انقطاع النفس عن الام هل يسبب موت الجنين

[مشاعر الروح]

بنات انا في الشهر الخامس الحين و اليوم الحمدلله تطمنت على النبض الحمدلله و راح الوسواس اللي عايشتنه
بس الحين رد رجع و السبب اني كنت داخلة غرفة الغسيل و كانت ريحة المبيض قوية فسديت خشمي بس على ما احط الثياب الباقيين في الغسالة و اطلع من الغرفة فاحس انقطع نفسي لمى طلعت من الحجرة حسيت ان رجع لي نفسي و بعدين تذكرت اناي حامل و اناكنت حابسة نفسي

الحين قاعدة اوسوس اقول يمكن صاده شي لا سمح الله ما وصله اكسجين او شي
و ساعات اقول انقطع النفس بس نبض قلبي اكيد موجود فدام النبض موجود هو بعد عنده نبض
انتوا وش رايكم طمنوني

و بعد سمعت اللي عندهم تخلف عقلي من اسباب التخلف اللي عندهم ان ما يوصل اكسجين لهم فهل الحركة اللي سويتها تسبب التخلف العقلي لا سمح الله


عشان اتطمن اكثر بسال هالسؤال
اذا ماتت الام الجنين على طول يموت لو يعيش فترة معينة و اذا يعيش جم يعيش؟

سامحوني بس شسوي من الوسواس الخناس اعوذ بالله منه

 

[aldanaha]

لا انشالله تطمني
مافي الا العافيه
اسم الله عليج وعلى البنانت ا
وحده ميته اكلينكيا يكافيج الشر بس ماشالوا الاجهزة عنها لانها حامل سبحان الله وتم االياهل ابطنها شهر وشي وفتحوا بطنها وطلعوا يكافيج الشر اسم الله عليج توفت الام والولد عايش حتى مو ولد استغفر الله يابت بنت
سمي بالرحمن ومافي الا العافيه ولا توسوسين اهوا مو بالوونه والمشيمه توفر للطفل الاكسجين وكل شي يعني لحظه اقطعه نسمج اسم الله عليج مايصير شي
والله يتمم عليج ويفرحج قلبج بالطفل السليم المعافى الي يفرح قلبج

 

[OM-Saad]

لا والله ؟ فلم هندي لوووول
حبيبتي لا يبا عادي يوصله اللي بالمشيمه
لاتخافين عليه ربي يحفضه

 

[noo7a]

انتي سديتي خشمج
بس اكيد كنتي تدخلين الهوى و تتنفسين من خلال حلجج

 

[Al.Nooor]

الاكسجين ينقطع عن البيبي لمن تنفصل المشيمه
المشيمة اللي توصل االاكل و الاكسجين للبيبي مو انت
لمن ينقطع نفسج خطر عليج انت

 

[فاقده ابوهاااا]

والله ما افتيلج بس عادي انا ياما اصك خشمي وما اتنفس اذا شميت ريحه خايسه وخاصه الحين شوارعنا اللهم يا كافي كل مكان ريحه مجاري او لما ادش المطبخ ما احب اشم ريحه الطباخ يعني ما احس انه بيضر البيبي

 

[iLLuMinaTion]

الموضوع مهم

 

[فاقده حنان ابوه]

لا شكو ماله شغل المشيمه اهيا الي توصل الاكل والاكسجين

 

[elpinkya]

ما عندي علم

بس الي اعرفه بالولاده عدم تنفس الام الصحيح او تنفس الام بصعوبه يودي الي نقص الأكسجين
الي الجنين و تقل نبضات قلبه و ممكن تسبب نقص أكسجين للجنين
و اذا صار لاسمح الله ما يصير في تخلف لا
يصير غير قادر علي المشي او يمشي بصعوبه

بس هذا اثناء الولاده
عشاان جذي ينصحون بالتدرب علي التنفس الي تاخذين الهواء من خشمج و اطلعينه من الفم
و عدم الصراخ اثناء الولاده


و اثناء الطلق تاخذين نفس و تكتمينه و تضعطين لي تحت


تمارين التنفس ظروريه


انتي ان شالله ما عليج شر يارب ولا توسوسين مو زين عليج

 

[sweeta77]

نقص الاكسجين المقصود فيه وقت الولاده البيبي يوصل مرحله المشيمه ما توصل له الاكسجين
بس في فتره الحمل ماكو نقص اكسجين
مثلا
اللي تبي تولد الا طبيعي والبيبي مو راضي يطلع وتصمم ان طبيعي في هذي الحالات ممكن يصير نقص اكسجينوتصير اعاقه او تخلف للبيبي

 

[الفدعى]

لاعادي لاتوسوسين مافي الجنين الا العافيه

 

[aldanaha]

الله يهديج الي قالت فلم هندي مو فلم هندي مافيه الا الشي شفته بالواقع
بعيني
ان شاالله البيبي مافيه الا العافيه ويكافيكم الشر