انقذوني ... اللي عندها خبرة بسن العقل تدخل ضروري

[نانيـة]

بنات انا اليوم قمت من النوم الا و لثتي اللي اقصى الجهه اليسرى منتفخة و اللحم يبين من شق
بدى ضرس العقل يشق و يبيطلع
الم مو طبيعي .. مو قادرة ابطلع حلجي ..

شنو اسوي ..

لو رحت لطبيب الاسنان شنو يسوي ؟ ما يقدر يشيله ..

ابي خبراتكم بهالوضع ،، هل اروح طبيب او استمر على بندول و المرة

اقسم بالله من الالم مو قادرة اقعد ..

 

[برنسيسة 17]

يوووووو ذكرتيني بضرس العقل عذاااب والله سنة كاملة من المعاناة معاه عقب قررت أشيله وله قالوا لازم عملية والله وسويتها وشلته وارتحت
إنشاء الله معاناتج منه مو مثلي والتهاب بسيط ويروح روحي الدكتور يعطيج مضاد وانشاء الله تصيرين زينة ونصيحة إذا موحيل يعور خلي لا تشيلينا يفيدج بعدين بالمضغ

 

[loleeta^88]

روحي طبيب الاسنان واذا شافو له مكان يط فيه ويكون طالع سيده مو مأذي الاسنان اللي يمه يعطونج مضاد ومسكنات واذا كان ماله مكان يخلعونه بس ترى اذا طالع مايعورج لمن يخلعونه بدون عمليه لا تحاتين

 

[DeeR_MusK]

روحي المستوصف

 

[حلاا الدنيا]

الله يعينج حبيبتي
انا عانيت منه وخفت اروح الطبيب يشيله
انصحتني وحده من الخوات احط قرنفل ع الضرس والحمدالله خف الالم
وانشالله اني افدتج

 

[شندوخه]

نصيحه روحي لطبيب اسنان اهو راح يتصرف
جذي بتعذبين نفسج
ولاتخافين شيلته ماتعوور ولا راح تحسين فيها

 

[قطوة@@]

انا للحين عندي ضرسين العقل نصهم طالعين ما سوي لهم شي

 

[بلسم جروحي]

صدقيني عانيت معانات مو طبيعيه مع ضرس العقل كنت مسافره واهلي مستانسين وانا الله لا يوريج الخد كانه فيني خاز باز
ما اقدر اطلع لا واللي زاد الطين بله يتلي العاده والالام مو طبيعيه عطاني دكتور الاسنان مضاد لان ما يقدر يشيله واهو ملتهب وبس رديت شلته والاسبوع اللي وراه الثاني والاسبوع اللي وراه الثالث الله وكيلج قضيت عليهم حتى اللي ما يعورني
وافتكيت من شي اسمه ضرس العقل مدام ما منه فايده والله يعينج حبيبتي .​

 

[بنـ الذوق ت]

أحسن لك روحي مركز زهير الطبي في عيادة أسنان عندهم ودكتور فيه حيل محترم ويريحك
بعطيك اول يوم حبوب ودوا علشان يروح ألتهاب وثالث يوم يشيلها لك والله ما راح تحسين بشيء وراح تدعيلي

 

[n.m.3.k]

انصحج تروحين دكتور اسنان زييين لان حرام تشيلينه يمكن قاعد يطلع..

 

[نور الدنييا]

انا بعد شلته بمستشفى الراشد عند دكتور فراس والحمدلله ماحسيت باي عوار والدكتور شال ضرسين بوقت واحد

 

[Loutes]

انا رحت للطبيب وشالة بسهولة