انقبلت بوزارة الصحة فيدووني تكفون

[منار 22]

بنات تكفون منو يشتغل هناك
شلون معاشهم ؟
وشلون مكانهم صج في ادارات معينة انا سمعت اذمون وزارة الصحة صج هالحجي ؟؟
شنو العيوب وشنو مميزات هالوزارة تنصحوني فيها ولا لا؟
انا شهادتي بكالوريوس ادارة اعمال

 

[منار 22]

شدعوة بنات ماكو رد

 

[الكبيرة]

ناااااااااااااااااااحشي عن الصحه وزاااااااااااره خاااااااااااااايسه بمعني الكلمه

 

[منار 22]

الكبيرة

اهو في اكثر من ادارة انتي تختارين ولا شنو؟

جم المعاش؟

 

[Angel_store]

اب اب اب

 

[A9A9-Q8]

انا اقولج رفضي ..

 

[روحي زوجي]

في احد حاصله وظيفه علشان يرفض
استخيري

 

[سمسمة كويتية]

حتى أنا بكالوريوس علوم و انقبلت بالصحة بس الصراحه ماراح أرفض
ماراح أرفس النعمه ماصدقت انه اسمي طلع

ويليت البنات يفيدونا

 

[منار 22]

انا نقصوني من ترتيبي وشالوني من الصحة

لوووووووووول

الحمدالله الخيرة فيما اختاره الله ما كنت مرتاحة من الصحة بسبب الي سمعته حتى المعاش ضعيف

سمسمة انتظريني في وحدة اعرفها بترد علي اليوم بخصوص وزارة الصحة بعدها بفيدج
موفقة حبوبة

 

[قموووره]

عاد أنا الي اعرفه العكس ان عندهم كادر ومعاشاتهم زينه
أنا اشتغل في هيئه حكوميه وقبل كانت تابعه للصحه ولي يومج كلنا بالدوام نتمنى نرجع لوزاره احسن من هالهيئه الخايسه


سواء عجبج المكان ولا لا لا ترفضين واذا ما ياز لج الوضع نقلي اسهل من تعيين يديد

الله يكتب لج الخيره​

 

[سمسمة كويتية]

مشكورة منار حبيبتي

 

[غراوي]

والله شوفي
في ادارات خايسه ومااقدر وادارات راحه
دوامنا بصمه بس تعودنا

يعني انتي شوفي الاداره قبل لا تتوظفين
وخليج بالوزاره احسن لج عشان تعرفين كل القرارات والزيادات اول باول

والله كل وزاره فيها عيوب
بس اللي اشمعه ان البلديه والاشغال والسوون لعب ومايداومون
اما احنا والتربيه علي حسب المكان اللي تنقطين فيه

واذا انتي جامعيه معاشج من 800 وانتي طالعه مع البدلات والكادرات