انقهرت وانغثيت ومو قادره انام

[Patcholli]

بنات حدي مخنوقه وادري ماعندي سالفه بس شسوي بعد اتظايقت مو بكيفي ولا بيدي

قبل شوي كنت اسولف ويا زوجي ومادري شياب الطاري من الظيقه نسيت كل السوالف الي تكلمنا فيها وظلت هالسالفه كافخه براسي :<

اوضحكلم الصوره زوجي كان مالج على وحده قبلي بس مادخل عليها ولا صار بينهم شي
وانفصلو لان عايلتهم كانت حدها فري وفوق الفري من جذي ماصار نصيب وانفصلو من اول شهر ملجه ..

طبعا انا خذيته وانا ادري انه كان مالج وانا وافقت وطول هالسنين مايبت طاريها على لساني اللهم اول سنه زواج ومن عقب مافكرت فيها كلش ولا تكلمت عنها

قبل شوي كنا نسولف وقالي انه قبل اسبوعين صادف اخو طليقته بالجمعيه ..
واخوها قعد يسأل زوجي .. تزوجت .. ياك عيال .. جم واحد عندك .. واسئله خايسه ماله داعي يسألها بحكم انه مطلق اخته يعني شكو ؟

المهم زوجي جاوب .. جان هذاك يطمر ويقول لزوجي ان اخته (( طليقة زوجي )) اتزوجت وعندها 2 ..

للعلم اني ادري انها مو متزوجه ليلحين لان اشتغل بمكان بياناتها كلها عندي واوراقها .. واقدر اعرف كلشي عنها وحتى شايفتها جم مره واهي ماتدري انا منو ..

اللي بعرفه الحين ..

هذاك شكو يطري اخته عند زوجي ..؟؟ وزوجي اساسا ما سأله عنها ولا قاله شخبارها ولا شصار عليها ؟؟

ثاني شي شكو يجذب ويقول تزوجت وعندها عيال ..؟؟ يعني يبي زوجي يغار عليها ويتحسف ولا شنو ؟؟

حمدالله والشكر صج مو ريال شكو يسولف عن اخته
وشكو يجذب على زوجي
وشكو يطريهاااااااااااااااااااااااااااااااا

والله بنات مت قهر مو قادره انام مادري شلون بداوم باجر
حدي مقهوره وظغطي مرتفع .. حتى بجيت وزوجي حظني وقعد يقولي جم كلمه بس حسيت اني نفرت منه مادري ليش ولاعت جبدي بعد .. مسكين ماسوالي شي بس انقهرت وانغثيت ومادري شسوي

ابليس راكب راسي وافكار سوده بمخي .. مادري ادق عليها باجر واشخلها ولا شنو ؟؟

:eh_s(2)::eh_s(2)::eh_s(2)::eh_s(2):


مقهوره ..

عفيه مابي وحده تزفني بس اللي حاسه بوضعي تشارك ..!​

 

[ســـاااراااا]

تعوذي من ابليس يا بنت الحلال


لا تسوين شي تندمين عليه
وزوجج ماله ذنب ولا تكبرين السالفه برااسه


خليج واثقه من نفسج

وبعدين شكو تدقين عليها ؟؟ انتي ماسكه عليها شي ؟؟
اخوها بس اللي جاب طاري ؟؟



لا تفتحين على نفسج باب مسكر نصيحه



بالتوفيق يارب

 

[A-b-c-]

حبيبتي شكو تنقهرين اذا البنت طليقته ومالها اي صله فيه انتي ليش تحترين حبيبتي نصيحة لا تبينين لريلج انج مهمته للموضوع عشان اهو مايهتمله وليش تبينله غيرتج منها هذا غلط ليش تحطين حاجز بينكم وتعاقبين ريلج على شي ما سواه وما غلط اخوها يبي يخلي ريلج يندم لانه منقهر انه تزوج وعاش حياته وهذا شعور اي اخو اخته مطلقه عادي لا تكبرين الموضوع ولو ريلج حاط للموضوع اهتمام او ليلحين افباله جان ما قالج وخش عنج ..
لا تفتحين عيون الريال
والله يسخره لج 

 

[Gifts&Occaions]

لا تكبرين الموضوع ولاتيبين طارية وخلج اقوى من جذي

 

[رق رق]

ليش اتدقين علي البنت اهي شكو ؟!
واخوها خبل بعد .
لا اتفكرين في هالشي وريال الي اهوه ريلج مااعتقد حبها لو يحبها جان ما طلقها .

