انواع الادب دعوووة للمشاركة

[ليلو جبريت]

هلا بنات

طبعا انا احس مليت من الادب العربي والامريكي
فبنات مانبي هالنوووع نبي ننوع شوي

نبيكم تشاركونا بادب فارسي .... هندي ... صيني ... برازيلي ... تركي
الخ ....

يعني كل وحده تحط كتاب من هالنوع من الادب وتتكلم عنه وتحط صورته بعد اذا ممكن ونبذة عن الكاتب
هي دعوووة للمشاركة عن انواع الاداب العالمية خلونا نوسع مداركنا اكثر ونشارك بعض ببعض المعلومات



ابدا انا بادب سلوفيني ماعرف شنو معناه عبالي فارسي لان اظن آلموت تقع بالقرب من ايران <<< مو قادرة اتذكر


هي رواية تاريخيه كتبت عام 1938 عن قلعه فيها جواري ومالكها زعيم يقود جيش للحرب وكان يخدع بعض القاده ان له القدرة على فتح باب الجنه فيخدرهم وينقلهم للقلعه ويخلي البنات يعتنون ابهم وبعدين يرجعهم مكانهم ماعجبتني وايد لان فيها كلام عسكري ونهايتها مو حلوووة ابدا

نبذة عن الكاتب

فلاديمير بارتول أديب سلوفيني، ولد عام 1903 وتوفي عام 1967 له مسرحية اسمها لوبيز
آلموت رواية وقصة دون لورينزو


وبث ياله شاركونا ​

 

[C'est La Vie]

هلا ليلى
عاد موضوعج يا بوقته
هاليومين انا هابة بالكتاب الروس والفرنسيين

نبدي بالكتاب الروس حسب التسلسل الزمني
كاتب اليوم شريته اسمه Fathers and Sons by Ivan Turgenev
يتكلم عن الاختلاف بين جيل الآباء والابناء وشلون هالشي يأثر على العلاقة بينهم

الثاني اللي قريتله هالاسبوع Nicolai Gogol
وهذا اهو مؤسس الادب الروسي الواقعي ويقارنون DOESTOVESKY فيه
قريتله مسرحية The Inspector General وبعض المرات يسمونها The Goverment Inspector
عن عمدة قرية صغيرة يوصله خبر ان في مفتش حكومي بيي يتفقد حال سكان القرية
فيخاف ويبدي يرقع الفساد المنتشر بينه وبين قيادات القرية
بس مع وصول "المفتش" تصير احداث اللي ما كان احد متوقعها

اليوم انا رحت شريت اهم رواية ل Gogol واسمها Dead Souls

وانشالله راح اقرا حق Aleksander Pushkin واهو اللي اكتشف موهبة Gogol


التوب عندي ليلحين Anton Chekhov ورواياته القصيرة
وعنده مسرحيات بس ليلحين ما قريتها للأمانة
الحلو بأسلوبه الواقعية والتركيز على الحدث
يعني قصصه مو مثل ما باجي القصص تركز على اكثر من حدث ووقت
اسلوبه يركز على حدث واحد وعلى الشخصيات شلون تتفاعل مع الحدث هذا


Maxim Gorky من اهم الكتاب السوفييت
وقريتله The Shot وبقراله باجي رواياته
واحس اسلوبه قريب حق واقعية Chekhov


ونختم الروس بالكاتب Boris Pasternak وكتابه المشهور Dr Zhivago
قصة الحب اللي دارت ايام الثورة البولشيفية
وتحول هالكتاب الى فيلم بطولة عمر الشريف وحصل على الاوسكار



والحين نتكلم عن الفرنسيين
ما يصير ما نتكلم عن الادب الفرنسي بدون لا نذكر Victor Hugo
قريتله The Last Days of a Condemned Man
مذكرات سجين محكوم عليه بالاعدام اللي تتكلم عن حالته النفسية وتأثير هالشي على عايلته
هذا الكتاب كان محاولة للكتاب بانتقاد عقوبة الاعدام

