انصحوني ميزانيتي 2000 اي دوله اروح انا وزوجي

[خذاني الشوق]

بنات انا بخاطري اسافر بعيد زواجي بشهر واحد يعني اسبوع او اسبوعين بالكثير ميزانيتي 2000 ابي 1000 تذاكر و1000 مصروف بالتسوق شنو تنصحوني

 

[& ام سلمى &]

روحي لندن الحين هم عندهم تنزيلات وحلو جوهم بعد

 

[منااي]

اي والله انا نفس حالتج ودي اروح اسافر وميزانيتي تقريبا 3 الاف مادري تكفي ولا لا

 

[اصايل]

اذا حجزتي مبجر تحصلين تذاكر رخاص شوفي لندن وايد حلو سوقها هالايام وبالنسبه حق المصرف والسوق انتي تتحكمين فيه على حسب ميزانيتج
واذا تبينها تكون ميزانيتج راهيه روحي دبي

 

[! أم الغاليين !]

/

حبيبتي تبين تستانسين صج روحي لندن
تسوق تمشي مطاعم كلللللللللللل شي
رهيب بمعنى الكلمه
حبيبتي التذاكر ماتوصل1000 اذا انتي وزوجج الا اذا بتحجزين لي معاكم :ggdw:
اول شي فري على خطوط الطيران تتفاوت عندهم اسعار التذاكر
اذا وصلتم هناك ااجري شقه لاتروحين فندق عشان ماتخلص فلوسج ووتتوهقين:0bee2e8d89:
بعدين امشي على نص 12 لاتطوفج الخصومات
واذا تبين شي حاضرين:68_asmilies-com:

 

[معشووقة السفر]

اشدعوه حبيبتي 1000 تذاكر ترا وايد
روحي لندن او تركيا والسكن اتحصلينه رخيص بموقع حجوزات دوت كوم والتذاكر متوفر بكل الخطوط الغالي و الوسط والرخيص

 

[¤§ زيتونة §¤]

حبيبتي


انا طبعا ارشح لج تركيا

كل مناطقها تهبل تقدرين تاخذين جولة في مناطقها من فوق لي تحت وباسعار حلوة

وفيها البراااد والثلج والجو الحلوووووووووووووو

وتذاكرج انتي وريلج ما توصل حتى 500 مهما غلت
واهي الديرة نفسها تلاقين فيها كل شي تبين للتسوق وكل منطقة بتلاقين شي غير عن الثانية

وعندج اوزنجول خو هذي عالم ثاااااااااااااااااااااني ما تصدقين انج فيه سبحان الله ابدع في خلقه هناك



وانتي شوفي اللي يريحج وحسب رغبتج دولة اجنبية ولا اسلامية


وسفرة سعيدة ان شاءالله

 

[خذاني الشوق]

مشكورين بنات وماقصرتووا نخدمكم ع الافراح انا اقصد 1000 مع التذاكر والسكن

 

[خذاني الشوق]

صراحه حطيتوا براسي لندن وتركيا متردده فيها

 

[¤§ زيتونة §¤]

لا عيل خليج على تركيا ارخص من لندن دام بس الف وحدة هههههههههههههههههه
لان لندن اساسا تذاكرها حتى اذا رخصت فهي غالية



جيكي عالديرتين بجم وتوكلي على الله


ولا تنسين لازم توفرين عشان المشتروات



موفقة حبيبتي

 

[yam_yam]

حبايبي شلون السوق بلندن الحين ؟
عندهم اشياء حلوة ؟ انا رايحه لها بالصيف بس الحين مادري شلون جوها

 

[خذاني الشوق]

مشكورين بنات وماقصرتوا وعسي الله يسعدكم دنيا واخره

 

[JellyBelly]

روحي لندن لانه تركيا ماتسوى اوكي طبيعه بس غالية عالفاضي بصراحة اذا تبين حده قده على فليساتج ودولة تسوا طبعا ايطاليا اذا تبين ارخص شوي منها اسبانيا بس سوقهم جدا جداااا عادي بس في مجمع انا استانس عليه باسبانيا رخيص وتحصلين شغلات

