انواع الغذاء

[abla_momaiza]

لا تردوني هالمره بليز محتاجه لهمتكم معاي عندى دخول يوم السبت من قبل الموجهة ودرسي يتعرف على انواع الغذاء ابي نبه قوى وجديد وافكار لعرض الدرس همتكم بنااااااات

 

[abla_momaiza]

امبييييييييييييييييه من صجكم لالاتطنشون تكفون يا المبدعات ساعدوني (امبيه جني قاعده عند باب مسجد اطر) حسبي الله على الروضه وساعتها

 

[abla_momaiza]

:eh_s(14): :eh_s(14): :eh_s(14):

 

[زين البدر]

السلام عليكم



من خلال لعبه بسيطه
تسوين مجسم ثلاجه صغير


وتسألين الأطفال لماذا نستخدمه

وعن طريق اغنيه

يفتحونها ويتفاجئون انها خاليه الا من بعض دوائر القص واللزق الملونه

طبعا الالوان تكون على الوان الفواكه او اللحوم

تناقشينهم بالالوان وتسألينهم شنو السي اللي نحطه بالثثلاجه يشابه هاللون


من خلالها تدخلين على انواع الغذاء

 

[:: عائشه بقلبي ::]

هلا بالغلا
شوفي هالمنبه وايد حلو
انا شفته بدرس نموذجي عند وحده بروضة البلابل في سنه من السنين
( عبارة عن مشهد على السبوره المغناطيسيه)
اولا تحط بيت لونه وردي منو بيته
بعدين تفج الباب تطلع فروحه يغنون الاطفال دقى دي
وتقول بس هي تدور اخوها
بعدين تطلع عبود ولما يطلع يكون لابس دشداشه ملطخة بحمار
تقول شنو على دشداشتك واي هذا دم
يقول لا
تسال الاطفال عيل شنو شنو ( يتوقعون )
بعدين يقولها عبدو لا انا كنت ارسم بالون الاصابع
باللون الاحمر
بعدين تطلعين الوان اصابع
احمر ويشوفنه بعدين ابيض
وتحركين الابيض بالفرشاه وتقولين اطفال شنو يشبه
شكل شى نحبه ونحطة عالغداء
الروب

ومنه تدشين الى مجموعه الحليب ومشتقاته
بعدين منو انعم علينا ( الدينى والايه )

سلوكيات عن الاكل
بعدين لعبة
تحطين المجموعات الغذائيه بسلال
ويبيونها عن طريق لعبه وتناقشين كل مجموعه0
وفوايدها للجسم

 

[abla_momaiza]

يارب يارب اشوفج بحق هذه الساعه في يوم الجمعه المباركه في مكان هذي المره بثلاث اولاد قولي آمين ....:eh_s(9): . بالنسبه للمنبه اكيد موجهتنا شايفته مادام من البلابل لانها ما تطلع منهم صار لها سنين .... على العموم مشكوره على المرور الصراحه الى هذى اللحظه مو عارفه شحط منبه كل ما فكرت بشي القاه مكرر ز تصدقين عندى سير الدرس كله بس المنبه معصلق شوى

 

[QUMAR]

تقدرين تحطين مجسم ضرس مسوس وزعلان وصوت بالمسجل لطفل يبجي ليش وما ليش
بعدين من يساعده ويحضر من الأركان شئ لا نستغني عنه لكي لا تسوس أسناننا
بعدين ممكن تحطين مجسم ضرس سليم ويضحك وصوت بالمسجل لطفل يضحك
وتناقشينهم عن الأكل المفيد وما نكثر من الحلويات
اتمني اكون ساعدتج حبيبتي
والله يوفقج وتدخل الموجهه وتستانس من درسج
عاد طمنينا باجر أن شاء الله

 

[لوميه]

انواع الغذاء

يعني الهدف المعرفي هذا ....؟؟؟؟

المهم المنبه خليه عباره عن بازل .... لغز

ممكن توزعين صور مقطعه عالاركان و تحطين لكل قطعه رقم
5 ارقام من 1- 5 ...

تحطين بسله او علبه ملونه ارقام صغيره ...

تطلبين من الاطفال يفرون العلبه عليهم لين تصكر المسجله ... واللي تصك عنده المسجله يفتح العلبه وجذي لين تخلص الاعداد ...
كل طفل يقوم يدور عالعدد اللي عنده ....

يحطونهم عالسبورة تكونين لاصقه مغناطيس وراهم ...

او ل واحد يحط الصورة تسالينهم شنو الصورة ...

لين تكتمل الصورة .... تكون الصورة عباره عن وجبه من الغذاء فيها .. لحوم .. فواكه و خضار ، البان ، حلويات ...​

 

[abla_momaiza]

تسلموووووووووون ما تقصرون علي المساعده عسي الله يكتبها لكم في ميزان حسناتكم وان شاء الله اقول لكم باجر شصار علي

 

[أوركيد]

شرايج تلبسين واحد من اليهال لبس اراجوز ..وتوزعين ادوات الحركيه على الصف ..

مع الموسيقى الرياضية ..تلعبين مع الاطفال والاراجوز ماله خلق ..

ليش؟؟؟

انت مو متريق ؟؟؟

يقول امبلا آنا اكلت ككاو وبفك و..و..و...

وتكملين الدرس ..

 

[لوميه]

ابلتنا قوليلنا شسويتي بدرسج .يا قمر
... بالتفصيل


خلينا نستفيد منج يا مميزه ​

 

[abla_momaiza]

آسفه على الأخير . بالنسبه للدرس طلع روعه واستانست عليه الموجهه
المنبه: سنفره رسمت عليها بالبدايه هلال شنو هذا ؟ بعدين دائره طبعا شنو هذا الاجابه شمس بعدين رسمت قلب شنو هذا؟ قلب بعدين قلبت السنفره على قطعه قماش بيضه وخليت الأوتي حار وضربت السنفره على قطعه القماش وطبعت الصوره وكملنا ولونا الهلال باللون الأصفر والشمس باللون البرتقالي والقلب بالون الأخضر طلعنا بالنهايه الى سله فواكه مع المناقشه توصلنا ان من ضمن اكل الانسان الفواكع وماذا ياكل ايضا ......حتي ندخل بالمجموعات الغذائيهوهني مسويه المجموعات على شكل هرمي من فلين وعلى قمه الهرم صوره طفل قوي البنيه .ز ليش قوي ؟ خلونا نشوف شنو ياكل ألف مجموعه مجموعه وتكون على كل مجموعه قطعها يعني عند مجموعه الحبوب ( حطيت الخبز . البسكوت . وبعض حبوب السنابل ) وهكذا لكل مجموعه .
السلوكي . صندوق يدور عليهم عندما تقف الموسيقى يقوم الطفل بعرض مايوجد بالصندوق وكانت عباره عن وجبه الروضه مع المناقشه من احضرها وليش ونحرص على اكلها
الحركي : مسابقه يعد مائده من الغذاء المتكامل

 

[لوميه]

تعجبني هذا الابداع انج تاخذين افكار و تحورينها باسلوبج و طريقتج


الله يوفقج يا رب

و اكيد يعجبهم يا مميزه ...​

 

[abla_momaiza]

:eh_s(9): مشكوره لوميه على التشجيع وما نستغني من افكارج الحلوه وفكرتج سوت حركه بالصف وبين الأطفال وان شاء الله اردها لج ...

 

[معلمة رياض اطفال]

وفكرتج سوت حركه بالصف وبين الأطفال وان شاء الله اردها لج ...

عفوا شنو الفكرة؟