انقذوووني ياخبيرات ماليزيا

[رنيم القلب]

السلام عليكم اشلونكم بنات بغيتكم اتساعدوني واكون لكم شاكره انا بسافر لماليزيا بداية شهر فبراير ومخططين انا و زوجي يكون ع طيران الكويتي لان اهو الوحيد الدايركت لان مالنا خلق ترانزيت و نطره وعفسه المهم سفرتنا بتكون عشر ليالي وانا حاطه هالمخطط هذا وقولولي رايكم فيه بالبدايه لنكاوي ليلتين وبيننغ ليلتين وجنتنغ ليله وسيلانجور ليلتين وكولامبور الباقي/ بنات قولولي الاجواء اهناك حلوه ولا رطوبه وخصوصا جنتنغ حدي متشوقتلها :eh_s(9): / الاسئله اللي ابيها اهي عن الجو/ الفنادق/الاماكن اللي تستاهل اروحلها و راح تعجبنا/ ناخذ تكسي ولا سواقين/ وجم المصرف حق كل واحد فينا غير الفنادق والطيران وسلامتكم

 

[ReDLOve]

هلوووو طبعا هالسؤااال جوابه مترووووووس في قسم الاستفسارات​

بس بجاوبج مخططج حلووو و كافي عليهم على ليلتين الجزر و اهم شي كوالالمبووور تاخذين اكثر فيها لانها اتونس​

الجووو راح يكون حلوووووو لان حنا رحنا بالصيييف رطوبة بس مطررر و ساعات الجو بررررررررررررررد​

ف حزتج اكيد بارد منعش​

المصروووف ماقدر احدد لج لاكن تقريبا لكل شخص 1500 راهي حق ماليزيا
اذا كنتي منتي مشرية ماركات و اشياء غالية !​

الاماكن السيااحية راح احط لج فيديو انا مسويته عن سفرتنا و سجلي الاسامي المكتوبة​

الفنادق في كوالالمبوور سكنا في برنس هوتيل حلووو و نظيف و مرتب و زقرت​

و على السياره حنا نااخذ سواااق الفندق مو الى من بره طبعا اغلى لان السياره اكشخ و انظف و ريحتها حلوة​

الى بالشارع جنها قوطي بسكوووت و ريحتها لوووعه و تكون اساسا لاسخدام اهلهم بس يكدح فيها​

و هذى قناتي
http://www.youtube.com/user/ReDLOve80?feature=mhee​

وهذا الفيديو ​

https://www.youtube.com/watch?v=5Al...xt=C3343969UDOEgsToPDskJKvAgs_vMZSrnrcmI4_L8z

 

[noor salam]

صباح الخير ،،، بالنسبة لتخطيط الرحلة حلو بس انا بالنسبة لي بينينغ يبيلها ايام اكثر لانها ممتعة و فيها الانشطة البحرية الي تبينها وانا سكنت في فندق هارد روك عجيييييييييييييب دخلي عليه بالنت و شوفيه
بالنسبة لكوالا انا سكنت في فندق اسمه جي تاور خمس نجوم هادي و حلو و ممتاز
و في منطقة فيها فلل بالبحر اسمها بورت ديكسون سكنت في انترناشونال ووتر شاليه دشي عليه بالنت و شوفيه وايد حلو المنتجع و برايفيت حمام سباحة و بالنسبة لجنتينغ اذا تبين جو بارد سكني فيها اما اذا تبين المدينة الترفيهية و الالعاب و بيت الثلج فتقدرين تروحين من الصبح و ترجعين بالليل الى كوالا يعني موضروري السكن فيها لمل لنجاوي فتقدرين تاخذين الفرييينج يعني عبارة من لنجاوي الى بينينغ والفندق الحلو الي هناك و مشهور اهو ويسترن وعندج في سلانجور انا سكنت في الخيول الذهبية بس بعيد شوي عن البراميدز الي هو مجمع ويمة ثيم بارك فيها ثلاث اصناف من الالعاب مائية وترفيهية و حيوانات وايد حلوة وعندج الماينز سوق حلو و رخيص و تلاقين فيه اشياء حلوة و عندج يعد في بازار هذا سوق يفتح من الساعة 6 الى الفجر اهو كشكات صغيرة واحب اقولج القي نظرة على تقرير الاخت الفاضلة احلى همبة فيه معلومات حلوة وشاملة

وان شاءالله تستانسون يااااااارب

 

[هنـــد]

بالنسبه للمخطط وايد حلو

بس الافضل ماتنامين بجنتيغ عشان نقل الاغراض من فندق لي فندق لانها قريبه حيل من كوالا يعني اتروحين لها بالتكسي وتقضين فيها اليوم من الساعه 9 الصبح لي المغرب

المصروف الاسعار متوسطه وحسب صرفج ومشترياتج

دشي منتدى العرب المسافرون وايد راح يفيدج

ورحله ممتعه

 

[رنيم القلب]

يعطيكم العافيه ماقصرتوا حبايبي

 

[سمراء كالخمري]

مخططج حلو بس نفس كلام البنات الجنتنق لا تنامين فيها اولا فنادقهم وصخه قديمه
حلو ليلتين بلنكاوي وليلتين في بينانج وليله بسلانجور والباجي بكوالالمبور
نفس مخططي انا وريلي بنروح 5فبراير
بس اول شي روحي سلانجور بعدين لنكاوي وبينانج واخر شي خلي كوالالمبور تدرين ليش لانه الطيران الداخلي بين الجزر الوزن شوي وخلي اخر شي كولالمبور لانه فيها اسواااق وايد وراح تترسين الجنطه سوالف الله يعينج على الوزن الزايد
وقوليلي متى طيارتكم يمكن تكونين وياااي بالسفره

 

[رنيم القلب]

مخططج حلو بس نفس كلام البنات الجنتنق لا تنامين فيها اولا فنادقهم وصخه قديمه
حلو ليلتين بلنكاوي وليلتين في بينانج وليله بسلانجور والباجي بكوالالمبور
نفس مخططي انا وريلي بنروح 5فبراير
بس اول شي روحي سلانجور بعدين لنكاوي وبينانج واخر شي خلي كوالالمبور تدرين ليش لانه الطيران الداخلي بين الجزر الوزن شوي وخلي اخر شي كولالمبور لانه فيها اسواااق وايد وراح تترسين الجنطه سوالف الله يعينج على الوزن الزايد
وقوليلي متى طيارتكم يمكن تكونين وياااي بالسفره

مشكوووووووره ياقلبي عالرد وحلو مخططج بسوي نفسه انشالله انا سفرتي تاريخ 19 حساافه مو معااج لان احنا اجلناها ولا كنا نبيها بداية الشهر بس كل تاخيره فيها خيره

 

[((غلاي))]

ماقصروا البنات

تروحين و تردين بالسلامه ان شاء الله