انتي موظفه ومو متزوجه عيل تعالي قوليلنا شلون تقسمين معاشج

[توته أم غمازه]

قوه بنات طبعا الموضوع واضح من العنوان انا موظفه ومو متزوجه ومعاشي يطير بسرعه مع انه مو شويه على شنو ماادري مع ان ماعندي مسؤوليات فحابه اعرف الموظفات اللي نفس وضعي مو متزوجات شلون يقسمون معاشهم وهل يدخرون منه ولالا وهل يحددون مبلغ معين حق كل شي يعني ابي طريقة كل وحده بالتفصيل عشان تستفيد وتفيد ياليت تتفاعون وياي:eh_s(8):

 

[MISS88]

والله آنا متزوجه بس دخلت إذا ممكن

ترى الراتب طاير طاير يختفي
بس المشكله ماتدرين وين

شوفي الأجانب يعرفون الفلس وين راح
واحنى خلف الله علينا عشرات تتطاير
الله كريم

 

[غلاتي الكويت]

انا مو متزوجه


وما عندي اقساط الحمدالله ابوي يدفع لي قسط سيارتي الله يخلييه لي


يعني معاشي صاااافي كله حقي


واهم يطييير تخيلي اخر 10 ايام ما عندي ولا فلس


على شنو ما ادري


سويت استقطاع وما نفع وياي من يخلص معاشي اسحب من حساب التوفير


دخلت جمعية ادفع 100

استلمتها وطيرتها كلها على شنوو ماااا ادري



شسوي


لازم نيمع لنا جم فلس

 

[توته أم غمازه]

MISS88
افا عليج ممكن ونص حياج صاجه طاير طاير بس عالاقل انتم تقطون بالبيت على عيالكم اما احنا معاشنا صافي لنا وهمن يطير

فجووورة
انا تقريبا نفس وضعج ماعندي مسؤوليات ومن نص الشهر اعلن افلاسي
لازم نيمع حق المستقبل بس شلون اذا للحاضر ماعندنا

 

[غلاتي الكويت]

شنسوييي يعنيييي


والله لازم نيمع

 

[كيوت_25]

بالنسبه لي

فقصه توفيري موجوده بهالرابط

http://www.q8yat.net/showthread.php?t=3809&page=4

اقروا مشاركتي رقم 138 و اتمني انكم تستفيدون منها :eh_s(7):​

.

 

[غلاتي الكويت]

ما شا الله علييييج كيوت خووش تفكير


عسى وفرتي ؟


يلا انتم السابقون ونحن اللاحقوون


ان شا الله ببدي اطبق اللي كاتبته

 

[الجــادل]

انا موظفه

ومو متزوجه


وراتبي ما يبقا منه شي


ودي اوفر بس ماكو طريقه

 

[بتبوتااا]

انا مو موظفه بس ريلي مسويلي استقطاع
من معاشه على حسابي والله يطيراول بأول خو حريم لازم سوق
طلعات مطاعم !
والبقيه تأتي

 

[كيوت_25]

اي و الله فجوره حمد الله وفرت مبلغ حلو :eh_s(9)::eh_s(15):

بس غيرت جزء من خطتي :eh_s(20):

بدال ما اشتري ارض بعمان راح اكتتب بالاتصالات و ان شاء الله يرزقني و يرزق الجميع :eh_s(8):

قولوا آميييييين​

 

[غلاتي الكويت]

اميييين كيووت

 

[طوق البنفسج]

نفسكم عالبركه ... مادري وين يروح

 

[GAP]

والله يا خواتي انا استخدم طريقه الرسامه ما قصرت... معاشي مو من كثره بس الحمدالله قدرت اوفر مبلغ

انا عندي التزامات لازم ادفعهم غير لازم اشيل مبلغ حق يداتي ولازم مني شويه ومني شويه الله يخليهم ان شاء الله.. واللي يبقى اشيل منه مصرفي واحطه بظرف واخلي لي مبلغ عنونووووووو بالبنك ادخار

واذا صار ظرف ولا لاسمح الله شي عندي مبلغ بالبنك... نصيحه لازم تخلون.. انا المبلغ اللي احطه صغير كلش ... بس فادني وايد بملجه اختي كنت شايله هم النفنوف والمكياج لان الخطبه والملجه صارت بسرعه بسرعه ورا بعض باقل من شهر

انا ملاحظه لما بطلت استخدم الكي نت قل صرفي ... ولاحظت بعد اذا كنت مخططه على شنو بصرف يصير الصرف اقل.. انتو بعد قعدو بينكم وبين نفسكم وشوفو شلي يخليكم تصرفون من غير ما تحسون

 

[كيوت_25]

والله يا خواتي انا استخدم طريقه الرسامه ما قصرت... معاشي مو من كثره بس الحمدالله قدرت اوفر مبلغ

انا عندي التزامات لازم ادفعهم غير لازم اشيل مبلغ حق يداتي ولازم مني شويه ومني شويه الله يخليهم ان شاء الله.. واللي يبقى اشيل منه مصرفي واحطه بظرف واخلي لي مبلغ عنونووووووو بالبنك ادخار

