انشالله بروح أمريكا بعطلة الربيع وأبي مساعدتكم

[eng.3anoona]

السلام عليكم

حدددددددددكم شوقتوووني وشيشتوووني أروح أمريكا
حنيت على ريلي وانشالله في موافقة مبدئية

أبي مساعدتكم وانشالله ما راح تقصرون معاي

اول شي بغيت أعرف شنو إجراءات الفيزا ؟؟
وسمعت انهم راح يسألون عن المكان اللي بروحله ووين راح أسكن
يعني لازم أحجز قبل لا أطلع الفيزا ولا شنو ؟؟

انا بصراحة مو ميمعه حق السفرة من قبل .. توني قررت
عشان جذي ما عندي ميزانية
أبي أروح أستانس وبنفس الوقت بدون مصاريف زايده
يعني اللي تعرف شقق نظيفه وأسعارها زينه جان زين تقولي
وشركة تأجير سيايير رخيصة .. انا بروح وريلي بروحنا يعني راح نحتاج سيارة صغيرة حييل

أبي منطقه حلوة ومو مكلفه وايد

وجان زين وحده حلوة منكم إذا تقدر تخططلي حق هالسفرة
وتقولي شنو لازم أسوي من الألف إلى الياء
ويعطيكم ألف ألف عافية

 

[عنود الريم]

شوفي حبيبتي .ان فبل رمضان طلعت فيزا ................................اجراتهم حيل سهله.ومريحه...........بس قبل ما تروحين .احجز ي اي شي ...........يعني مو صج....
واكتبي وعبي بياناتج.....الي تلاقينهم في موقع السفاره الامريكيه ...واطبعيهم ...وخذي موعد هم .من الموقع..........
وادفعي قيمه الفيزا للبنك؟؟؟؟؟؟؟؟؟؟؟؟وخذي كل اوراقج كامله ...................والموضوع حيل سهل......
ارخص مكان لحد علمي فلوريدا...........السكن فيها وايد رخيص...................والبنات ماراح بقصرون.....دشي المواضيع الي كاتبينهم البنات وايد مفيده...............وسفره موفقه ...................

 

[موكاq8]

الله يهنيج ودي اسألج مرت اخوي تعرف كل شي هناك وبقولها ترد على موضوعج

 

[eng.3anoona]

مشكووووووووووووورين حبايبي ما قصرتوا

عنود الريم حبيبتي شلون يعني أحجز أي شي ؟؟
ما فهمت عفيا شرحيلي أكثر
قوليلي انتي شنو سويتي بليز

وموكا حبيبتي جان زين والله
لأن أبي أسافر حدددي متشوقه وأبي أحد يساعدني عشان أستانس

 

[eng.3anoona]

اشدعوى وين باجي البنات

يالله قولولي قبل لا يهون ريلي
ترى يا ويلكم

 

[$غــ(ز)ــل$]

اول شي تدشين موقع السفاره الامريكيه بالكويت
تدشين صوب اجراءات الفيزا
في بيانات لازم تعبينها وعقبها تطبعينها راح يعطونج كود نمبر حفظيه
عقبها تدشين على حجز المواعيد مالت مقابله الفيزا وتحطين الكود وعقب يطلعلج التاريخ والايام اختاري اليوم والوقت اللي يناسبج وحجزي موعد

وتلقين بعد كاتبين شنو الاوراق المطلوبه اللي لازم تاخذينها معاج للسفاره

ولازم تروحين بنك برقان تدفعين لهم 40 دينار حق كل جواز
ولازم تكونين مجهزه صورتين لج ولزوجج
روحي المصور وقولي ابي صورة حق فيزا مالت امريكا اهم يعرف شنو المطلوب لازم تكون الخلفيه بيضا والوجه سيده واذا لابسه نظاره تقطينها والزوج يكون مولابس غتره


