اهداااء

[هــ ــديــ ـل]

أحترت مدري ويش تالي سواياك
........... لما تخالط مُرّ مُرك ... ب سكرك ! ​

خيرتني ما بين بعدك و فرقاك
........... يعني أختياري بين ( أخسرك و أخسرك) ! ​

شهرين تاركني ظماء و أتحراك
........... مدري متى غيم المواعيد يمطرك! ​

لا صرت مائي ليه بالله أظماك
........... ولاصرت أنا ظميان وشلون بـ أعذرك ! ​

للحين في بالي مواعيد لقياك
........... لما على (لقياي) الأشواق تجبرك ! ​

لما أنتظرت و جيت أنا أتباطاك
........... و جيت أتعذر ...عن سبايب تأخرك ! ​

ولمّا تجيني ولهفتك تسبق أخطاك
........... و من الخجل يقتات خدك من أحمرك ! ​

و تتوه لما أقول لك حيل أهواك
........... و بـ أحلى كلام الحب لمّاي أعطرك ! ​

ولمّا تجيني و تشتكي جور دنياك
........... سحقاً لها ( الدنيا حقيره) تكدرك ! ​

و لمّا تجيني وشهقتك تسبق أبكاك
........... و تقول لي تعبآن و بصدري أغمرك ! ​

و لمّا تجيني و بـ إيدك أخر هداياك
........... باقة جفا غلفتها بـ ناوي أهجرك ! ​

و لمّا و لمّا جيت لمّا و لمّاك
........... سلمّت قلبي أخر طعون خنجرك ! ​

لميت في عيني تفاصيل ذكراك
........... في عزّ ما كان المفارق يبعثرك ! ​

ماكنت أنا سيد خفوقك و مولاك ؟
........... ما كنت من (برد الصباحات) أدثرك ؟ ​

و الحين مديت المفارق بـ يمناك
........... كنك تقول : أستأذنك ودي أقبرك ! ​

الله يسمّح لك دروبك و يرعاك
........... و أنا علي أتنفس الضيق و أزفرك ! ​

مابه نصيب أبقى مع الحب وياك
........... يعني إنتهينا و أنتهى أحساس شاعرك ! ​

يعني تبيع أنسان من جد أغلاك
........... يعني ما عاد أضم إيديك و سهرك ! ​

يعني فراق أحباب ناتج خطاياك
........... يعني عن أذنك أهتديت و بكفرك ! ​

يعني فقدتك ، و البقى في بقاياك
........... عطرك سواليفك وهداياك و صورك ! ​

أرحل وخذها ذكرياتك و أشياك
........... أبـحذفك مني من أولك لـ آآآخرك ! ​

أنا بـ حاول أكرهك و أتناساك
........... و أنت بيجيلك شخص غيري يغيرك ! ​

و أنساك فال الله ولا فالي أنساك
........... الله يعلم ... في صلآوآتي أذكرك ! ​

شكراً على حبك وجرحك وفرقاك
........... وعلى سخافة حلمنا الساذج أشكرك !. ​

 

[خفوقي عاف دقاتة]

لاهـنـتـي​

 

[مجنون زعلآتك]

لآهنتي غلآآي

 

[عبير العنزي]

يعني فراق أحباب ناتج خطاياك
........... يعني عن أذنك أهتديت و بكفرك !


يعني فقدتك ، و البقى في بقاياك
........... عطرك سواليفك وهداياك و صورك ! ​