اهتمامج وقت الاربعين ممكن خدمه

[تحرير @]

كيفكم بنات شخباركم ان شاء الله زينين
حبيت استفسر منكم عن شغله ياليت احصل عندكم حل لها
انا وقت نفاسي مهتمه في الاكل والدوا ومتتفيه زين وكل شي كويس
الموهيم اولماطلعت من الاربعين واول جماع ياليته ماصار

كله رطب واحسه وسيع معليش عالوصف واصوات هواء
والماي يرطب المكان ولا ادري شنو منه هذاء
فاستفسر من خواتي اللي جربو وطلع كل شي زين عندهم
شنو كان اكلج وشنو دواج شنو اهتمامج وقت الاربعين
اما اني اخذ من تاجره لا ابي انا اشتريه بنفسي وانضفه
واطحنه واكله بس شلون جدولج بالاربعين بليييييز
وتراها في ذمتج كلامج اللي بتكتبينه
وشكرا

 

[secret sauce]

والله وادري بس ليش ماتروحين حق مره تعالج يمكن عندك خراب اذا تبين رقم مره تداوي ثقه أنا حاضره راسلوني على الخاص لأني ما ادش واجد ترى أنا ماجربتها بس اعرف اناس جربوها أنا افكر اروح لها

 

[تحرير @]

شدعوا رد لو بتجربه نفعتكم

 

[رقـة الاحسـآس]

ان شاءالله تلقين اللي تفيدج وعن تجربه ^^

 

[ديانا سبنسر]

ليش ماتسوين عملية تضيييق ماام نفاسج زين ومافاد؟

 

[لحضة صفا]

والله ماعندي فكره

 

[وحدة كويتية]

اخذيلج كورس نفاس عدل
والاكل لازم تهتمين فيه
لا تاكلين اي شي لازم اكل دافي ومو لزج مثل الباميه والشمام
والحوامض لاتقربينها
والبيبسي لاتشربينه والاكل اللي يجيب الغازات لاتاكلينه مثل الفلافل والفول والخيار وغيرها
لاتمشين حافيه على السراميك ولاتخلين شعرج وراسج بدون غطا وحاولي لاتكثرين من الاستحمام نظفي روحج بدون دش كامل
لا تاكلين علج واربطي بطنج بلفه قطن مو كورسيه ديري بالج عشان يطلع كل الماي والوصخ اللي بالرحم
ونظفي المناطق الحساسه بمعقم مخصص لهذي المنطقه تلقينه بالصيدليه
وسوي تمارين كيجل عشان يشد المنطقه
وفي مجال تظبطين روحج حتي لو خلصتي نفاس كل دوره تجي بعد النفاس عامليها معامله النفاس واللي تسوينه بالنفاس سويه بالدوره مده ٣ دورات بعد النفاس وان شاء الله تضبط امورج
ولاتنسينا من الدعوه الحلوه
واذا حابه راسليني خاص عندي كورس نفاس كامل ممتاز ومجرب طبقيه مثل ما قلت لج بالدوره
وسلامتج

 

[قطعة ثلج]

وحده كويتيه كلامها 100/100 وانا الصراحه جربت شغل ام خالد الهاجري حيل

فادني كورس الانفاس وغسولها ممتاز

 

[قطوووة]

هالمؤضؤع حيل فادني
http://www.q8yat.com/t760279.html

 

[وحدة كويتية]

انا قريت الموضوع اللي بالرابط وشفت انها اغلب ادويتها رشاد ومقل
نصيحه مني لكم
من اخت لاختها الرشاد والمقل اخطر دوا تاخذينه وقت النفاس لازم تاخذينه بحذر وبكميه بسيطه ديري بالج
مثلاً الرشاد ماينلهم جذي بروحه هذا اكبر غلط لان مفعول الرشاد ينزل الدم واذا كثرتي منه يجلط الدم بالرحم وما ينزل ويوقف الدوره
انا اقولج الرشاد وحده من الثنين ياتحطينه بالتمره وتاكلينه ولا مع الحسو
اما تخلطينه مع التمر وتلهمينه وتشربينه وتاكلينه حرام جذي والله يخرب ارحامكم
اخذوه مع شي واحد بس وبكميه قفشه وحده باليوم او اقل بس والمقل نفس الطريقه هم بعد كسره صغيره بحجم الاضفر بس مو اكثر لان هالنوعين من الادويه حيل حاره على الرحم ولازم تستخدم باعتدال
هذي نصيحتي لكم

 

[dnyay_mll]

حبيبتي ريحي نفسج واخذي عشبة عباية السيده رهيييييبه للمره
تضيج توخر الهوا وتنشف وتوخر الافرازات
انا كاتبه عنها كل شي بقسم الطب البديل

 

[@ DLOO3TAH@]

أأب