وانشالله راح اقراله The Hunchback of Notre Dame و Les Miserable

انصح ب The Phantom of the Opera by Gaston Leroux
قصة عن "شبح" يسكن دار الاوبرا الباريسية ويحب مغنية الاوبرا
بس هالمغنية تحب واحد ثاني وتفقين على الزواج
فيهدد "الشبح" البنت ان اذا ما تزوجته راح يسبب مجازر بالاوبرا
هالقصة سووها فيلم ومسرحية musical في لندن من انجح المسرحيات


وهم عندي The Three Musketeers by Alexander Dumas pere (الاب)
و Camillia by Alexandre Dumas fils (الابن)
بس ليلحين ما قريتهم

انشالله اذا كملت الباجي اقولكم رايي فيهم

 

[ليلو جبريت]

نبي اساميهم بالعربي بليييييييز ):
ما اقراء الا عربي

 

[Eng_Roka]

حدا خوووششش موضووع

لي باك

يعطيج العافيه لولا

 

[ρeαrℓ]

موضوع حلو .. ان شاء الله لي عوده

 

[وهج الحب]

السلام:
انا هابه هالايام بادب السير الذاتية ..وادب الرحلات ..وشاريه كوم كتب من غير المخزن عندي ..

بس انا اقرأ بكل الاداب وقريت من زمان الادب الروسي وكنت اميل له جدا وخاصة ليو تولستوي كنت اعشقة ..ولي عودة ان شاء الرحمن باطلع الكتب عشان اسوي لهم سكان واحطهم لاني ما احب اخذ من النت ..

وباتكلم عن ادب اللاتيني اللي اشتريت له كثير من الكتب والى الان اقراهم بس ما حبيت من ادبهم الا باولو كايلو بس هو اللي دخل مزاجي وكان هو بوابتي لهذا النوع من الادب ..

 

[SkyPink]

موضوع رااااااااائع..

تحمست الى ...

Victor Hugo
قريتله The Last Days of a Condemned Man
مذكرات سجين محكوم عليه بالاعدام اللي تتكلم عن حالته النفسية وتأثير هالشي على عايلته
هذا الكتاب كان محاولة للكتاب بانتقاد عقوبة الاعدام

و..
انصح ب The Phantom of the Opera by Gaston Leroux
قصة عن "شبح" يسكن دار الاوبرا الباريسية ويحب مغنية الاوبرا
بس هالمغنية تحب واحد ثاني وتفقين على الزواج
فيهدد "الشبح" البنت ان اذا ما تزوجته راح يسبب مجازر بالاوبرا
هالقصة سووها فيلم ومسرحية musical في لندن من انجح المسرحيات

 

[SkyPink]

نبي اساميهم بالعربي بليييييييز ):
ما اقراء الا عربي

وانا بعدددد:eh_s(2):

 

[هوية غريب]

موضوع يفوق الوصف .. ينم عن شخصية أدبية مثقفة تعشق التنويع والتجديد
بإذن الله لي عودة بس ارجع البيت وأفرز الكتب اللي عندي
الله يحفظج 

 

[C'est La Vie]

هلا ليلى
سوري حبيبتي انا عكسج ما اقرا عربي
والظاهر انا غلطت ب The Shot كاتبها Pushkin مو Gorky
وسلامتكم

 

[ليلو جبريت]

معليش بس اذا في نسخ مترجمه حطي
عشان ندور
وكملي حبوبه الموضوع مو لي بس انا


وباقي البنات راجعتلكم

 

[C'est La Vie]

اللي اعرف انهم مترجمين Les Miserable اسمها البؤساء
وCamille اسمها غادة الكاميليا
الباجي مادري اذا مترجمين ولا لا

 

[كراميلا مرة]

رواية بائعة الخبز
من روائع الادب العالمى من تأليف الروائي الفرنسي كزافييه دو مونتبان
نشرت لأول مرة عام 1884 في شكل حلقات مسلسلة ولعدة سنوات على صفحات جريدة فرنسية
تعتبر الرواية الاكثر مبيعا في اواسط القرن التاسع عشر وتم تحويلها لأعمال فنية مسرحية وتلفزيونية وسينمائية
الملف بصيغة pdf​

الروايه قريتها حلوه وفيها اكشن يخليك ماتقدرين تتركين الروايه الى النهاية

http://up.m5zn.com/153202031210/212.pdf
212.pdf - 20.3 Mb​