انصحوهم شنو اسوون احسن من الي صار لرفيجتي المسكينة!!

[شمعة البحرين]

هاي بنات
شنو تنصحون البنات فيشنهم اكون يوم الفحص
مادري اذا الموضوع تكرر لان مادورت ولا جفت بنفس الوقت
لانه صايرة سالفة لرفيجتي عن جد كسرت خاطري ولو انها اهيه الغلطانة
يوم فحص زواجها كشخت بس على اوفر حطت وايد ميك اب وكعب ودفة اخر موديل وعفسة ولما ارجعت من المشفى ع طول اتصل لها خطيبها وفشلها
اقولها ياية حفلة ولله شنو اصلا صايرة جيكرة خخخ:bbbiu:مسكينة
انتو شنو تنصحون بناتنا اسوون بلهيوم
اذا قلتو لهم لاتحططون شي ترا محد بطاوع اهيه بتروح اتشوف خطيبها مب راعي البراده:eh_s(15):
خلونا ننصحهم
انه عن نفسي هذاك اليوم لبست عباية راقية وفي نفس الوقت ناعمة وكعب متوسط وخاتم وساعة بس ماكثرت اكسسوار والميك اب بما ان اموت على البلاشر وضحته بويهي وبودرة وقلوس:eh_s(22):

 

[جنزبيلا]

مسكينه ماتسوى عليها
عموما الفحص الصبح حلاته نعومه عبايه ذربه + حمره وردي باهت ومسكرا مو اكثر من جذي
وطبعا اذا لزم الامر يكون خفيف مو طق طق لاخر الممر
مممم وشنو بعد شنو مممم

مادري انا كنت مستعده اخر شي ماشفنا بعض لول رايحه باخر دقايق بيخلص الدوام لووول

 

[بنوته ستايل]

شدعوه عليها مكياج اوفر..
لا بنات بليز هدوو لاتجون من اقصاكم ع اساس بيشوفني بالعكس ولله لي شافج جذي اول مره طالعه من بيتكم مكياج اوفر وكعب اخر المستشفئ يسمعج ولله ينقد عليكم فشله..واكيد معاها اهلها فشله من اهلها بعد..
لا انا عن نفسي منقبه حاطه عدسات بني غامج بس تعطي لمعه ومسكره وكحله خفيفه ع طرف العين وحطيت قلوس شفاف<<تحسبن لاي ظرف
وكعب عادي مو عالي حيل وعبايه مرتبه<<وكان الله غفور رحيم

ويسلمو صاحبه الموضوع

 

[شامبو]

انا رحت بشي عملي

بجنز و هودي و بوت بث

لا مكياج و لا شي

 

[زامليه وافتخر]

لا لا شدعوووا مكيااج اوووفر


والا تقوولكم ماحطيت نقطه مكيااج وي شاافني علي طبيعتي احلي

بعدين فششششله بينقد علي

 

[شمعة البحرين]

انه من رايي ان البنت لاتكون اوفر ولا اتكون كلش رايحة بجلحتها
حتى اذا بشرة البنت حلوة علاقل اتخط كحلة او قلوس
بعد الخطيب بجوفها خخخخخ

 

[مآني على خبرك]

البسي نظارة ولا تفصخينها ، شوفيه بس لايشوفج

 

[سويت فانيلا]

وي شدعوه مكياج خل تلبس شي سبورت وعملي انيق

 

[Judy . abbot]

انا يوم الفحص لبست بدله ناعمه
وحطيت مكياج ناعم كزيم اساس بلشر ظل ملون تحت عيني ومسكرا وحمرره لحميه
وكنت لابسه نظاره عشان اقدر اخذ راحتي بالخز خخخخخخخ
بس طلعت مو خوش خطه مع النظاره هم استحيي وما لبستا الا شوي بسرعه وصلنا هههههه

 

[خلطات المذهله]

خليها تهتم ببشرتها عشان النضاره وتحط مكياج نااااعم سيمبل لان الريال بينصدم من طبقات المكياج من اول مرة

 

[fatf00ta]

ذكرتيني بما مضى طلعت من غرفه الفحص ومنزله نقاابي نسيت لا البسه ههههه
بسس الحممد الله ما انتبه لي ... حلات البنت تكون بالفحص نعومه ولا تحط مكيااج وايد ..

 

[a7la Maryooma]

لا غلطااانه مو من صجهاا فوول ميك اب على الصبح من له خللق

وبعدين الموضوع يوتر حيييل مراح تعرفين تحطين شي لووول

انا عن نفسي كان بشتا اللي طاف وكنت لابسه مانتو وبوت اذكر كاان بررررررد وكنت حطه بس كريم حمايه ومسكره وقلووس بسسس اذكر يومها بغيت امووت من الخووف واهوا يخززززز :eh_s(22):

 

[العجميه سبشل]

الحمدالله انا كان الفحص بدوامي ضبطت البنات يسوله فحص قبلي ولما خلص دقوا علي ورحت بدون مايشوفني بس انا شفته
لان كنت مريضه وشكلي مايساعد

 

[جهراويه توته]

يارب يسر الامور لكل العروسات المؤمنات

 

[^غرام^]

امبيه من صجها فشـله !!!

انا اذكر رحت سهرااااانه لبست عبايه وساعه وحطيت روج لحمي وماسكارا ورسمت حواجبي

 

[كلي هداوه]

هههههههههههه ل ليش اووفر
حلاته نعوومه
انا كنت لابسه عبايه ونقاب وكحله عالخفيف وماسكراا
وكانت طلعه صباحيه

 

[قمر كويتي]

خليها ناعمه مثل ما اهي يعني لا تهول بعمرها

 

[beren saat]

ماله داااعي فللل ميكب فشششله

رسمه حاجب وكحله بسيييطه ومسكررا وقلووووس وبسس

مع عبايه مرتبه وساعه وبدووون كعب الطقطقه

 

[يقول احبج]

انا ما حطيت شي ابد عشان متنقبه وما ايبين مني شي
وعبايه راس ولبست كعب بس مو عالي حيل متوسط

 

[Arwa AL-O]

الله يهديها غلط انها كاشخه زياده عن اللزوم
لازم تكون ناعمه وعلى طبيعتها
عبايه كعب قصير بدون ما يطلع صوت
وكريم مووو اوفر مجرد انه يصفي البشره
مسكره خفيفه وقلوس وممكن بلشر يكون حيل خفيف ​