انصدكت بزوجي ...

[غلاوي85]

السلام عليكم جميعا .... شلونكم ؟؟؟


بنات ابي مساعدتكم تكفون شوروا علي .

انا صارلي متزوجه اربع شهور بس وقبل كم يوم احتجت لاب توب زوجي ولما كنت اشتغل عليه شفت المواقع اللي دخل عليها قبل جم يوم ...
انصدمت ؟؟؟؟؟؟؟؟؟؟؟؟؟؟؟؟؟؟؟؟؟؟؟

ما صدقت اللي شفته لقيته يدخل مواقع مو زينه ويشوف صور وافلام اعوذ بالله منها و انا متأكدة ان الاب توب محد يستعمله غيره

بنات انا للحين ما سويت ولا قلت شي بلعتها وسكت بس احس انه صار يلوع جبدي صرت احس انه انسان وصخ قليل ادب ولا يستاهلني مو قادرة انسى اللي شفته بنات تكفووون ساعدوني شسوي ؟؟؟؟؟؟؟؟؟؟؟؟

 

[حديث التوت]

النت داء العصر .. وبلوتج يا خيتي منتشرة والكل يعاني منها
لا تفكرين اتبينين له انج دريتي عن شي ودايما ذكريه بربه وبالصلاه
وارسلي له رسائل دينية على موبايله ... وحاولي ترتقين في كلامج معاه
وفهميه بطريقه غير مباشره ان العين تزني مو بس الجسد ... وعطيه فرصه ترا والله يخيتي لج الأجر في صبرج عليه
والله يهديه يارب

 

[السما الزرقا]

الله يهديه ويبعد عنكم بنات الحرام

 

[Ba$ko0oTa]

حبيبتي الصراااحه ما الوومج لما تسوين جذي
بس ما عليه حاولي انج ما تخلين بخاااطره شي
ترى والله نزوه والشغله ماكو ريال بالدنيا ما سواها ولا شافها
مرده بمل
بس انتي اتشطري وترسي عينه
وادعي من ربج يهديه ويسخره لج
وعشاان يحرم قعدي جداامه واخذي الاب وحاولي انج تسوين رووحج بتدخلين على موقع وقووليله امبيه شنو هذااا شنو اللي طلعلي خليه يختبص ويخااف يعني يبيها على بو مو اهووو وانج واثقه فيه خوفيه من رب العالمين
انتي وشطاارتج وشوفيه شلوون بحرم
والله يسخر زووجج ويبعد عنه الحرام

 

[cat^q8]

دربالج تبينين له انج دريتي


وهذا راح يفيدج

http://www.q8yat.net/showthread.php?t=605368

 

[الفراشة]

صح كلام جديث التوت ساعات الريال من كثر ما ادمن على الافلام الوصخه و هو عزوبي يستمر يشوفها بعد فتره بينيله حتى لو اذا طلعت لقطه بفلم عادي غيري القناة و كلميه عن اثر زنا العين و عقابها عند الله و الله لا يقول اذا باجر يبتي عيال شياللي يضمن لج ما يشوفون هالشي بسبته لازم يكون الوازع الديني موجود

 

[جروح الحب]

ما اقدر اقولج الا الله يهديه لج
انشالله البنات يفيدونج

 

[فوفو22]

رد : انصدكت بزوجي ...

اقولج وبكل ثقة

مع الوقت رح يترك هالشي

معظم الشباب يصير فيهم هوس الافلام الاباحية ومواقع التعارف وغيره

ومع الزواج يبتدون يخفون هالشي حسب فراغهم

وبعد وقت واحساسهم بالابوه وانشغالهم بالحياة الجاده العملية مع تقدمهم بالعمر ايضا

يروح تدريجي هالامر

بالنهاية يرجع الامر الى الوازع الديني


حاولي تعطينه مساحه اكبر من الحوارات الهدافة اللي يتأثر منها ويترك كل معصية

فوفو

 

[الاميره وبس]

انا طحت على زوجى يشوف مثل ماتقولين
عادى جيت وهاوشته وقلت له انصدمت فييك ايش القذاره الى تشوفها
ومسحت كل الافلام الوسخه الى كان يشوفها
قال انا اسف ولا راح اعيدها عادى قولي له اذا هو متفتح ومثقف
اذا غير كذا لا تفتحين الموضوع معاه
والله يعيينا نقعد بس نتصيد اخطائهم ونراقبهم الله يأجرنا يااارب

 

[غلاوي85]

بنات انا الحين لايعه جبدي منه مو قادره اكلمه ... ونفسيتي عليه صفر ولا احب اشوفه الوصخ

ودي انسى اللي شفته بس وربي انصدمت

 

[TeAcHeR_BeZaRiN]

رد : انصدكت بزوجي ...

صارحيه وبيني انج منصدمه ومنارفه صدقيني راح يستحي من نفسه


وانا اعتقد ولله العالم لانه توه معرس كان يمكن مسوي سيرج عشان يتعلم اكثر عن الحياة الجنسيه وشاف الفديوات وطاح فيها على ابو يتعلم لله العالم

المهم انتي لا اتكبرين الموضوع بينج وبين نفسج بس بينج وبينه كبيري الموضوع وبيني بالاخير انج راح تسترين عليه ومنتي قايله لاهلج عشان يحس انه مربوط من رقبته لان مديون لج بهالشي العظيم

بس بالبدايه ومع البجي قولي صدمتني ابوي لو يعرف راح ينصدم اكثر بس جذي عطي اشارات عن اهلج وانه يوم اسألو عنك حيل ارتاحو لك وحبوك

قوليله انت ترضى بنتك تاخذ واحد يسوي الي انت تسويه !!

فلمي شوي واعتبريها قرصه عشان يتوب

 

[سارووونه22]

الله يهديه ويسخره لج

 

[السفيره جوجو]

رد : انصدكت بزوجي ...

الله يهديه ان شاءالله

انصحيه و واجهيه

قوليله هالشي مو زين وعقابه كبير

انصيحه وارشديه باسلوب طيب

والله يهديه لج يارب

ادعيلي الله يحقق الي في بالي

 

[قوس المطر]

الله يهديه انشالله و يبعدعندكم الحرام