انخفاض أسعار العقار

[روح انسان]

بنات حبيت نطرح هالموضوع
وخصوصا انه له اهميه كبيره
مثل ما انتو ملاحظين انه أسعار العقار نزلت من بعد القانون الجديد وهذي فرصه كبيره وما تتفوت وانشاء الله ينزل أكثر من جذي وهذا اللي متوقعينه
بس السؤال : هل راح تصعد العقارات مره ثانيه للأسعار الخياليه اللي كانت
وياريت للي عندها مصدر موثوق وتفيدنا بهذي المعلومه
للأهميه

تعقيب على موضو (بنات ابي اشتر بيت)

:eh_s(8):

 

[الجود طبعي]

يارب ما تصعد الاسعار حلمي أشتري بيت يضفني أنا وعيالي وفرصة جاينا رمضان يابنات الله الله بالدعاء

 

[شيهانه]

الله كرييم ...

 

[xxx]

العقار نزل بس مو وايد

 

[DooNy]

المناطق الداخلية أسعارها ثابته ما نزلت والخارجية انزلت نزول بسيط
الله كريم

 

[enter]

المناطق الداخلية على حطتها مانزلت ولاراح تنزل....واللي نزلت اشوي عاى حد علمي العقيلة....
والله يرزق الجميع

 

[^^نـــواره^^]

اسعار العقارات نزلت لكن تدرون شنو اللي ارتفع ارتفاع يبط الجبد؟؟ اهيا اسعار مواد البناء يعني ما طاح الا انبطح

 

[مرت حمد]

العقار نزل صح بس مو وايد يعني ما يسوى نزلته توقعت انه ينزل اكثر

 

[y7lok_7loho]

شلون اعرف اذا العقار نزل ولا ما نزلل ؟؟؟

 

[اسرار الغلا]

مااشوفها انزلت

 

[Queen-q8]

العقار نزل شي بسيط

بس النزول هذا ما راح يفيدنا لان اساسا مرتفع ارتفاع خيالي اذا نزل حتى 20 الف ما كو فايدة لان القرض مال التسليف 70 والارض بروحها مع هالنزول فوق ال 120 الف اللي موقعها مو شيء ومساحتها 375 م

ومنين انييب 120 اذا القرض ما يطلع الا لما تشترين الارض ؟؟

ثانيا البيوت كانت فوق ال 200 واذا نزلت وصارت 180 يعني شتفرق همن ما نقدر ؟؟

بصراحة فقدت الامل وما اظن الا اذا صارت معجزة ونزل فجأة وهالشيء شبه مستحيل لان العقار يمرض بس ما يموت ؟؟

مالنا الا الحكومة وهالحكومة مو راضية تتحرك يعني يمكن 20 سنة اذا كان بتطلع لنا اراضي الله كريم

 

[سبائك]

آآآآآآآآآه يالعقار

والله في احتمال كبير يرد يرتفع على حسب الاخبار

وحتى لما نزل ماقدرنا نشتري حتى طابوقه العين بصيره والايد قصيره الله كريم

 

[وحده فاضيه]

من وين لج الخبر انه بيرتفع؟؟

 

[أسرار الطبيعة]

علاقه طرديه
كلما هوت البورصة كلما انخفض العقار
هبوط الدولار= ارتفاع الذهب
الناس ما عاد عندها فلوس تشتري كاش
لا البنك المركزي بقراره الجديد يسمح حدد سقف محدد للفروض ( ولعل قانون المتعثرين آخره ) فالبنوك ما راح تسلم المواطن قرض كالسابق يصل لسبعين الف ربما
والناس في ضايقه بعد أن هوت أسعار اسهمهم
إذا قل الطلب وكثر العرض
فهو آيل للإنخفاض ، لكن في مناطق محدد ونزول خفيف للبقية
ورغم نزول في العقار إلا أن الإيجارات ما زالت مرتفعه ..
وشخصياُ أفضل أن أشتري قصر على بحيرة في سويسرا من أن أشتري بقيمته بيت مافيه حوش ولا موقع يذكر وفي جو رطوبة وغبار في فصل الشتاء
صحيح ديرتنا ونحبها لكن أقعد في شقة بمجمع فخـم وراقــي ومطله على البحر..، ولا أشتري لي عقار بنفس تلك القيمة ..
وبالتوفيق للجميع

