انت سهل واذا مو عاجبك كلامي ارقع راسك فالطوف

[ليلو جبريت]

من اول ماتفتحنا على هالعالم واهالينا دوم يقولون ان حلاة البنت ثقيلة ودوم يافلانه ثقلي
يا فلانه ركدي والبنت الي لها علاقات متعدده مع الشباب او الي ميته على ابتسامه او نظرة من ريال وتمشي وتوزع ابتسامات نقول عنها سهله

فلانه سهله لان مابقى حد ماكلمته

فلانه سهله لانها تضحك للشباب

فلانه سهلة لانها تتغشمر مع زملائها

فلانه سهله لان بسرعه ينقص عليها

والمشكله ان اغلب الريايل يقولون نفس الكلمة عن البنات الي من هالنوعيه وحتى لو كانت ماتقصد شي بس يقعد مع ربعه ويقول فلانه سهله

نرجع لمحور حديثنا
مره كنت اتكلم مع اخوي لصغير << هو ماعنده كيري ميري بس ابي اعرف وجهة نظره كرجل
عن هالموضوع وطبعا من طبع الريال ان يتفاخر بعدد النساء الي يعرفهم والي قدر يخدعهم ويقعد مع ربعه ويقول انا عندي هالكثر صور بنات في تلفوني وهالكثر ارقام واعرف فلانه وفلانه

ويسمونه كزنوفا او ان صج ريال لان قدر يلعب على البنات

فانا اقول للشخص الي جي يافلان انت سهل لانك ماتقدر تقاوم البنات واي بنت تبتسم لك تصير مثل الثور تركض وراها

يعني انت سهل وعصب اخوي واحتج لكن صج اي ريال متعدد العلاقات ريال سهل لان مايقدر يقاوم الجنس الناعم

يعني مو لازم يقولون للبنت بس تثقل لازم الريال بعد يعلمونه هالشي و ان الريال المتعدد العلاقات رجل سهل لان سهل خداعه
يعني انت يا ابن ادم سهل واذا مو عاجبه كلامي يرقع راسه فالطوف


فاي وحده يقول لها خطيبها او حتى حبيبها انا كنت اعرف فلانه وفلانه بس تركتهم عشانج خل تقوله اسمحلي انا ما ارتبط بريال سهل


واحلى مايك لكم
​

 

[روحي تحبكJ]

يعطيييج العافيه مواضيعج روعهــ
للامام دائما ....

 

[ツ Βαbŷ Fąčę ツ]

والله هالنوعيه يبطون جبدي يعني شالحكمه شالونآآسه بالموضوع !!
ريآل أنت المفروض تصير سنع شهم تكآنه مو يقعد يتركضلي وره هالبنآت
جنه خروف !! والله بعضهم مآعنده هدف غير يتحرش بهالبنآت يطلع عشآن هالشي !!
وفي ريآييل لآ شآفو بنت ينثولون أمبيه مو لهدرجه صج صج يغثوون
والله لمن أشوف ريآل يمشي بحآله سوآء ويه مرته أو لأ ومآ يتلفت يكبرر بعيني احسه صج ريآآل

 

[درة أهل الطولات]

صاجة لولو

يعطيج العافيــهـــ

 

[كرز حالي.]

امممممم
شوفي اهوا قبل ماكان يعرفج علشان يحبج ويخلي كل شي عشانج
وطبيعي الولد يحب يتعرف عالبنات وممكن يتفاخرون صح
لكن اذا حب بنت وترك علشانها احد ثاني فهذا بعد ممكن
وشيجميل انها قدرت تنسيه الباجي
واهي مالها حق تحاسبه عن الماضي

 

[صمت مشاعر]

حلووووووووووووووووووووو ردج
عجيب

 

[ليلو جبريت]

امممممم
شوفي اهوا قبل ماكان يعرفج علشان يحبج ويخلي كل شي عشانج
وطبيعي الولد يحب يتعرف عالبنات وممكن يتفاخرون صح
لكن اذا حب بنت وترك علشانها احد ثاني فهذا بعد ممكن
وشيجميل انها قدرت تنسيه الباجي
واهي مالها حق تحاسبه عن الماضي

لو هي قالت له انها كانت تعرف فلان وفلان وتركتهم عشانه
جان قالها سمحيلي ماراح ارتبط فيج لانج سهله حتى لو ماسوت شي معاهم

مظلووومة يابنت حواء مظلوووومة ​

 

[ليلو جبريت]

وشرفتوني بردودكم ​

 

[malte]

صاااااااااااااجه والله
ولا فيه ببعضهم البنات مستحلين راتبه ومن يعرف له وحده الا قط الراتب عليها على ابو انه انا ولدنعمه
ههههههههااااااااي والله انهم مساكين ومايتوبون عارفين ان البنات ايون حق فلوسهم وهم مايتوبون!
شر البليه مايضحك
الحين نعرف ان البنات هم قاموا يقصون على الصبيان وياخذون ماوراهم ودونهم:rerrerek:
والصبيان صاروا مقصات وياما سمعنا عن صبيان سوو روحهم بنات بالماسن ولا بالموبايل وخذو كل الي يبونه من هالريايل المقصات:krkrkr:
واطلقوا على هالحركه مسمى(خرفنه) يعني البنات تلوه وراهم مثل الخروف
يعطيج العافيه ليلى احب فلسفتج في الحياه:eh_s(7):

 

[Tom ♥ Jerry]

.,



صآجه ! البنت الي تستلم حق ريال سهله
و العكس صحيح !

