انظمتي الغذائية مع الدكتور طالب الشمري

[MaDnEsS]

هاي بنات اشلونكم ؟ طبعاً هاذي اول مشاركه لي في المنتدى وحبيت اني افيدكم معاي لاني مثل ما احب الخير حق نفسي احب الخير حقكم
انا عندي جم نظام غذائي للدكتور طالب الشمري وعن تجربتي الشخصيه
النظام الاول : عباره عن :
اول ما اقوم من النوم عالريج بطل ماي + نسكافيه بالحليب او جاي بالحليب
بعدها عالساعه 10 عباره عن صمونة الفيصل / كاكاو وسط اي نوع / عصير اي نوع
الغدا : 3 شرايح توست مع 1 همبورجر او 1 تركي او 1 مرتدلا + جبن سلايس + طماط خس خيار جرجير
بعدين العصر نفس 1
العشاء :1) سلطة + 2 ) قطع جبن يعني يكون حجمها نفس حجم جبن الكيري + 2 برتقال
2) سلطه + 2 بيض + 2 برتقال
3) كميه مفتوحه من البرتقال او الأناناس
نظام رقم 2
الصبح : نسكافيه بالحليب او جاي حليب
الضحى : صمونة الفيصل / كاكاو / عصير
الغدا : 3 همبورجر / 3 كباب / سمكه متوسطة الحجم / صحن مشويات + سلطة + دايت
او نفس غدا النظام الاول
العصر : نفس 1
العشاء : 2 برتقال / 2 تفاح

 

[MaDnEsS]

نظام 3
الصبح : جاي بالحليب او نسكافيه بالحليب / باكيت كورن فلكس فتنس + 125 ملم
الضحى : عصير برتقال او اناناس
الغدا : 2 همبورجر / 2 كباب + سلطة + دايت
العصر : نفس 1
العشاء : 3 شابوره + جاي حليب / برتقال / رقي كميه مفتوحه / عكس الغدا
نظام 4
الصبح جاي حليب او نسكافيه حليب
الضحى : عصير برتقال / اناناس
الغدا : 3 شرايح توست مع 2 تركي او 2 جبن او 2 مرتدلا + خس طماط خيار جرجير
العصر : نفس 1
العشاء : عكس الغدا / 6 قطع رقي / 2 برتقال
نظام 5
الصبح جاي بالحليب او نسكافيه بالحليب
الضحى : كرواسون اي نوع / ساندويش اي نوع / كاكاو اي نوع
الغدا : 1) صحن تقسمينه 2 تحطين نصه سلطه والنص الثاني الي تبينه مثلا كيك وعيش وبطاط اي شي تبينه بس يكون فقط بنص الصحن
2) ساندويش اي نوع قالي حتن لو تحطين مربى عادي بس تكون بدون صلصات
3 ) سلطه اي نوع عادي مع صلصات
العصر نفس 1
العشا : كميه مفتوحه من اي فاكهه قال عادي لو منجا او موز بس لازم نوع واحد

 

[MaDnEsS]

نظام 6
الصبح جاي بالحليب / نسكفيه بالحليب
الضحى : عصير برتقال / اناناس
الغدا 3 شرايح توست
1 ) 2 تركي
2 ) 2 مرتدلا
3 ) 2 جبن
4) ملعقتين متوسطه لبنه
مع قطع خيار طماط خس جرجير
العصر نفس 1
العشا : 1) عكس الغدا
2) سلطه + 2 بيض
3) سلطه + كوب ذره
نظام 7
الصبح نسكفيه وحليب / جاي حليب
الضحى : كرواسون / كاكاو اي نوع / 2 توست + 1جبنه
الغدا : 1) كوب روب اكتيفيا الصغير
2) كوب ذره
3) 2 بيض
+ سلطه + دايت
العصر نفس 1
العشا :1) 3 شرايح توست + 2 ملعقه متوسطه لبنه / 2 جبن
2) عكس الغدا
3) 1-3 برتقال

 

[رسَــيــل]

مشكووورة حبيبتي
بس سبحان الله نظامه كلّش مو متوازن ...

