انـا ومعرض الكتب المستعملة

[3oosh <3 MJ]

السلام عليكم..
صبــآح \ مســآء الخير بنــات ..:eh_s(17):
اليوم وبالصدفة اكتشفت ان في معرض للكتب المستعملة في الجامعه فرحت عشان اخذ لي منهم ..
طلعت بـ 10 كتب ..
اسعار الكتب كانت واايد رخيصة ومرات تقولين حرام في حق هالكتاب هالسعر
الاسعار كانت بين الـ10 والـ50 ريال
اتفضلوا جوفو كتبي :eh_s(7):

(1)
مؤلفات جبران خليل جبران كاملة
هالكتاب رقم واحد،، ماعرف كم بارت تتكون منه المجموعه ،، وماحصلت غيره :bbbiu:



(2)
شيفرة دافينشي
صار لي كم سنه وكل ما اشوفها اتردد وما اشتريها من كلام البنات،، بس هالمره قررت اني اخذها وخذتها :eh_s(9):



(3)
شجرة اللابلاب
رواية



(4)
رياح الشرق رياح الغرب
رواية



(5)
جين اير
رواية



(6)
موسوعة الاساطير والفلكلور العربية
تاريخ



(7)
Hard Times
Novel
طبعا كالعادة كتاب بالانجليزي من 10 كتب عربية



(8)
مؤلفات يوسف السباعي
مسرحيات



(9)
تنويعات نزار قباني
شعر



(10)
ليالي ونزوات فاروق
تقريبا يعتبر سير




وبس..
عطوني رايكم :eh_s(22):​

 

[Eng_Roka]

اللي مروا علي منهم شيفرة دافنتشي و جين اير

وعندي كتاب ليالي ونزوات فاروق بس مو نفس الغلاف يمكن طبعه ثانيه او كاتب ثاني

تتهنييين فيهم

ناطرين رايج

 

[3oosh <3 MJ]

تسلمين حبيبتي
انشالله بنزل رايي اول ما اخلص منهم
ثااانكس ع المروور

 

[the white heart]

عليج بالعافية حبيبتي ناطرين رايج فيهم لمن تخلصين منهم ... موفقة

 

[om.albnafsj]

واااااااااااااااااو
وناسه جان زين في بالكويت جذي

 

[كراميلا مرة]

وين هالمعرض باي جامعه
ونبقي رايك بالكتب

 

[وهج الحب]

السلام:
تتهنين بكتبك ..
انا في خاطري هالايام ارجع اخذ كتب قديمة قريتهم ومنهم جين اير ..لان الزهايمر لاعب لعبته وناسيه احداث بعض الكتب اللي قريتها وانا صغيرة ..
انا قريت شفيرة دافنشي وحلوة ..

 

[Shade]

وناسة يا ريت في مشروع مثل هذا بالكويت

عليك بالعافية

 

[غيدآء]

عليج بالعافيه خوش كتب

انا قريت جين اير ..واوقات صعبه لشارلز ديكنز حلوين

وجبران خليل جبران مؤلفاته حلوه بس فلسفي ورمزي بحت

قراءه ممتعه

 

[3oosh <3 MJ]

the white heart
الله يعافيج حبيبتي .. انشالله ولا يهمج
منوورة

om.albnafsj
انشالله يسوون
منوورة حبيبتي

كراميلا مرة
جامعة قطر حبيبتي
انشالله من عيووني
منوورة

وهج الحب
عليكم السلام
تسلمين حبيبتي
منوورة

Shade
الله يعافيج حبيبتي
وانشالله يصير عندكم لان مفيد
منوورة

BeNT JaBeR
الله يعافيج حبيبتي
ثاانكس ع المروور
منورة

 

[ليلو جبريت]

عليج بالعافيه
حاليا اجهز لستت شهر 6 فاكيد بحتاج لموضوعج عشان اخذ جم كتاب

 

[3oosh <3 MJ]

الله يعافيج حبيبتي
حيـآج الله
منوورة

 

[رحيل المرافيء]

وااو حلوين اختياراتج خاصة رياح الشرق والموسوعة احسهم حلوين ابدي فيهم لوووول
وديكنز بعد عجبتني واللبلاب سامعة فيها حلوة
والله عبالي انتي من الكويت
طلعتي من السعووودية
حياج عوش وحيا الله اهل سعوديا ارابيااا

 

[3oosh <3 MJ]

عيوونج الحلوة حبيبتي
الله يحييج ،، بس انا من قطر مب من السعودية
منوورة حبووبة

 

[رحيل المرافيء]

لووووووووووووووول صادوووه يعني
انا شفت تتكلمين بالريال عبالي سعودية
هم حيا الله اهل قطر

 

[3oosh <3 MJ]

لوووول ،، عادي حبيبتي خليجنا واحد
الله يحييج
منوورة