 

[نور الفنر]

بنات الحين اشلون العقار عقب ازمة البورصة ؟؟؟؟؟ في احد متابع ؟؟؟

 

[& أم جمال &]

والله ماكو فايدة من نزلتة قبل 9 سنوات كانت البيوت 85 لو يأخذ الواحد 15 ألف عادي لكن ألحي أقل بيت 120 يعني يبيلنا 50 ألف من وين يا حضي الله يكون بالعون أعتقد إلي رفع سعر العقار قلة المشاريع الإسكانية

 

[طوق البنفسج]

بنات الحين اشلون العقار عقب ازمة البورصة ؟؟؟؟؟ في احد متابع ؟؟؟

الاراضي الاستثماريه انزلت بحدود 6 الاف دينار للمتر يعني قبل كان المتر ب 16 الف الحين صار ب 10 تقريبا

بس الاراضي السكنيه نزولها طفيف و المناطق الداخليه اصلا ما تاثرت نفس الاسعار مع انخفاض الطلب عليهم طبعا

المناطق الخارجيه تغيرت تغير بسيط بس بعد مو الي ناس تبيه ..

و اليوم مؤشر السوق اخضر .. ان شاء الله اتعدل الامور

و الي يقولون مواد البناء ارتفع سعرهم .. هالمعلومه غلط المواد نزل سعرها واايد و الحديد بروحه يفرق حول ال 100 دينار و بعد كل ماله و ينزل الانه ماكو طلب و خاصه انه في مشاريع حكوميه راح يتم ايقافها الانه ماكو سيوله .. فا المواد ان شاء الله راح تنزل بعد

 

[الغاليه نونو]

الله يبشركم بالخير بس مادري تقصدون العقار من ضمنهم شقق الاجار؟؟؟؟؟؟ <<<< تحاتي هههههههه


لي يومين الف علي شقه والله عورني قلبي حييييييييييييييييييييييييييييييل كنت ساكنه بشقه عالبحر اشزينها قبل سنتين ب 280 ورحت قبل 3 شهور تقريبا اسأل قال لي الحارس اكو شقه فاضيه بنفس العماره تصوروا سألته بجم قال صارت ب 380"



اليووووووووووووووووووووووووووم رحت اليوم رحت قلت خل امر اشوف يمكن مع طيحة البورصه الاجارات طاحت جان يقول لي الحارس صار الاجار ب 400"


هالاسعار بعماره وحده حق شقه وحده نظاام واحد كل الشقق غرفتين وغرفة خدامه واكرمكم الله حمامين ومطبخ وصاله"

وتقولون العقارات طاحت من وين ياحسره

 

[أميرة الحلا]

لا طاح العقار ولاهم يحزنون
بالعكس قاعد ترتفع شلون مادري!!!!!!!!!
مع العلم ان العقار بكل دول العالم نزل الا احنا ليش ؟؟؟؟؟؟؟؟؟؟

 

[sHa6o0ra]

بكل دول العالم طاح العقار وطاحت البورصه ,, بالكويت لما طاحت البوصه خافو يطيح العقار وحطو قانون التملك حق الخليجي

يعني الحين اذا عالاقل عشر الاف خليجي بيشترون بيوت بالكويت بتطق الاسعار فوق زياده

وذاك اليوم واحد من اهلنا سال دلال (سمسار) يعطي دورات بالعقار وعنده خبره يقول الاسعار تنزل بالمناطق البعيده ,, اما العاصمه انسو تنزل لان مسالت عرض وطلب العرض شويه والطلب وايد شلون تنزل الاسعار ؟

الله كريم انا على وشك اني افقد الامل