راجعته بس ما عرفت التزم وياااه .
مااادري يمكن ما ناسبني
الله يتمم عليچ و يوفقچ ... واستمري

 

[مشاعر أمرأه]

موفقه

 

[MaDnEsS]

تسلمون بنات ..
توني الحين يايه من الدكتور طالب قلتله دكتور عطني نظام ينزل وايد لاني مو نازله الا 700 غرام
طبعاً قعد يزفني ويقول انتي ضعيفه خلاص قلتله دكتور ابي اقوى نظام عندك وكالعاده حطلي شكثر اكل !
نظام 8
الصبح : نسكافيه وحليب او جاي وحليب
الضحى : عصير برتقال / اناناس
الغدا : 4 شرايح توست << هذا وانا قايلتله ابي اقوى نظام عندك !!!
2 جبن / ملعقتين لبنه / ملعقتين جبن كرافت القلاص / ملعقتين مربى
+ سلطه ( طماط - خس - خيار - جزر - جرجير - ملفوف - خل - ليمون - ملح )
العصر : نفس 1
العشا : 1)عكس 3 (قلتله دكتور شلون انزل جذي جان يقول تنزلين بس انا مو ضامن نزولج ما اعرف حق نفس جسمج لانه صار اقل من المثالي )
2) 1-3 برتقال
3) كميه مفتوحه رقي

 

[^^ROSE^^]

شنو 4 شرايح توست من صجه!! معروف التوست الوايد مايضعف@@
انا اقول جربي محمد ربيع صج ينزل ومتوازن

 

[MaDnEsS]

^^rose^^
اهو معطيني جذي لانه اهو مايبي ينزلني يبيني اثبت ادري عنه يقول والله انتي ضعيفه خلاص بس انا قاعده اقوله ابي انزل بعد
عاد انا شدعوه باكل 4 آكل 3 والعشا آكل فواكه لانه اذا كليت كل هذا يمكن ازيد..
تدرين شنو قالي ! يقول علبة الروب الوحده تمتنج كثر 4 شرايح توست وعصب علي يقول انا دكتور واعرف شسوي << فشلني

 

[^^ROSE^^]

الحين الروب كثر 3 شرايح@@
يعني كل الدكاترة وسايتات الدايت والكتب غلطانين وهو الدكتور اللي يعرف@@
ليتج راده عليه جذي
صج حسافه على فلوس المراجعه

انا اقول دام عندج خبره بالرجيم انتي سوي حق نفسج نظام فيه كل شي و بكميات قليله
ولا تروحين له و لا شي
ترى انا مرة وحده رحت طبيب وعقبها الله يعافي المنتدى
على بالج الدكاتره يغيرون شي؟ كلهم نفس الشي نقي اللي يعجبج وامشي

والله يضعفج ان شاء الله
شرايج بالدعوه ههههههه

 

[xxx]

رجيمات سهله وخفيفه

يعطيج العافيه

ومشكورة على الافااادة

 

[MaDnEsS]

كثري منها ..
طالب وايد يناقض نفسه اقولج مره خذيت فري سويتلي باستا سمره يعني مالت رجيم مو العاديه زاد وزني منها رحتله جان اقوله دكتور ترا جذي وجذي السالفه جان يقولي اصلا ماكو فرق بين الابيض والاسمر قلتله عيل ليش تقولي توست اسمر مو ابيض ما جاوبني لوول
المشكله انا اعرف نفسي اذا ماكو دكتور يكون معاي ويتابعني ما اعرف اكمل واقعد اخربط يعني مثلا آكل شي واقول اي هذا سعراته شويه
جم وزنج وطولج اذا ما عندج مانع تقولين ؟

 

[MaDnEsS]

^^بنت الكويت^^
الله يعافيج ولا شكر على واجب حبيبتي

 

[opera]

صح كلام طالب

ترا بالسعرات الحراريه الاسمر والابيض نفس الشي الفرق بينهم جنه 5 سعرات بس


بس الاسمر لانه دقيق كامل وفيه نخاله فيساعه عالدايجيست عرفتووو


هذا الفرق بس

 

[MaDnEsS]

umm mshkoora 3al tw'9ee7 opera bs hmn '3l6 8 tostat bel yoom !! @@ !!