انفصال المشيمة ومحمود الأسطل

[Umzoozoo]

قوه بنات شلوووونكم ؟؟

بغيت استفسر عن شغله ....
انا حامل بالثالث وكان ينزل علي دم نمت بالمستشفى قال لي الدكتور فيج انفصال بالمشيمة وعطوني مثبتات
شلون اعرف أن وضعي أوكي ؟ هل لما يوقف الدم ولا شنوو لان وايد قعد احاتي وموعدي بعد شهر

سؤال ثاني لو وول صج ما انعطه ويه ......
بنات بولادتي ولدت بالسيف عند روبينا قدر الله أني أولد قيصرية الحمد الله
الحين مفكره أولد بالسلام عند الدكتور محمود الأسطل بليز الي والده عنده أتقولي شلونه بكل أمانه

وشكرا هههه

 

[اخت خالتهم]

الله يثبته يااارب و تشوفينه بيبي كامل ان شاءالله


حبيت ادعيلج

 

[Umzoozoo]

بعد عمري حبيبتي اخت خالتهم ماتقصريييييين

 

[&هند&]

حبيبتي صار معاي انفصال بحمالي وكنت دايم منسدحه لي الشهر الخامس ويادوب اقعد اذا مليت من السدحه لان انفصال المشيمه يذبح البيبي اسم الله عليج واذا تبين تجيكين لازم بعد شهر مو بسرعه يروح الانفصال انا من الثالث لي الخامس يالله تعدل الانفصال ودكتوره رائده بالسيف هي الي متابعه حالتي جزاه الله خير ،،،،

 

[Umzoozoo]

حبيبتي هند مشكوره علرد انا بعد مثلج كله منسدحه بس ملييييييييت وتعبت ودي اطلع أتصدقين حتا الدوام الي قبل أكرهه وكله مالي خلق أداوم ولهت عليه

 

[زيووونتييي]

الله يثبت لج حملج ويسهل عليج حبيبتي

وما عندي فكرة عن الدكتور ان شا الله البنات يفيدونج

 

[حوري2004]

عسى الله يتمم عليج ويرزقج
بس ضروري يا الغاليه ما تتحركين وتقعدين لان انفصال بالمشيمه خطر انا صار معاي انفصال عسى الله لا يعوده بس مالحقنا على البيبي صراحه تعبت بالله عليج كل شي لاحقه عليه لا تتحركين

 

[ام الحلوااات]

اللـــه يــشــاافــيــج و يــثــبــت حــمــلــج ويــتــمــم عــلــيــج يــااارب

 

[ffanr]

ماتشوفين شر شكثر بنات اعرفهم مروا بنفصال المشيمه
اهم شي لاتفكرين وايد وارتاااااحي نامي على ظهرج طول اليوم ولاتقومين الا للصلاة والحمام
ويعتمد ترا في بنات يخف بسرعه ويرد الانفصال وبنات ي يطول شوي
استمري ع المثبتات
وراجعي لاطوفين مواعيدج
وماتشوفين شر وسلامات

 

[Umzoozoo]

مشكووووووووورين حبايبي علردوود
شدعوه بنات محد يعرف شئ عن محمود الأسطل ؛(

 

[RO0O7Y KUWAITYA]

ماعرفه صراحه بس سمعت انه شاطر ويمدحونه

 

[كتالونيه]

الله يسهل عليييج

 

[~Rou7~]

الله يسهل عليج

 

[Umzoozoo]

أمين مشكورين حبايبي

 

[مشتطـه]

انا كان عندي انفصال بالثامن ودم غزير نزل علي بعدين تحووول بني

واي صكت فيني الدنيا ماعطوني شي
قالو اذا حالتج خطرة نولدج عادي وتميت ارتاح و ولدت باخر التاسع بفضل ربي

 

[عسل حدي]

(بسم الله الرحمن الرحيم (اللهم اني اسألك ولا اسأل احدأ غيرك اللهم بحق هذه الاسماء المباركة اللهم بألف الابتداء بباء البهاء بتاء
التأليف بثاء الثناء بجيم الجلال بحاء الحمد بخاء الخفاء بدال الدوام بذال الذكر براء الربوبية بزاء الزيادة بسين السلامة بشين الشكر
بصاد الصبر بضاد الضوء بطاء الطول بظاء الظلام بعين العفو بغين الغفران بفاء الفردانية بقاف القدرة بكاف الكلمة التامة بلام اللوح بميم الملك بنون النور بواو الوحدانية بهاء الهيبة بلام الف لااله الاانت بياء ذي الجلال والاكرام اللهم اني اسألك يامن لاتضجره مسألة السائلين يامن هو خبير بماتخفي الضمائر وتكن منه الصدور اسألك ان تصلي على محمد وال محمد وان تجعل لي من كل عسرأ والى كل خيرسبيلا برحمتك ياارحم الراحمين بحق محمد واله الطاهرين

 

[sosowaty]

دكتور محمود ممتاز و معرووووف وولدني و شوفي موضوعي عنه

روحيله و انتي مغمضه


و ادعيلي

 

[Umzoozoo]

زين الحمد الله اهم شئ ألراحه
بناااااااااااااااات وينكم معقولة محد يعرف دكتور محمود الأسطل !!!!!