واذا صار ظرف ولا لاسمح الله شي عندي مبلغ بالبنك... نصيحه لازم تخلون.. انا المبلغ اللي احطه صغير كلش ... بس فادني وايد بملجه اختي كنت شايله هم النفنوف والمكياج لان الخطبه والملجه صارت بسرعه بسرعه ورا بعض باقل من شهر

انا ملاحظه لما بطلت استخدم الكي نت قل صرفي ... ولاحظت بعد اذا كنت مخططه على شنو بصرف يصير الصرف اقل.. انتو بعد قعدو بينكم وبين نفسكم وشوفو شلي يخليكم تصرفون من غير ما تحسون

الله يوفقج يا غااااااااااب

و أمااااااااااانه بوسيلي يداتج

الله يطول بعمرهم و يحفظهم لكم

أنــا أموووووووووووت بالحريم و الريـيــايـيـل الكبار :eh_s(6):​

 

[كاكاوة سايحة]

سوي نفسي
فتحي بالبنك حساب ثاني غير الحساب إلي ينزل فيه معاشج و قولي لهم بس ينزل المعاش (آنا ينزل كل يوم 21من الشهر) قصوا منه مبلغ إنتي تحددينه (10دينار أو 200 أو حتى 50 دينار بس) و يحطونه بالحساب الثاني
و أهم شي إنج ما تسوين حق هالحساب لا كي نت ولا فيزا ولا شي علشان ما تسحبين منه شي ...وخليه لما يتراكم و بجذي وفرتي .
بس آنا بصراحة ساعات أنضك و احول لي مبلغ من الحساب إلي أوفر منه لين الحساب إلي اصرف منه على نفسي ....بس ليش إن شاء الله ناوين نسافر فماسكة نفسي علشان أوفر حق السفر بصراحة ضيقة خلق سفر بدون لا تتسوقين و تصرفين .... فالحمدلله يمعت لي شوية.

أما من ناحية تقسيم الراتب إنسي ....عمري ما قسمت ... أصرف على حسب حاجتي ....يعني آنا الأيام إلي طافت كنت مشتركة بدايت كير فجزء كبير من معاشي يروح عليه ....بهالحاله أصرف على دايت كير و أخفف من باجي المصاريف علشان ما أفلس مرة وحدة.

 

[GAP]

بعد عمري كيوت... يداتي يسلمون عليج ويبوسونج بعد

 

[أحلى الجياكر]

السلام عليكم بنات

أكثر شى يبارك فى الفلوس : الصدقة ...لو 10 دنانير كل شهر ..قليل دائم ولا كثير منقطع ...هذا شى ..الشى الثانى ..تمدين للأم أو الاب مبلغ و قدره ..أو تشترين شغلة لهم ..لو شى بسيط ...كافى دعائهم بالبركة ...الله يخليهم لنا ..
بعدين ...لو المعاش 500 فرضا ...
100 مصرف إيد ( مطاعم - جمعية - سينما - مجلات )
100 حق السوق ( هدوم و غيره)
100 ( تلفون و التزامات ثانية )
يبقى من المعاش ( بعد هدية الوالين و الصدقة ) حوالى 140 دينار .....
100 توفير ..
40 طوارىء ( هدية - تصليح سيارة- طبيب -مساج )
و هال 40 أذا ما أنصرفت ...ما تنجاس ..تروح مع التوفير
و أى زيادة بالمعاش ..إستانسو فيها شوية ..جم شهر بس ..تالى أنسوها ..و ضموها للتوفير .


يمعوا مبلغ حق وقت التنزيلات ...وقت التفتيحات ..حق السفر ...

تمتعوا بفلوسكم ,,,بس لا تنسون تيمعون ..الدنيا محد ضامنها ترا ....

 

[GAP]

عدل كلامج... وصاجه نبهتيني على موضوع الصدقه... بارك الله فيج

 

[كيوت_25]

بعد عمري كيوت... يداتي يسلمون عليج ويبوسونج بعد

الله يــسـلـمج يا الغـاليـه و يـسـلــمـهــم مـن كـل شــر :eh_s(8):​

 

[!! شوق !!]

انا مثلكم ,, بس تووني موظفه بستانس شوووي عقب بحووش

لكن ناويه اخلي مبلغ صدقات <<<<<< مانقص مال من صدقه

ووو اووفر لانه طبعي ماحاسب بالصرررف يعني معاشي 100 صرفتها كلهااا
500 صرفتها كلهاااااااااااا ماكو ميزانيه معينه ,, لكن الواحد مايظمن ظروفه ,, قلت بجمع لووو بسافر اووو بغير سيارتي يكون عندي مبلغ يساعدني ,,


طبعااا بفتحلي حساب منفصل عن حساب المعاش ووو احط فيه ,, وبالنسبه للاسهم فكره حلوه لكن يبيلها طوووله بال ولين احتجتي فلووس صعبه تبيعينها بسرعه
وبس