انعزلت عنهم ومارتحت ..

[Patcholli]

مساء الخير ..

اشلونكم حبيباتي عشاكم بخير ..

اولا بعطيكم نبذه عن نفسي وتالي ادش بالمشكله ..

طبيعتي هاديه وحياويه وشفافه وبنفس الوقت احبك الظحك واذا ارتحت للي جدامي اظحك من اعماق قلبي والعكس صحيح اذا حسيت بخبث الانسان اللي جدامي ما اقدر اظحك او اتفاعل معاه ..
ما ارضى بالغلط والظلم ولا اقدر اتفق فيه حتى لو كان من انسان قريب ماقدر اتعاون معاه ..
قليلة الكلام مع اني سابقاً كنت ما اسكت لكن صدمات اللي حولي خلتني اكره اتكلم الا للظروره ..
ماحب اجرح احد او انتقد انسان حتى لو كان مليان عيوب اذا ماطلب راي ما اتكلم ولا اجرح ..
احب الاستقرار واهم شي عندي بالدنيا ربي وامي وابوي وزوجي ..
ماحب التفت لغيري .. ولا احب سوالف فلانه تزوجت وتطلقت وسافرت وشرت بيت وشرت سياره وحملت وسقطت .. باختصار ماتهمني شئون غيري ولا اطالع اللي بيد الناس ..
بشكل عام تقدرون تقولون ماشي جمب الحيط ..

المشكله عزيزاتي

اني انجرح من كل صوب ..
صديقاتي .. عمامي .. خوالي .. زملائي بالعمل ..
مادري هل اسميه حسد او اسميه حقد او اسميه قلة ادب وعدم احترام لمشاعر الاخرين ..
بعض الاهل تصل فيهم الدرجه انهم يحاولون يتقربون مني بس عشان يسمعون انا شنو سويت وشنو حطيت ووين رحت وزوجي شلونه معاي .. يحبني مايحبني .. تهاوشت تراضيت ..
والمصيبه ان هالاشخاص مابيني وبينهم غير سلام ..
يتواصلون بين بعض واكون انا محور الحديث والنميمه والحش ..
شنو قلت وشنو سويت واشلون قعدت واشلون طالعتهم ..
حتى نظرتي البريئه سووها نظرة احتقار واستهزاء واني مغروره مع العلم اني نهائيا مالي شغل باحد ولا احب احقد على احد وعمري ماحطيت انسان فبالي وقلت بظره او بردله المضره الي سوالي ياها ..

بنات شنو تنصحوني فيه ..؟؟
للعلم اني صرت شبه منعزله ..
زياراتي للاهل صارت قليله جدا ..
وكذلك مع اهل زوجي ..
وكذلك مع اصدقائي ..
وحتى بالدوام انعزلت صرت اقعد بمكتبي وماحب احتك بزميلاتي مع العلم انهم يطلبوني اقعد معاهم ومن اروح تنهال علي النغزات والاستهزاء سواء على طريقة كلامي او صوتي او تصرفاتي ..

حياتي صارت كلها امي وابوي وزوجي ..
بديت انعزل عن الناس وهم مارتحت من مضرتهم لي..


اعتذر يمكن كلامي مبهم شوي وانا متعمده ما اوضح او اذكر امثله ومواقف شخصيه لاني افضل الخصوصيه وان محد يعرفني ..
نصيحة زوجي لي لا تسكتين .. ردي .. واجهي .. سكتيهم .. عطيهم كلمه بالعظم ..
واذا حرمه كبيره اكبر من امي اشلون اعطيها كلام بالعظم ماتربيت على جذي ولا ارتاح اذا سويت هالشي .. وزوجي يكره ردة فعلي ويقول اتحملي اللي يصيرلج عيل ..

بنات ابي نصيحتكم وشوركم ..
ابي ارتاح .. ابي اعيش بصفاء وهدوء وابي الناس تكف عن مضرتي مثل ما انا كافيه خيري من شري عن الناس ..