 

[*Manoush*]

اخوها تافهه وحقير ومافيه ذرة رجولة الي اييب طاري اخته عند واحد غريب الي اهو زوجج ! وفوق كل هذا يجذب مالت عليه
ميخالف اختي ادري فيج محروقة بس استغفري وااايد مو مرة مرتين وخلاص لا
استغفري استغفار مستمر وكلما يطري عليج الطاري تعوذي من ابليس وتناسيها كافي ريلج مايدري عن هوا دار اهلها
سمالله عليج الله يبرد على قلبج كسرتي خاطري

 

[Senora]

صج مغثة ... بس مسكين زوجج ماله ذنب وقالج السالفه .... العتب على اخوها استغفر الله ماله داعي ييب طاريها عند ريال غريب حتى لو طليقها .... اهم شي زوجج ديري بالج عليه وحاولي ماتباغين بردة فعلج وتضيقين خلقه ... علشان بعدين ما يخش عنج هالسوالف ويحطج بالصوره على طوووول .... تعوذي من ابليس وصلي لج ركعتين تشرح صدرج ... موفقه ان شاءالله

 

[شادن33]

باتشولي صج ما عندج سالفه اتعورين راسج باوهام
وبعدين زين منه اخوها قال انها تزوجت عشان لاسمح الله ريلج مايفكر فيها فكه

تعوذي من ابليس ولاتظلمين بختج ومالج شغل فيها لاتدقين ولاشي
الله ييسر امورج حبيبتي كلشي ولا انتي حبيبه

 

[هونها يارب]

خليها تولى وطنشى ولا تهتمين حق الموضوع

 

[خالتي قموش]

حتى رريلي كان خاطب وعلى وشك الزواج
بس صارت ضروف و تركو
والحين هي تدور اخباره
عرفت من امه
وانقهر من داخلي بس مرات افكر
اقول شكو انقهر
هو يحبني الحين
وتلاقينها هي اللي محتره و غيرانه مني

والدليل للحين تساله عنه
صدقيني حبيبتي لا تقهرين روحج ولا تجيبين طاريها خير شر
وهو ما سال عنها ولا راح افتر وراها
اخوها ملقوف
مو ذنب ريلج
واخوها قال جذي
يعني اختي مو بايره

 

[غـرامـي أنـت]

مالها دخل تدقين عليها تهاوشينها

وبعدين الموضوع عادي مافيه شي ينرفز كبررري عقلك وطنشي

 

[ام كوثر2007]

باتشولي لا تقهرين نفسج ولا شي تعوذي من الشيطان اللى ركب راسج السالفه بكبرها ما تسوا ترا


انتي الاساس انتي ام عياله وانتي اللى اختارج وهالشي اكيد بيرضيج ويخليج تحسين بالثقه بالنفس


لا تخلين امور صغيره مثل هذى تعكر حياتج مع ريلج ..

 

[بحةة آلشۈق]

تععوذي من الششيطآن هذآ شيطـآن بس
وبععدين زوجكَ يحبكَ يَ عسسلَ مـآفكَرفيهم وهذآقالكَ السسالفه لـآنه صريح ومايخبي عليكَ شيَ
الله يسسسعدكَمَ آنشآءالله
وآخوهـآ ميت من القههر عششآن كيذآ يبي يقهر زوجكَ بس زوجك اعقل من هالخبل!! اللي يتكَلم عن اخته بدل مايستر عليهـآ:/

 

[aloooya]

تعوذي من ابليس ماصار شي

 

[عزة وكبرياء]

البنات كفوو ووفوو وماعليج منها ولا من اخوها مدام زوجج يحبج ومعاج ولا تدقين عليها وتصير سالفة وتطلعين انتي الغلطانة وتفتحين عليج باب ماله داعي :sfg:​

 

[الجوهرا]

اب اب اب

 

[Tom ♥ Jerry]

.


:|


وين المشكله و الشي الي يقهر بالموضوع
يعني انتي غرتي لما طرى طاري طليقته !
و شكو تشلخين بالبنيه اهيه شعليها :| !

حبيبتي تعوذي من ابليس و خلاص انسي
انتي الواقع و اهيه ماضي صار و راح و خلص !!
لا تعورين قلبج ولا تحرين عمرج //
ماكو شي يستاهل و السالفه حدها عاديه
و اسئله اخو طليقه زوجج عادي لقافه شباب ترا
و عادي لو زوجج جاوب عليها



ريحي نفسج

 

[فوفو22]

حبيبتي الموضوع طبيعي جدا

سؤال اخوها عادي جدا ....

اما جذبه زوجج فالقصد منها راحتج وعدم ارهاقج بالغيره

بس المسج وصلج غلط

ترى زوجج يحبج

حافظي عليه

وصدقي جذبته وافرحي فيها

فوفو

 

[أم غيثة]

تعوذي من ابليس و اظن غيرتج قوووووووووووية هدي عشان ما تتعبين و خلي غيرتج عقلانية و تحت السيطرة ترى ابليس يدور شي يخرب بيه بين الزوجين لا تعطيه فرصة و عيشي حياتج و استانسي لا دوري المشاكل ما في شي صار يستاهل
الله يهدي سرج و يشرح صدرج ان شاء الله

 

[المحبه للاستغفا]

الحمدلله والشكر من جد ماعندك سالفه قومي توضي وصلي ركعتين وتعوذي من الشيطان ونامي