انا العام رحت لها
طبيعة - مباني - مجمعات - مراكز ترفيهية الخ
جاكرتا العاصمة
اختاروا دايم تاكسي بلو بيرد لانه يحسب بذاك الشي نسيت اسمه مو من عقله يحسب لك
مولات كشخه و ماركات و فيه وسط و فيه رخيييص بس مو مثل بنادونق
فيها منطقه ترفيهيه كبييره عالبحر فيها مطاعم و ملاهي دنيا فانتزي لاند رهيييبه
مطاعم عالميه تشيلز ماك كنتاكي الخ - حضرميه سعوديه تجنن للآكل الخليجي
ابو نواس + الجزيره و فيها جلسات او طاولات للعوائل بس ماينفع تروحون كلكم احسن لكم تشتركون مع حداهم و يجيب
لكم الاكل توصيل ، لانه هناك كلللللللللله كللللللللللللللللللللله شباب خليجيين بقووه و بيقزون فيكم و تصير مشاكل احسن لكم ابعدوا ، الجزيره فيه صاله طويله لكبار الشخصيات تطلبين طلباتك و تحجزينها عالفون و الساعه تقولينها لهم
يجهزون لك طاوله صغيره للضيافه غير طاولة اكلكم الرئيسي
حلى قهوه عربيه شوربه كويكر شوربه كواارع تخيلي خخخخ مهلبيه عصايرحسب ماتطلبين
و يوقفون فوقك عاملات يخدمونكم من طاوله مشاوي رززززز بأنواعه يهبل بقوووه
و تقدرين تطلبين الالبوم حق الصور و تشوفين ابرز الشخصيات اللي حضرت المطعم او حضرت الافتتاح
و بالصاله ذي فيه تلفزيون عربي كانوا حاطين لنا دبي رياضيه
و فيه قريب لمه مول اسمه FX فيه لعبه من الدور الخامس فوق و تنتهي للآول تحت زحليقه لولبيه رهيييبه قوويه فيها لمبات ، و يصورنكم جماعي باللبس حقها و همن يصورتكم واحد واحد من اول ماتركبينها و فيه تحت مصور يصورك اول ما تنزلين من اللعبه كيف وصلتي انقلبتي طرتي اللي يجي و ضحك على هالناس خخخ ، بعدين فيه تحت حوله كشك
خاص بمصورين اللعبه يورنك الصور اللي تبينها و يسوون لك البوم من عندهم مغلف فيه صوركم الجماعيه و الفرديه
و عليه شعار اللعبه
+
بونشاك الجبل
منطقة باااااااااردة و الله ندمت ما جبت عالأقل بلوفر لي رحت و شريت من هناك واحد و يبي لكم بطانيات عالأقل خفيفة
لانه برررد موت فعشان كذا ابدا مو حلوه لو تاخذون فله او شقة بأي قرنه تنامون على فرشهم ما تثقين هم غاسلينه قبل لايحطونه والا بس
عطروه او مدري وش سووا به من عقب المستأجرين قبلك عالعموم أقلها جيبي مخدة معك عادي تشترينها من هناك
خذي المخدات اللي كيستها اورانج زي الخيشه الفنت = عليها فيل من مركز ميكرو أو ماكرو اسمه < يبيع اشياء جمله و غيرها و على
ما أظن الكترونيات منزليه بسيطه
+
و انتم بالطريق بالسياره مسافرين من جاكرتا للجبل مدتها يمكن 1و نص او بس ساعة و لا تحسسييييين بالطريق
لان طول الوقت عيونك ملتهيه تناظرين بالطبيعه و الناس ما كانه طريق سفر منها رحله
و كل مالقيتو محطات او مواقف بالطريق و مطاعم استراحه و غيرها بيتجمعون عليكم بياعين (توت + فراوله ) بعلب يجنن منظره
سعر الوحده يمكن حول 10-25 الف روبيه او انها تعادل 10-25 ريال ناسيه
بالجبل بعد ان وصلتوا اوتيلكم او فلتكم فيه كنتاكي < بس ابعدوا عنه اوصخ مطعم بحياتي هالشي بكل دولة ما احبه+حق اندونيسيا ماعندهم سلطه الملفوف هع
و فيه مطعم نسيييييييت اسمه عيالنا راحوا له اسمه كارينا ماكرينا كريوكا < اختاري حداهم نسيت بقوه خخخخ بس اسئلي عن مطاعمهم بتعرفينه بعدين
و فيه ملياااااان مطابخ خرفان و تيوس و رز حضارم يعني شغل ولا اروع
بس انتبهي من البقالات العربيه و فيه بقالات سعوديه منتشره جنب بعض
ادكر بقاله اسمها ابو يوسف او ابو هيا احذروا وحده
منهم الاندونيسي حيوااان اللي فيها صورني انا و اختي بجواله بدون صوت عشان لا ادري كثييير و انا شكيت
بس ولد خالي غسل شراعه و هزأه و مسحهم ، ان سواها فيكم اكسروا الجوال او ودوه لسفارتكم اشتكوا عليه سووا اللي تبون
البقالات ذي فيها فول مكرونه صلصه برينقلز حمص الخ يعني اشياء مو موجوزه بالسوق الاندونيسي و يحتاجوونها العرب كثير
اييه اذكر هناك كنا نطلب خبز رغيف مدور تروا ماينلقى بسهوله يقولون لازم طلبيه و يجيك صغار بالجبل او بجاكرتا