 

[شادن33]

حياااتي حمدي ربج شلج بعوار الراس والقال والقيل
عليج من ريلج وامج وابوج بس
والدوام عامليهم بما يرضي الله مايهمج شنو قالو وراج خليج بتاخذين حسناتهم
واهل ريلج حياتي لاتتحسسين منهم خذي الزين والشين قطيه ورا ظهرج
انتي بنعمه ابتعدي عن النميمه والغيبه هاي اللي بتم لج في الاخره

 

[قطوووة]

طنش تعش

 

[عهد الغرام]

كلنا بهوا سوا عادي حتي أنا مالي شغل واخاف أحد يتكلم لإن دمعتي بعيني بس حمدي ربج أمج وأبوج معاج والله وجودهم يسوي الدنيا الله يحفظهم وانتي لاتسولفين أقعدي وخليهم يسوون إلي يبونه واهتمي بزوجج وادري لو أقول أنسي ماتنسين بس الله يعينج

 

[AL3OoOoBA]

طااااف
ولاتكونين حساسه زياده عن اللزوم

وانتي الربحانه اذا كافه خيرج وشرج

 

[منجامور]

عندي نماذج واجد جذيه بس من قرايبي

صرت ما اروح بعض الاجتماعات اللي تصير بعايلتنا واذا رحت اجلس جنب خواتي

الله يعينج

 

[جوري 2007]

طبعج حلو وغريبه انه كل اللي حواليج جذي

تقربي من الناس اللي تحبينهم ويحبونج وبعدي عن اللي مايبونج

جذي بترتاحين

 

[ام كوثر2007]

بقولج كلمه وحده واخذيها من اختج


وحطيها ترجيه بذنج مثل ما يقولوون

اخذيها مني





لو ماكنتي شي له قيمه ومقاام جان ما شفتي كل هذا بدنياااج





جان ما صرتي محور حديث الناس


جان ما شفتي الكل يبي يتقرب لج يبي يعرف اخبارج لانهم ما يدرون عنج وتعتبرين لهم لغز صعب فهمه


وهمز ولمز الدوامات هذا الشي اعتبره عادي لكن بقولج كلام ريلج عدل

وقفيهم عند حدهم خصوصا الفصع اللى معاج بالدوام وحطي صبعج بعين اي وحده تقط عليج كلمه عشان يعرفون يحسبون لج الف حساااب لا شافوووج بس هليتي عليهم

وبالنسبه للصداقاات يا قلبي عندنا وعندج خير

الحين انا مستعده اشتري رفيجه واخت دنيا بفلووس والله

بس وين ؟؟؟؟؟؟؟؟؟؟

الناس تغيرت اعويذ الله من شرهم

 

[اطياب طيبه.أم عبدالله]

اكبر طااااااااااااااااااف عندج عادي حبيبتي كلنا نفس الشي
الغيره والحسد بكل مكان

 

[لمى الهاجري]

ماعليج من احد دام ريلج عندج هاي اهم شي

 

[فوفو22]

احس انتي حساسه وسواسيه زياده عن اللزوم

لانه قالها الله يرحمه الفنان طلال مداح

((مادام معاااي القمر مالي ومال النجوم ))

انتي سعيده ومبسوطه مع زوجج

موضوع

والموضوع الاخر ان الحياة فيها شخصيات وسيكلوجيات عديده

ولكن

بشخصيتج انتي وسلوكج انتي

اعرف اشلون احط خطوط حمرا لحياتي

بدون ما اكون منعزله او انطوائيه

فوفو

 

[sh_mashael]

و الله جنج آنا :$

نستفيد منكم بنات

 

[G!RLooNa]

الله يعينج ترا اللي مثل طبعج للأسف دايما مأكول حقهم و لهم النصيب الاكبر من النغزات لان يدرون لو بقط عليج قطات كل وحده اكبر من الثانيه منتي راده علي،، و العموم يفسر هذا ضعف مع ان انتي حاقرتهم من باب الادب و تربيتج ما تسمحلج .. شوفي لا تصيرين عوبه مره وحده و لسانج يلوط اذانج ،، و هم مو جذي تسكتين عن كل شي و تطوفيت كل شي هم غلط بعد ترا هذي سلبيه انج ما تدافعين عن روحج خير شر ب اسم الاحترام

 

[لبـى قلبـي]

مو معقول كل الي حواليك والي تعرفينهم نفس الطبع ..!

