انتي اهم ولا ..؟؟

[Patcholli]

مساء الخير ..

عزيزاتي المتزوجات ..

حبيت اطرح هالموضوع للفرفشه وتبادل المواقف والنقاشات مع بعض ..



هل تكنسلين عزيمة عشاء او سينما او جمعه مع صديقاتج عشان زوجج ..؟؟
لنفرض ان كان هالموعد مهم ومتفقه مع زميلاتج او اهلج من وقت طويل ان هاليوم بتطلعون او تتجمعون فيه .. وبنفس الوقت وبدون علم زوجج بهالموعد يقولج متظايق ومشتهي اطلع معاج ..
هل راح تتنازلين مواعيدج الثانيه عشان زوجج او راح تطلعين وتعوضينه يوم ثاني ..؟؟

وبالمقابل هل كان زوجج عند زوجج موعد او مشوار مهم وكنسله عشانج ..؟؟
هل كنسل روحة مخيم او سفره او روحة حداق عشان شافج متظايقه او ودج تطلعين او مريضه مثلا ..؟؟


هل صار موقف مشابه حسسج انج من اول الاولويات بحياته ..؟؟


بنتظار مشاركاتكم الحلوه :eh_s(17):.. ​

 

[شادن33]

انا اكنسل اي واااايد صلرت
اهو لا

 

[ماني من الناس]

انا اخبره قبل بمده اذا فيه طلعه مع رفيجاتي عشان يكون بالصوره واهو اللي بيوصلني طبعا

اما اهو صار مايحب يطلع مع ربعه وايد انا اقول له اطلع تغيير جو لايقولون خذيته وخشيته خخ

فقمت انظم طلعاتي مع رفيجاتي بنفس وقت طلعاته مع ربعه

يوصلني اذا مطعم مثلا ويروح لربعه وبعدين ياخذني

اثنين في واحد

 

[ام فتوته]

طبعا اكنسل علشانه

 

[زين ودلال]

اكيييييييييييييييد اكنسله لو شنو كان

 

[الأميرة جوري]

انا اكنسل علشانه ...واهو احيانا اذا مو اموووووور مهم وانا اقدر

 

[Qataria elegant]

انا مريت بهالمواقف من قبل هو مره كان صديقه زايرنا من بلدة ثانيه وهو متفق يطلع معاه بس كنسل علشاني وانا احيانا اعتذر من صديقاتي علشانه بس يعتمد لو مثلا كنت انا عازمتهم ببيتي او انا صاحبة العزيمه حتى لو مطعم انحرج انني اكنسل العزيمه...
بس عادي ياما سويناها لان طبعا بالاخير هو الاهم عندي
اذكر مره كنت طالعه معاه من الظهر يعني تغدينا برا وكنت عازمه صديقتي على عشا ويوم قلت له تضايق شوي لان ما كان شبعان من الطلعه وكان وده نطول شوي في المول...

 

[دلوعة صلوح]

عادى انا مرات اكنسل دوامى عشانة واهو مرة كنسل سفرة مع ربعة عشانى .. بس عوضها بعدين
وسافر هههههههههههه

 

[قلبـــهـ]

لمن اصير معاه ابـ بيت واحد اقلج

دعواااااااااتكم

 

[tmtmt]

اما طبعا اي
اهوا مرات اذا كان اساسا ماله خلق يطلع

 

[popa]

انا بصراحه اكنسل مواعيدي مع رفيجاتي لان زوجي الاهم واهو الي بيدوملي مو اهم
واذا اهلي متفقه معاهم على موعد او طلعه راح اشوف هل طلعتهم ظروريه؟ او لا اذا شي مهم اكيد ماراح اطوف مناسبات او شي جذي
لكن اذا بس جذي اقعد مع ريلي احسن
هل زوجي يكنسل مواعيده معاي؟
على حسب اذا شي مهم او لا

 

[صمت المرافئ]

هل تكنسلين عزيمة عشاء او سينما او جمعه مع صديقاتج عشان زوجج ..؟؟

ممكن وبسهوله أكنسل بس ما أذكر انه طلب هالشي

هل راح تتنازلين مواعيدج الثانيه عشان زوجج او راح تطلعين وتعوضينه يوم ثاني ..؟؟

اي عادي ممكن أتنازل وأغير مواعيدي ومشاويري علشانه
وحصل هالموقف أكثر من مرة

وبالمقابل هل كان زوجج عند زوجج موعد او مشوار مهم وكنسله عشانج ..؟؟
هل كنسل روحة مخيم او سفره او روحة حداق عشان شافج متظايقه او ودج تطلعين او مريضه مثلا ..؟؟

اي وايد حصل ...
مرات يكون بيروح حداق والا لربعه ويكنسل علشاني
من يشوفني ضايق خلقي يقول لي قومي نطلع
أو مريضة يهون عن الطلعة
الله لا يحرمني منه

هل صار موقف مشابه حسسج انج من اول الاولويات بحياته ..؟؟

الحمد لله دائما يحسسني إني من أولوياته
وما يقدر يعيش من دوني ...
وأنا كذلك :friends:... الله لا يغير علينا
الحمد لله
​

 

[اخت خالتهم]

صارتلـي مـرتين و كنسلتها وطلعـت معـاه
عـادي بالعكس تكبرين بعينه و بيكنسل عشانج طلعـات

 

[كريزية]

ريلي وبيتي ماخذين 90% من حياتي
واكنسل طلعاتي عشانه شالمشكلة
وياما صارت .. ومفروض الاهل والصديقات يقدرون لان انا اقدر
واهو نفس الشي يكنسل عشاني

 

[[[ عيون جابر ]]]

اكنسل كل شي كرماله فديته

 

[ElN00R]

لازم يكون عنده علم بالاول واذا بس بيخرب علي لاء اروح معاهم طبعا
بس اذا بحسن نيه ومايدري معاه لان هذي ماتحصل اصلا لول

 

[Tauoofa]

اااااااااب

 

[PuPa^^SWeeT]

اكييد اتنازل

اتقولين فيه ضييقة و يبي يطلع وياااي



بالعكس سييدة اكنسل اقوولهم باجر ههههههههه

 

[تباهي]

:eh_s(2)::eh_s(2):عادي انا عني عشا رد اسبوع اختي ما رحت له عشان اهوا مضايق بس من سابع المستحيلات يكنسل روحت مخيم ولا ربعه عشاني على العكس لي شافني مضايقه هدني وطلع

 

[ام كوثر2007]

انا طلعاتي مو كثيره صراحه بيتوتيه بشكل كبير

بس انا معودته من بدايه حياتي انه لو كان عندي التزام بطلعه مع ااالاهل او الاصدقاء لازم اعطيه خبر قبلها بجم يوم عشان ما يحرجني ولا يحرج نفسه

واكيد لو حصل يعني ولو انه طول عمري ما حصلت معاي اني اكون مواعده ناس ويقولي كنسلي فيه الخير لول

اكيد بكنسل واقعد اجابله

بالنسبه له اهو صراحه رايته بيضه

يعني لو كان يبي يطلع مكان معين مثلا واكون تعبانه حيل يوديني الطبيب ويجابلني بس انا اقوله خلاص روح دوانيتك مثلا


بس لمن يكون مثلا بالبر او الشاليه حرام اعنييه لمن يطيح واحد من اليهال مريض اطق سيارتي سلف وادق عليه اقوله بوديه المستشفي مثلا

ليش يتعني من درب بعيد عشان روحه طبيب

الوحده بعد لازم تقدره عشان تلقي تقدير اهي بعد

يعطيج العافيه حبيبتي علي هالموضووع