يتخلون عنهآ ,،

الي الله كآتبه بيصير
وكل شي قسمه ونصيب حبيبتي :*

لو نصيبج رآح تاخذينه !
آهم شي رضى آمج و ابووج و آهلج وربج عليج