شي غريب

وشمعنى انتي بالذات ..!


عزيزتي فتشي عن السبب زين ممكن يكون الخلل منك ..

 

[● عـِـِـِزۈة آخ‘ـَـۈاْنـهـآ «-~]

نفس المشكله اللي أعاني منها بالضبط !
مااااشيه يم الحيط ومو سالمه من الناس ،
والله اتحااااااشى الرد والتجريح بس ماكو فايده ،
شخصيتي قويه واقدر ارد ، بس سبحان الله الاحترام وتربية اهلي تغلبني ..
واااااجهت شكثر من هالنوعيه
لين انصدمت ان حتى رفيجاتي المقربات من ضمن هالفئه
اخباري كلها تنتشر مادري ليش انا بالذات تسولفون فيها وتستمعون !
الموضوع هذا محيرني
والله تصير لي سوالف من اهلي ورفيجاتي
تشيب الراس
انزين لييييش
مع اني والله احب الكل وماكره احد
واحب اوجبهم واعامل الكل باحترام
سووواء كبير ولا صغير

يمكن اسلوبي فيه شي وانا مو حاسه ! عشان جذي حاطين في بالهم اني مغروره !
يمكن غيره مني
يمكن انا غلطانه بدون لا ادري !

تعبت من هالسالفه حيل صرت ماحب اختلط بالناس عشان ما انغث !


سوري صاحبة الموضوع بس موضوعج ذرا الملح عالجرح


والله يكون بالعون

 

[خشف العذارى]

اب اب اب

 

[Kensington]

تدرين ليه يعاملونك كذا لانهم عارفين ماراح تردين
بيقوون شخصياتهم علي حسابك فاهمه قصدي تتشيحط قدام الكل انها بتهزءك وهي عارفه انك ماراح تردين
لو عارفه انك بتوقفينها عند حدها ماكان تجرات تفتح فمها او تقول حرف واحد
وقريباتك لو تقربو منك لاتعطينهم حق ولا باطل اي شي يخصك واذا مصختها بالاسئله قولي لهالدرجه شايله همي
بس موحل انك تتقوقعين حول نفسك الواحد لازم يعيش مع الناس مولحاله
سطحي علاقتك معهم(سطح علاقاتك مع الناس تسلم)
وجبي وروحي وتعالي بس خلي كلامك بحدود
اللي تهينك ردي عليها لاتسكتيييييييييييييييييييييييييييييين ابد
والله شخصيتك كذا موزينه بكرا حتي احترام مايحترمونك
ولا تقعدين تفكرين فيهم
خليك وقحه حاولي تدربي
بعدها يعملون حساب قبل يتكلمون لان عارفين بيجيهم رد قوي يفشلهم

 

[أنوثهـ حتى الثمالهـ]

انا نفسك

والسبب غيره اكيد

مافي غير هالتحليل

دنيا وصخه لا قريب ولا غريب كلهم مثل مثل

 

[Om zayd]

انا مع ام كوثر كلامج درر الناي ما تكلم الا عن الانسان اللي يملك شي اهما يبونه سواء شخصيه ولا معنويا ولا حتي ما ديا فطنشي يا عمري وعلي قولة الوالدة المرة السنعه لا تهتم الا بيتها وعيالها وبهالزم خلي خواتج صديقاتج واذا ما عندج خوات اوًكانو صغار نفس حالتي خلي امج صديقتج لانها مهما كان بتنصحج وبتخاف علي مصلحتج الصداقه راحت وهالزمن زمن مصالح ...الله يصلح الحال

 

[_Pure_]

احس انج وسواسية

ترا عادي ماله داعي تنعزلين