انمسا وماليزيا

[sweet]

شلونكم بنات تكفون ساعدوني محتاره وين نسافر ماليزيا او النمسا وجم الميزانيه لمدة 10-15 يوم في كل دولة حقي انا وزوجي وعيالي الاثنين تكفون ساعدوني ناطرة الرد:tek:

 

[نيرة الذهب]

أنا رايحة الاثنين
الاثنين خضرة + جبال + مدن ملاهي + تسوق
بس ماليزيا يخرب عليها الرطوبة والقته
والنمسا آه وآه يالنمسا
بس معيشتها شوي اغلى يعني الماي والبيبسي ب 750 فلس
بس احنا عرفنا طرق التوفير واماكن الاشياء الارخص
ولما رحت ماليزيا قلت برجع لها اذا الله عطانا عمر عقب 6 أو 7 سنين لما يكبرون عيالي عشان السفاري وحمامات السباحة
والنمسا رايحة لها اول العام ودي ودي اروح لها اليوم قبل باجر واسكن في كاااااااااابرون

 

[sweet]

مشكورة النيرة على الرد بسالج جم تكلفة المعيشة في النمسا بدون تسوق

 

[اميرة الغيد]

عزيزتي sweat
انا مارحت ماليزيا بس يمدحونها للعائله
النمسا احلى مافيها زلمسي والا فيينا ماتسوى غاليه حيل بالاكل والمطاعم بالذات
اذا بتروحين للنمسا روحي لزلمسي وميونخ بالمانيه ترى قريبه منهم حيل وارخص من فيينا
واتمنى لكم رحله سعيده والله يرزقنا مثلها

 

[sweet]

مشكوره سالميه ماقصرتي

 

[نيرة الذهب]

هلا حبيبتي سويت
المعيشة اكل وشرب ومصرف العاب انتي وزوجج وعيالج
تقريبا 60 - 80 دينار يومي
وترى من غير التكاسي احنا كنا نتنقل بالاندر قراوند او مع القروب

 

[ام روبا]

بليييييز السفره لماليزيا جم تكلف لمدة اسبووعين

للرفع

 

[sweet]

مشكوره النيره على الرد

 

[جوجو.]

النمسا غاليه
ماليزيا حق اليهال حلوه

 

[eman79]

الاخت ام روبا بالنسبة لماليزيا المعيشة وايد رخيصة يعني السنة اللي فاتت معييشتنا شاملة الاكل و التكاسي و التذاكر و التسوق بحدود 750 هذا لاني ما شريت اشياء غالية كل اللي هناك موجود بالكويت و اللا عقب ماتردين شهرين و تشوفينه عندنا و رحله موفقه حبيبتي

 

[nice smile]

حبيبتي ماكو مقارنه

حتى الطبيعه .. ماليزيا طبيعتها باااايخه وقمته ماتشرح القلب .. بس حلــــــــــــــــوه للتسوق لانه سوقهم رخيص
وبالنسبه للجو كله رطوبه ويصادفج فترات تلوث .. انا يوم اروح اخر 4 ايام كوالمبور كله دخان وخيسه ..

والمصرف اكيد ماليزيا ارخص وجبات ماكدونالدز الوجبه بحدود 800 فلس اما النمسا وجبه ماكدونالد توصل 2.400

 

[sweet]

مشكورين بنات ماقصرتو الواحد يروح حق البراد احسن بس المشكلة المصرف وايد يفرق

 

[رحلة النسيان]

حبيبتي انتي معاج عيالج عسى الله يخليهم لج
اذا كنتوا من اصحاب الربو كنسلي ماليزيا لان صدوركم بتتنك وما تقدرون من الغمته والرطوبه
وعسى الله يعطيكم الصحه والعافيه
شرق اسيا حلو ه بس لو الله يفكهم من الرطوبه