ولازم يكون معاج وقت المقابله

-عقد الزواج

- الصور

-نسختين لكل جواز سفر

-رسوم الفيزا من بنك برقان

-شهادة راتب لج ولزوجج

-كشف حساب

-صور البطاقه المدنيه

-صورة النموذج اللي عبيتوه بموقعهم

-صورة الموعد اللي حجزتيه بالانترنت

(طبعاا الموذج واحد تعبينه لج وواحد تعبينه لزوجج وحتى الموعد تحجزين واحد لج وواحد لزوجج)

بالنسبه لتقرير الراتب + كشف الحساب مودايم يطلبونه بس انتي اخذي احتياط

وراح ياخذون منكم لي خلصتوا المقابله مبلغ 6 دنانير جنه رسوم توصيل الفيزا والحوازات لبيتكم


ووقت المقابله لاترتبكين راح يسالونج شويه اساله ليش بتسافرين
وين بتسكنين يعني عادي سهاالات


وان شااااءالله ماكون نسيت شي

 

[dreaming heart]

اول شي كم المده الي رآح تجلسون فيها

بالنسبة لأجراءات الفيزة الصراحه ماعرف عنها شي بالكويت لاني من السعودية
بس الحين سهالات الحمدلله

انتي ناوية على كاليفورنيا او فلوريدا

الصرآحه ثنينهم عجييبين حييل

بس اورلاندوا اقرب لج بالنسبة للأماكن السياحية مثل ديزني والسي وورلد واليونيفيرسال

واسواقهم شحلاتها تخمينهم خمم طبعا هذول كلهم بأورلاندو

لو تبين كاليفورنيا الدزني بصوب والسي وورلد بصوب

بالنسبة للفنادق والله رخيصة حيل
احنا ماناخذ الا غرف بس

وصرنا نحجز عن طريق موقع
بالصراحه يووفر عليكم مصاريف الفنادق
ووفر علينا فلوس شكثر يعني كنا نسكن بفنادق راقيه وبأسعار حلووه

واذا انتي ماعندج ميزانية ولا تبون مصاريف انصحج تحجزين من هالموقع
طبعا انتي تحددين السعر الي تبينه واهو يدور لج على فندق
وتحددين كم نجمة تبين وتقدرين من هالموقع تأجرين سيارات بالسعر الي تبينه بعد وتحجزين تذاكر داخليه
يعني هالموقع لو استخدمتيه رآح يوفر عليج فلوس بس اهم شي تحطين اسعار حلوه وتناسبج واهو رآح يلاقي لج

وهذا هو الموقع
http://www.priceline.com/default.asp?refid=PLMSN&refclickid=Priceline_New_309

بالنسبة لشركة السيارات احنا نتعامل مع ناتشيونال
آممم الصرآحه مادري عن اسعارهم بالضبط
بس آحنا كنا نستخدم آرآمكوا كود وطلع علينا ارخص بوايد
بس كنا ناخذ سيارة لسبع اشخاص يعني اكيد راح تكون عليكم ارخص لو انتو شخصين

نصيحه لا تكثررين شنااط معاج بتتوهقين وهقه فيهم
لان سوقهم ماشاءالله من حلاته ورخصه بتاخذين الاكو والماكو

ووقت رحلتج وايد حلوو بعطلة الربيع الجو شحلاته ويفتح النفس والاشجار وردي واخضر وبرتقالي يعني وقت مناسب صج

رحلة سعيدة ان شاءالله

 

[عيش و مرق]

مشاله البنات كفوو ووفو

كلفورنيا حلوه وكشخه بس غاليه بالنسبه حق فلوردا اورلاندو اذا مو امجمعين انصحج بفلوردا ارخص وفيها وايد مجمعات الى اذكره ميلينيوم هذه كشخه وماركات وميسيس هم فى ماركات وفى عادى كاجوال وانتى سالى هناك الرسبشن بعد نسيت والله بالاضافه حق دزنى واستوديوهات يونفيرسل والجى ام جى