لندن غالية بس سوقها حلو ويسوا بس اشتري من المحلات اللي ماعندنا منها لانه مرات اتيين الكويت وتنصدمين انه مشالله منزلين تقريبا نفس الشي وصارت معاي على ماركات عادية من طقة نكست وغيره فاخذي من هارفي وهاردوز .... الخ

 

[@Miss Dio@]

اختي لندن غاليه ماتكفيج هالميزانيه بصراحه وسوقهم حلو راح تتعب نفسيتج 1000 دينار تشترين فسها جنطتين بس انا رايي روحي تايلند او ايطاليا واسبانيا او ميونح هالاماكن حسب انتي تبين ثلج ؟ وبعدين وايد يمدحون سالفه الكروز وارخص لج بعد ممكن باسبوع اكلج وشربج واقامتج ب400 دينار جربي مو خسرانه

 

[ام _خلودي]

انا اقولج حبيبتى اذا انتى بتروحين ذكرى زواج انصحج

بزيلامسي اخيييييييييييه شىء شىء خيال

والسكن والتذاكر والسياره راح يكونون حرووت الف دينار طبعا لمده 10 اياام

اذا تبين انا اساعدج وادورلج حجز تذاكر وسكن وسياره وانتى تحجزين بس ها كل ماحجزتى ابجر كان
احسن

 

[brettey]

تكفيج حق لندن اذا بتقعدين اسبوع الحين التذاكر نازله خو تذاكر لندن ب 300 الا يعني تلاقين ب 250 او 270 بهالحدود والسكن فنادقهم غاليه اخذي الي تصير ليلتها ب 50 او 60 اتوقع تحصلين و1000 تكفيكم باذن الله مواصلات واكل وسوق على الخفيف اذ تبين سوق زيدهم 500 وخليهم حق المواصلات والاكل وال 1000 حق السوق لندن سوقها قوي وحلو وعندهم الرخيص والغالي
موفقه

 

[*يارا*]

حبيبتي باريس او برشلونه وايد حلوه بالهوقت فيها اماكن رومانسيه وبعد التسوق حلوو
وعموما أوربا هالوقت دائما عندهم خصم
التذاكر ممكن تحصلينهم لج ولزوجج بين 300 و 500 دينار حسب الطيران
ارشح لوفتهنزا إذا بتروحين برشلونه
والقطريه إذا بتروحين باريس ممكن أول شي تروحين يورو ديزني يعني 4ايام وايد حلوة مو شرط حق يهال وايد حدايقها والعروض والتمشي ومكان المطاعم حلوة ورومانسيه بعد ويمها اوت لت حق التسوق كله ماركات عليها خصومات روعه توصل إلى 90 بالمئه
وبعدين تروحين باريس 4-5 أيام
واعرف فنادق حلوة وراقيه بالمنطقتين تقريبا سعرها 40 باليله
واذا حبه إي مساعدة او استفسار انا على اتم استعداد
بالتوفيق

 

[Samurai]

اوروبا بشهر واحد بارده حييييل .. ما تسوى .. لو تخشين فلوسج لشهر خمسه على الاقل ويمكن بعد تزيدينها شوي بالهفتره اتوديج اوروبا .. انا سفرتي بشهر 6 اللي طاف لسويسرا وفرنسا 12 يوم شامل كل شي من تذاكر وسكن وتاجير سياره واكل ومصرف كلفتني اقل من 2000 دينار لشخصين .. كان سعر التذكره عليها عرض وخذيناها ب 150 دينار للشخص

او روحي ماليزيا .. بصراحه كانت رحلتنا رومانسيه وحلوه .. وتصلح لذكرى زواجكم .. والاسواق مبطله ل 11 بالليل وسهر وتمشي ..
عكس اوروبا كل شي مسكر على 6 العصر والمطاعم 9 بالليل .. والشمس للحين ما غابت ..

وسلامتك

 

[aLreeeM]

samurai ماشاالله شلون حصلتو التذكره 150 ابلاااااش !! اي طيران ؟

ووايد اطلعت سفرتج رخييصه اذا بسافر المره اليايه بستعييين فيج اتضبطيني

 

[Samurai]

هلا الريم .. اي كانت عرض على الخطوط الهولنديه .. Klm وبصراحه كانت عروضهم حييييل حلوه .. بشهر 4 و 5 اللي طاف ..
انشالله بنزل تقرير عن سفرتي وشلون وفرنا ..