انصب من هالمحل ما شفت "اوديسيه"

[kukuwa]

تعاسة الحظ و خيبتنا جرونا الى محل اوديسية لتنجيد غنفة واحده , وانا اليوم من القهر قررت افضحهم وافضح سوء تعاملهم وجذبهم معانا , على بالهم ان احنا اراقوزات يضحكون علينا نسوا ان السمعة مهمة لاي محل بالديرة تم استغفالنا 3 اشهر واهم يقولون لنا باجر الساعه 8 توصل لكم البيت ويجي باجر ومانشوفها وفوق ال6 مرات نروحلهم المحل وننطر زباينهم يروحون علشان مانفضحهم بس والله متحسفة قد شعر راسي ليش ماتكلمنا جدامهم ونحشناهم المهم اليوم رحنا واصرينا ان يطلعولنا الغنفة الحين وقعدنا فوق الساعه عندهم اخير شي قالنا خلاص الغنفة بالمصنع وقلناله نروح المصنع ماوراااانا شي وتوهق البطل وقال مافيش ونش يجيبه واحنا دبرنالنا ونش وقال خلاص انا ادفع للونش وعطانا عنوان المصنع ومشينا ورا الونش ودانا منطقة عزااابيه وحاطين الغنفه برا المحل وشكله قاعدين ومادري شمسوين عليها ويوم يه الونش بيتنا قال صاحب المحل قال خل راعي البيت يعطيك فلوسك لابارك الله فيك ولا بمحلك يا حسين كاكولي ماشفنا منك ولا من عمالك خير حسبي الله عليكم من ناس اكلتوا فلوسنا بعد ما وثقنا فيكم وخذلتونا , حلفتوا بشهر رمضان انكم مسوينها و تقول شايفها بعينك مغلفينها خالصه يعل عينك ياكلها
الدوود قولوا امين

 

[!الجادل الصعب!]

عآدي محلآت الاثآث نصب وحنآ سآكتين ..
اختي الصغيره لهآ 6 شهور مفصلين لهآ غرفه ..
للحين مآ شفنآها ..!

 

[جروح ودموع]

الله لا يوفق كل واحد ينصب على الاوادم حسبي الله عليه

 

[Tom ♥ Jerry]

,


ويييييييييع ذكرتييني بآثاث آختي !
آمبييييه نفس سالفتج كل يوم ابوي يدق عليهم يزفهم مآ صارت اثاث :/ !
قالو شهر و خالص .، صار 3 اشهر يالله يابوهم عقب طلعه الروح
وبعد مآ كلمنآ صاحب آلمحل بكبررره :/ !
خو اذا في ضغط عليكم شكو تستلمون طلبات :××


الله يعينج ,,!

 

[ZoOka]

حبي الله عليهم
صارت فينا في محل الدار الذهبيه فصلنا و خصلنا و اخر شي يابولنا قنفات مو نفس اللون اللي نبيه و اردى خشب ,,,,,,,طبعا الوالد ماقصرررر شرشحهم وبرد جبده فيييييهم و اخر شي سووو لنا عادة تصنيع =) ويابوهم

 

[khawla&tito]

االله يعين !

 

[دلع العتبان]

من صجج انتي اقوى من الضجيج شنو؟ يوم انكسرت الكنبه ولا صناديق طماط حاطين مو خشب

خخخخخخخخخ والله لاتقولين حبيبتي الغش منتشر بكل مكان ​

 

[q8y-moon]

ابيه خرعتوني عاد احنا مسوين غنفات وعندنا استقبال تاريخ 9 الشهر عسي ما يسوون فينا دقه

 

[queenbeeuty]

الله يعينك

 

[kuwaitya_zoGaa]

بنات فى شى اسمه حمايه المستهلك
اتصلو فيهم واذا عندكم الفاتورة احلا واحلا
والله بتشوفونهم ينخون واهمه اللى يدقدقون عليكم مو انتو