انا يايه لكويت الأسبوع الياي

[لبي قلبك يالغلااا]

اخواتي كويتيات السلام عليكم ورحمة الله وبركاته
انا يايه الكويت الخميس الياي لمدة 4 ايام واحب السوق وااااااايد
وين تنصحوني ارح للتسوق
ومشكووووووووووووورين

 

[ii DareeN ii]

مرينا مول

الكوت

افنيوز

شرق

الفنار

ليلى قالري

الصالحية

الراية

المنشر

سوق السالمية - المباركية - سوق فحيحيل - المهلب - العثمان

هذيل غالب المولات والسنترات الي عندنا على اختلاف مستوياتهم


وحياج اللة تنورين الديرة

 

[ورد وكادي]

حياج الله ياقلبي
ماشاء الله الأختii DareeN ii ماقصرت حطت كل المجمعات بس الأفضل تزورين الأفنيوز أول شي

 

[لبي قلبك يالغلااا]

ii DareeN ii و اختي ورد وكادي
فديت قلبكم والله ماقصرتوا كيفتوا و ويفتوا الله يجزيكم خير

 

[حناينq8]

اختنا دارين كفت ووفت

ما تبين بعد اندليج مطاعم

 

[لبي قلبك يالغلااا]

والله كل مكان حلو بالكويت ابي اروحه سواء سوق او مطاعم او اماكن ترفيهيه مع ان كل مكان بلكويت حلو مثل اهلها وان شاء الله هالمعلومات راح استفيد منها للمرات اليايه اذا قعدت فتره اطول ويكون الجو تحلى و ابرد بأذن الله وماقصرتو يالغاليين[/COLOR]

 

[girl_in_abottle]

عاد على حظج الأسوقة امطفية المكيفات علشان توفر بالكرهبا

برة المحلات امقصرين عليه , و داخل المحلات حر مووت و إضائة قوية

بس اتمنى تتمتعين بالتسوق عندنا

فلا مودا is a must
و الصالحية
و الراية
دار العوضي
الثرية

هذيل للماركات العالمية الفاخرة

الفنار, المارينا , الآفنيوز , الكوت
يكونون للمحلات العادية مثل زارا و مانغو و شلاتهم

و حياج الله

 

[همس البحر]

حياج الله الساعه المباركه بين اهلج وديرتج.

 

[ورود الجوري]

حياج الله اختي بتنورين الكويت ,,,,


مدينة الترفيهيه ...و عندج المنتجعات وااايد حلووه ...خيران ....حديقة الشعب ....الابراج ....مركز العلمي ...

و اتمنى اكوون افدتج ...

 

[أم حمـــــودي]

حياج الله ابديرتج الثانية يا قلبي

 

[الله يرحمك بابا جابر]

حياااج الله العين اوسع لج من الدار ..

و ما قصروا البنات

 

[لبي قلبك يالغلااا]

حبايبي انتوا كلكم فديتكم وفديت الكويت والله اني فرحانه ان باييه الكويت للمره الثانيه وا شاء الله ماتكون الأخيره وشلون مااحب الكويت وفيها ناس مثلكم وشرواكم يااهل السنع والله ماقصرتوا بأذن الله الزيارة اليايه اقعد فترة اطول وأفتر بكل الأماكن اللي قلتوا لي عنها ويستغربون ليش احب الكووووووووووووويت كل هذا الحب!!!!!!!!!!!!! والله اني احبها من قبل وزاد حبي لها اكثر واكثر من بعد ماتعرفت على منتدى كويتيات لأن عرفت الكويت اكثر من خلالكم انتوا يااهل الخير والبركه بارك الله فيكم انتوا وامثالكم

 

[الله يرحمك بابا جابر]

حبتج العافيه يا قلبي و تنورينه و تشرفينه و اقامه سعيده ان شاءالله

 

[Miss Golden]

حياج الله حبيبتي والكويت ديرتج واحنا اهلج وناسج يالغاليه :tek:


البنات ما قصروا ماشاءالله عليهم..


بس الافنيوز الجهه اليديده اللي فتوحها فيها محلات راااقية واول مرة تفتح بالكويت ...


في اماكن رخيصة لو حبيتي و شغلات عملية بس المكان مو وااااو...

سوق السالمية.... فيه كل شي و ملابس على 5 دنانير تقريبا...

​

 

[عدسات ملونة]

لاتنسين تروحين سوق المباركية علشان تشترين الدرابيل والحلوى والرهش للاهل بس روحي له بعد المغرب علشان الجو حار بالنهار

 

[*مارلين_مونرو*]

عاد على حظج الأسوقة امطفية المكيفات علشان توفر بالكرهبا

برة المحلات امقصرين عليه , و داخل المحلات حر مووت و إضائة قوية

من متى صار هالحجي !! انا 24 ساعم منقعه بالسووووق ما شفت جذي !! الكهربا شغاله و الجو طبيبعي دااخل !!

عموما البنات كفوو ووفو و حيااج الله يا قلبي بديرتج الثانيه بتنورينا و ما عليج كل شي شغال و المجمعات مسكره و جوها يهبببل لاااا تحاتيـــن​

 

[kuwaitya-frawla]

البنات قالو كل الاماكن ووفو وحياج الله بديرتج الكويت

 

[لبي قلبك يالغلااا]

تسلمون ياقلبي ماقصرتواااا ان شاء الله الكويت دووووووووم عامره بوجودكم و بوجود اهلها اهل النخوه والكرم

 

[عـشـــ كويت ــقـــي]

امم اذا على الاماكن الترفهيه ..
عندج المركز العلمي عجيييييب لا يطوفج حسافه تيين للكويت وماتشوفينها ..
واذا عندج يهال او اخوانج صغار .. روحي حق حولي بااارك وااايد حلووو وهادي ويستانسون عليه اليهال ..

وعلى السوق .. الصراحه انا وحده مااحب السوق .. وماقصروا خواتي قالوا لج عن السوق ..

وفي بعد واايد مجمعات .. يعني لاتحاتين تشوفين السوق بكل مكان ..

 

[لبي قلبك يالغلااا]

والله ماقصرتوا انا ييت الكويت واستانست واستمتعت ورحت الأفنيوز والمباركيةوالسالمية والحمرا مول والمارينا والأبراج ومجمع المثنى لأنه كان مقابل الفندق اللي ساكنينه والباقي للزيارة القادمه وبيض الله وجوهكم من وصلنا المطار ليما رجعنا ديرتنا ماشفنا الا بياض الويه واللي مايعرف الكويت والكويتيين لازم يروح بنفسه ويشوف شلووون التعامل والذرابه والله احبكم والله لا يغيير عليكم ولا يغيير فكرتي وانطباعي عنكم اتمنى اتواصل معاكم بشكل دايم ومااتأخر بالرد بس مو بيدي غالبا مايشبك عندي فما اقدر ادخل المنتدى وهالمشكله بس مع منتدى كويتيات ممكن اقعد 10 ايام مايشبك عندي ليش مااعرف؟؟؟؟؟؟؟؟!!!