انصحوني بميونخ

[ياسمينه حمراء]

أخواتي أنا زوجي قلقان ويحاتي ومتخوف توعاً
ما.. عنده عمل بألمانيا ( ميونخ ) وبروح معاه ووقت
الصباح بيكون طالع للمركز اللي فيه المؤتمر وانا
بالاوتيل وبين الاوتيل والمركز ربع ساعه

وش تنصحوني هل وضعية الاوتيلات هناك تخوف
طبعاً الاوتيل بيكون ان شاءالله هوليدي إن

اللي عندها اي ملاحظه تقولي وأخترنا بالتحديد
هالاوتيل لقربه من مكان العمل

 

[ياسمينه حمراء]

إيه صح نسيت اقولكم أنا اول مره اطلع اوروبا
هل احد واجه مضايقات بالنقاب؟

 

[ياسمينه حمراء]

رفع

 

[ياسمينه حمراء]

:bbbiu::bbbiu:

 

[mo0on-q8]

ميونخ سوق يعني خلي عندج ميزانيه للسوق

بالنسبه لنقاب والله اذكر مره وحده معانا بالقروب وااايد تأذت بس مو بميونخ بدوله ثانيه

 

[shosho26]

هلا حبيبتي انا ناويه السنه اروح ميونخ فقاعده اجمع معلومات عنها الي عرفنه انه وايد خليجين يصيفون هناك فاكيد شايفين نقاب بس الارياف يستغربون منه بس ترا المعلومه ماخذتها من النت ماني متاكده من الصحه انا اعرف ناس اذا سافرو قطو النقاب ويلبسون عبي بيج او كحلي لانه قبل واجهتهم مضايقات وسالو شيخ فيها بس الافضل لاتطلعين بروحج الله يوفقك وان شاء الله تستانسين واذا مطولين روحي زلمسي بالقطار ساعتين يمدحون البحيره هناك وبالصيف علا قوله الراوي انا مارحت بس يقولون كله مدات ومطاطير جاي والبرقع والبطوله عادي هذا يكون يوم الاحد فقلت الاحد ان شاء الله بروح هناك

 

[القصيدة]

السلام عليكم و رحمة الله و بركاته

ميونيخ روووووعة و آمنـــة و الألمان شعب محترم و جدّي و يحبون المساعدة

بس ميونيخ فيها 12 هوليداي إن ,, أي واحد فيهم اللي راح تسكنون إن شاء الله ؟؟

إذا فيه مجال الأفضل تسكنون في السنتر اللي هي ساحة مارين بلاتز أو قريب منها حتى تقدرين تطلعين تتمشين و تسوين شوبنق و زوجك في عمله

موفقين يا رب :eh_s(7):

​

 

[ام مهاوش]

النقاب عادي جدا بميونيخ اصلا متعودين عليه خصوصا بالصيف
بس صاجه الاخت اللي قاالت اي هوليدي ان لانه في اكثر من واحد

 

[ياسمينه حمراء]

هوليدي إن stud
هذا الفندق

يعطيكم الف عافيه بنات وماقصرتوا
واللي تعرف الاوتيل تفيدني فيه

 

[دلوعة أبوهآ]

ميونخ من أحلى المدن اللي زرتهآ
آمان ونظآفه والاهم انها شوبييييييييييييييييينق ..


عليكم بالعافيه السفره

 

[فاطمه اشكناني]

انا كنت ساكنه بهولدي ان بس حبيبتي في وايد هوليدي ان اتوقع 4 انا كنت ساكنه م ماين بلانتز عجيب وتقدرين تروحين مشي السوق والديره امان لا تحاتين ولا تخافين وودي معاج ميزانيه لان سوقهم عجيب ودج تاخدين كل السوق وفي محلات رخصه ومحلات غاليه لا تحاتين شي انشالله روحي استانسي بس

 

[ميممآإ]

حبيبتي انا العالم رحت لها في اكتوبر وكان عندهم احتفال اسمه فرست اكتوبر وهذا الاحتفال عباره عن سكر × سكر يعني 24 ساعه العالم سكرانه وتشرب الصغير قبل الكبير
ما ارتحت فيها كلش قعدت يومين ولا طلعت من الفندق والسبه شعبها شعب كريه حيل حيل ويخوفون واغلب وقتهم سكارى
عاد مدري عن وضعهم ب الاوقات الثانيه بس معروفين الألمان همج حتى عند الاوربين

 

[حـلا و ذوق]

هلا حبيبتي .

انا سكنت بالهوليدي ان في ميونيخ . موقعه ممتاز اذا اهو نفسه ..

لان تحته مترو .. يوديج كل مكان وطريقتهم سهله وايدتروحين كل الاماكن بدقايق اظن محطتهم اسمها روز ..

وترى المسوءل اهناك عربي مصري .. وايد حليو ومتعاون

والديرة امان .. مامنها خوف واصلا من 7 كل السوق صاك