+
فيها سفاري اندونيسيا تجننن وناااااااسه ، بسيارتكم او بباص اللي تبون بس مو مشي جواتها لان الحيوانات منطلقه فيها
و اول ماتدخلون لها ياخذون منكم عموله على كل راس منكم هع
و قبل ما توصلون لها تلاقون بيعاين موووووز و جزززر و غيره على طول اشتروا منهم على ما أظن مافيه جوا و توكلون الحيوانات
يعطونكم بروشور عليه خريطه طريقكم وش بتقايلون من الحيوانات بالترتيب طيور و اليفه مفترسه كثيييير مختلفه نهاية الطريق
منطقه ترفيهية استعراضات فيله و شبه سيرك و محلااات تشترون منها تدل انكم رحتوا للسفاري انا شريت دفتر و شنطه نفس النقشه و حيه فوشيه مره محلهم يونس و فيها العااب و ملاهي بيت الاشباح و العاب اطفال و كشكات اكل و مطاعم صغار فيه مطعم تقليد لكنتاكي بالاسم
اممممم التسوق بالجبل نادر بس فيه محل اسمه بريطاني او بريتني اهم شي مو بريتن و فيه العاب و اشيااء بس لاتخذون من مخبزهم فيه حشرات
ايييه فيها بعد حديقة الفراوله اسأليهم عنها هبل فله تدخلين الا قدامك مزرعه فراوله كبيييره و يعطونك سله و مقص و ادخلي و اقطفي
و كثر ماتحطين بالسله يوزنونه لك بعدين و يغسلونه و يسألون شلون تبينه عصييير والا فاكهه تاخذينه و فيه جنبه كشك لهم كله يبيع
اشياء خاصه بالفراوله لك و للأطفال ميداليات رهيييبه العاااب سليبرات للأطفال كثيييير خرابيط
و مزارع الشاهي فيه بعد
و فيه بقمة الجبل على ما اظن هيااط باراشووت و غيره يقول اخوي فيه بنات خليجيات راكبينه انا امي عيت تخاف :eh_s(16):
فيه شارع مدري وشو بس خاص بالمطاعم كللله مطاعم و جلسه على حديقه صغيره و كافيهات و محلات خرابيط حلاو
و العاب و اكسسوارات خشبيه بس مشكلته القويه ان فيه بار عيني عينك انتبهي تجينه بالويك اند حقهم كله طلبه متجمعين
و عائلات يعني زحمه و انفس شي يقفرك و فوق ذا بقوة عين بيغازلونك و بيصورونك هالشباب :eh_s(12): :s141: ولا تقدرين تقولين كلمه و بنات تدخين و شرب عااادي كل شي بالويك اند تشوفينه بهالشارع بس رهيب المكان
*
باندونق
فيه فلل و اوتيلات و منتجعات
امممم احنا رحنا لمنتجع رهييييب فيه مياه كبريتييه و مسابح حاره شوي و فيه شي يسلخ الجلد تجنن يجون لها قروبات اجانب او اندونيسيين
مسلمين يلبسون مايوهات اسلاميه للمسلمات بس اما غيرهم غطوا عيون ازواجك بس
عنده فطور صباحي مجاني بوفيه عصاير و نودلز و بيض و فواااكه خبز الخ على ما اظن شوربه ؟
المهم انه حلو بس اكثر مكان ذبحنا بالنامس و الحشرات هالمدينه و فيها كل صبح بالمنتجع يجون اصحاب خيول يركبون الناس
بسعر رمزي و فيها بحيييره كبييره عليها مراكب تجدفين او تحركين برجولك بس هالبحيره لانها راكده قمه دبااااابير و نواااميس و حشرااات :s141:
انوااع و اشكال يطير فوقك و يسبح طول الوقت و انا اصرخ قرفت و المويه حقتها خضره لا تجربونها يع
و فيه بعد عندهالمنتجع مراجيح بسيطه حلوه للكبار و الاطفال طبعا الجو فيها حرررررررر
كل فله صغيره فيها امم 3 غرف و حمامين و صاله بينهم و مطبخ يطل عالصاله
حنا كانت للحريم وحده و للرجال وحده
التسوق فيها اممممممم وناااااااسه و رخيييييييييص :eh_s(11): بتندمين ما شريتي شي واحد منها كاسري الين ما تقولين آمين تلعبين عليهم فررصه ، لان حتى لو لقيتي بجاكرتا رخيص تري باندونق ارخص بقوووه مفارش تي شيرتات العاااب نظارات خوذ دبابات حلوووه مااابس كثييييره جزم كللل شي فيه و مطااعم
و بالنص شناااااط كثيييييير تقليد و رخيصه حول 200 الف روبيه اعلى شي يمكن و اقل شي جاني 120الف او 150 الف حلوو رخيص
المهم مولهم هذا فضييع بس ان بغيتي تروحين للمنتجع نفس حقنا و للسوق و ترجعين و الخ اطلعي من الصبح بدررري قبل الزحمه
و اطلعي من السوق العصر او المغرب لانه بعيد شوي و زززحمه و كله شاحنات و مرتفعات بس تخافين تقلب عليك وحده على ورا يخووف بالليل هذا غير لو امطرت يعني اطلعي منه بدرررري هالسوق