مشكورة ليلى (=

​

 

[ياليل مااطولك]

كلامك روعه طبعا الكلام لطرفين اكيد يعني الرجل والمراه

 

[ام هلال]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مو معاج بهالحجي ...اي بنت تعرف شبابا واجد

اكيد بتكون سهله

 

[ليلو جبريت]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مو معاج بهالحجي ...اي بنت تعرف شبابا واجد

اكيد بتكون سهله

صح كمج لكن الكلام ماينطبق عليها هي بس ينطبق على الريال بعد
اقراي الموضوع كامل عشان تتضح لج الرؤية

 

[شوقني ياشوق]

صح
اي رجال متعدد العلاقات سهل وخفييييييف
باختصار رجال موثقيل وما يقدر يسيطر على نفسه
ااااخ راح زمن الرجال اللي تطالع بالارض لامرت على حريم من زود الحشمه والاحترام والاخلاق
الحين العين هالكبر على البنت والحرمه والعجوز وحتى الهنديات يطالعون فيهم
زمن اقشرررر

 

[ليلو جبريت]

وهاي قصة للي مافهم محور الموضوع

[font="arial", "sans-serif"]جلست ُ انظر إلى ملامح وجهه وهو يتكلم عن ماضيه وانجازاته ، حسام ابن الجيران منذ صغري كنت اعلم بعلاقاته النسائية المتعدده والتصق به لقب "كازنوفا" لسنوات طويلة ، كان يفتخر بعلاقاته النسائية التي شملت قائمة هائلة من النساء وقدرته على جذب الفتيات إليه ، لم تسلم فتاة من شباكه العنكبوتية وكن يتلهفن على حبه بإعتباره رجل يفهم النساء وتحاول كل واحده منهن اصطياده حتى تتباهى بانوثتها التي قيدته وجعلته رجلا ً آخر ولكنه كان شديد الذكاء ، يمتص دم ضحيته ثم يتلاشى كالضباب .[/font]
​

[font="arial", "sans-serif"]مضت السنين وكنت خارج البلاد للدراسة وعدت و أنا أحمل الشهادة ، صادفته عدة مرات عند خروجي ودخولي المنزل وكان يتبعني بنظراته ويبتسم كلما رأني لكنني صددته بعنف ولم اسمح له بالإقتراب مني فهذا النوع من الرجال لايستهويني أبدا ً.[/font]
​

[font="arial", "sans-serif"]حاول بشتى الطرق جذبيِ وكلما ازدادت محاولاته زاد صدي له حتى تقدم لخطبتي ورحب والدي به رغم سمعته السيئة مع الفتيات إلا أن والدي قال إنه رجل يجيد التعامل مع النساء وأخلاقه عاليه مع معشر الرجال وكانت مرحلة في حياته و انتهت " مجرد شقاوة عيال ". [/font]
​

[font="arial", "sans-serif"]تتابعت زيارات حسام لمنزلنا وكنت ُ اجلس معه صامتة و أنظر له بطرف عيني حتى تركنا والدي ذات يوم لوحدنا فقال لي وهو يقترب مني ولعابه يسيل كذئب متعطش للدماء " أنت ِ الوحيدة التي استطعت تقيدي بشباك الحب"[/font]
​

[font="arial", "sans-serif"]فقلت له "وما المميز بي حتى اقيدك ؟ أنا فتاة عادية " فقال وابتسامته تزداد اتساعا ً "أنت ِ فتاة من الطراز الثقيل ، فتاة نادرة الوجود لاتعير الرجال اهتماما ً وأنا ابحث عن ها النوع لاستقر معه طوال حياتي"[/font]
​

[font="arial", "sans-serif"]فأجبته ُ "ألم تجد هذا النوع من قبل فأنت َ متعدد العلاقات " فقال متباهيا ً بفحولته "أن النساء هن من يركضن خلفي أنهن سهلات يتعطشن لأبتسامة مني " ، حاولت تذكيره بعدة فتيات من نساء الحي فبدأ بسرد ماضيه بفخر وكيف كن سهلات لايستطعن مقاومة سحره .[/font]
​

[font="arial", "sans-serif"]فقلت له " ان الرجل في عصر المساواة كالفتاة و أرى انك رجل ُُ ُ سهل تغرك الابتسامة والعين الحالمة وتستطيع اي امراة جذبك إليها فأنت لاتقاوم النساء كما يبدو وعلاقاتك لاتدل على قوتك بل على ضعفك وقلت حيلتك أمام جمال النساء ، فأنت خدعت نفسك وخدعوك بهذا الوهم الذي تتفاخر به . [/font]
​

[font="arial", "sans-serif"]ونهضت من جانبه وانا انظر له بقرف " اسمح لي فانا ارفض الارتباط برجل سهل وأنت كما يبدو سهل .[/font]
​

[font="arial", "sans-serif"]ومنذ ذلك اليوم وهو يتجنب النظر إلي كلما صادفني .[/font]
​

 

[عطورات المطيري]

رووعه ياليلي موضوعج دايما مميزه
ونا معاج موبس البنات خفاف حتي الشباب فيهم مرض ماتصدني بنت لازم اجيبها
ووويع والله شبابانا صاارين مهبل واحدهم يمشي عبالها الدنيه بتوقف له من زود جماله

 

[ليلو جبريت]

نورتوا بنات

 

[miss-toota]

انا قاعده اشوف انها وجهة نظر حلوه وتسكت كل الريايل اللي بس يتحجون على بنات خلق الله

ويتفاخر بالغلط اللي يسويه حسباله اهو صح والبنت غلط

تسلمين على موضوعج الحلوو

 

[جوانا2010]

صح كلامك كلهم سوا الله يهديهم

 

[Tutti-Frutti]

اي والله صح كلامج
حتى الريال خفيف وسهل لان مايقدر يمسك نفسه جدام البنت وما يكلمها
حتى لو على لعب
بالنهايه اهو قاعد يكلم بنات
لو على حب جان عذرناه