انتفاخات غريبة !

[ي حليليِ]

قوه بنات



انا عندي مشكلة يمكن تشوفونها صغيرة بس انا بصراحة حيييل مأزمتني

مشكلتي اني اعاني من انتفاخات برجولي وبيدي ووجهي
بعني احس ان رجولي وايدي مو رقيقة ، احس انها صلبة ويابسة مادري اذا فاهمين ولالا
بس طبعاً مو انتفاخ او ورم ! > لا مو قصدي جذي

بس مثل م تقولون تجمع سوائل الخ

وانا اشوف بنات سمينات حييل بس ماشالله ايدهم ورجولهم ضعيفة حييل




شنو الاسباب والحلول




وصصصصصصانكيو سو متشش



ي جعل اللي ترد تنخطب بهالعيد

 

[شربـــات لـــوز]

مافهمت لووووول
بس رفع لعيوونج

 

[ي حليليِ]

^ لا تعالي ي لوز الا تفهمين خخخ


لحظة !


شفتي بطة الرجل من تحت ؟ تحسين شوي منتفخة ، انا عندي منتفخة ويابسة يعني م احس برقة

يعني مادري شفيني املاح ولا شنو بالظبط ، سويت تحاليل مافيني شي والدكتورة قالت رفعي رجولج فوق


مو بس بطة الرجل احس يديني م تكون رقيقة وضعيفة ، احس مادري شلون



حتى وجهي
يعني الزبدة في اشياء او اكلات معينة تقلل نسبة الاملاح والغازات والهواء اللي بالجسسم ؟
لان الانتفاخ م يكون الا من هالاشياء



اه كتبت حيل ردي عاد ها.. خخ

 

[Om-Yosef 911]

انزين و اللي متزوجة و حامل

حبيبتي انا ما فهمت اشلون منتفخين

انتي متروسه؟ اذا انتي متروسه يمكن هذا شي طبيعي و انا وايد ناس اشوفهم مثل ما قلتي متروسين و ريولهم و اياديهم

ضعاف و هم في ناس تلاقينها مو وايد متروسه بس ريلها متفوخه و اييدها

كل جسم له طبيعته و اذا تبين نصيحتي روحي الطبيب سوي فحوصات يمكن في شي بجسمج مرتفعه نسبته عن النسبة

الطبيعية

و ان شاء الله ما فيج الا العافية :eh_s(7):​

 

[لوزين]

مادري شنو فيج بالضبط

بس للغازات اشربي كمون واشياء دافيه وخففي الملح بالاكل لانه يحبس السوائل بالجسم
وابتعدي عن الاشياء البارده واذا الجلد يابس حطي كريمات ودايم رطبي ايدج ورجولج


والله يشافيج يارب ويوفقج

 

[Om-Yosef 911]

على ما كتبت الرد شفتج حاطه ردج الثاني لووول

يمكن انج تاكلين اشياء تضرج و انتي ما تدرين عنها

انزين الفحوصات ما بينت ان عندج ارتفاع بالاملاح او شي ثاني؟

هل هالانتفاخات تروح و ترد عليج و الا من وعيتي و هالانتفاخات فيج؟

سالي امج او الحريم الكبار عن هالاشياء ترى يعرفون احسن من الدكاترة والا كلش كلش كتبي بالنت و سوي بحث عن هالشي اكيد بتلقين حل

و الله يخفف هالانتفاخات و يوخرهم عنج​

 

[M!SS.LOBY]

ما تشوفين شر ان شاءالله

 

[M!SS.LOBY]

رفع للعيوووونج

 

[ي حليليِ]

حبيبتي ام يوسف لا الانتفاخات من وعيت ع الدنيا
بس اهوا م تسمينه انتفاخ ،
ويمكن مثل م يقولون زيادة بالجسسسم !



اي جنه قالوالي كمون ، مشششكورة اللي ردت حبيبتي ففففففديت اللي فهمني :$



م قصروا عسى الله يحقق مرادكم

 

[مدّهره !]

أحس عاادي اللي تقولينه

الرجل والإيد فهمتهاا بس الوجه شلون يطلع وأنتِ ماتجلسين عليه >>> بنجلد ههههههههه

إذا كذا معناته وجهك ع طول فيه بروز ؟؟؟

..’


وأناا بسميك عجيز المنتدى ع هالدعاوي اللي تختمين فيها كل موضوع هههههههههه

 

[راقيه وجذابه]

امي نفسج بس امي زيادة امﻻح

سوي فحوصات وشوفي شيقولون وان شاءالله كل شي يصير مثل ماتبين يا احﻻ عروس

دعواتج ربي يعوظني بالزوج الصالح

 

[فـــخـــر]

صارررت فيني فترة متنت بس انحبس الماي بجسمي

واذا اكلت اشياء مالحه هم يرد لي اقطع الملح او اخففه ,

خففي الملح شوفي منه ولا .

ان شاء الله اكون فهمتج صح

 

[مقلعة]

اه بس نفس معانت امي -دعواتكم لها بالشفاء


امي معها روماتزيم واملاح
اي انا فهمت عليك يجي كانه قااسي


امي تروح عند دكتوره
وكمان تتعرق تجلس بمكان حرر او تلبس بجامه سونا
ققسسم يطلع منها مويا بالهبل

انتي روحي للمستشفئ واساليه اذ التعرق مناسب لك


انا قلت تجربه امي طامعه بالدعاء
ولا تسوي اي شي قبل استشاره مختص خااايفه ماتناسبك طريقه امي

 

[<miss botamba>]

دام التحاليل مافيها شي وتقولين هذا جسمج من اول ما انولدتي ليش تحبين تدورين المشاكل ههههههه قولي الحمدالله


خلاص هذي بنيه جسمج مستحيل تتغير الا اذا بتسوين شي اوفر

سواء تضعفين حيييييل او تسوين مثلا عمليه وتشفطين الشحم الزايد .. الخ


بس دام مافيج الا العافيه قولي الحمدالله وشغلي وقتج بشي ثاني





وادعيلي اتخرج مابي اتزوج

 

[حناينq8]

تم نقل الموضوع الي القسم المناسب

 

[ي حليليِ]

أحس عاادي اللي تقولينه

الرجل والإيد فهمتهاا بس الوجه شلون يطلع وأنتِ ماتجلسين عليه >>> بنجلد ههههههههه

إذا كذا معناته وجهك ع طول فيه بروز ؟؟؟

..’


وأناا بسميك عجيز المنتدى ع هالدعاوي اللي تختمين فيها كل موضوع هههههههههه

وربي يبيلك جلد تعالي تعااالي :rgewrg:
.



.



:23_asmilies-com::eh_s(13):










ههههههههههههه شسوي كل ماشفت توقيع وحدة ادعولي وادعولي استغليت الفرصصصة > :krkrkr:

 

[ي حليليِ]

محد فهمني ، اييه الله كريم


انا تسذا محد يفهمني *فيس يكسر الخاطر*


اتكلم ويقولون مافهمت ، >>>> :eh_s(11):




طيب الزبدة خلاص


ابي علاج للهواء والسوائل اللي تكون بالجسم واللي تؤدي الى تضخم بالرجل والايد ، مع اني ضعيفة وذء


اللي مافهمت لا تكتب شي ههههههههههه ، امزح امزح مشكورين حبايبي والله بوفقكم :eh_s(22):