اهلي بيذبحوني

[زغزوا]

مساااا الخيييير
بنات ابي اتكلم بس بليييز من غير تعليقات سخيفه ولا تطنزين ولا تعيبين
عشان ربي لايبليج
انا قبل 3. سنين كلمت واحد واخوي دارا عني بس اللي كلمته بالمسن
واهو اخوي شاف ايميلي وانطقيت وتعاقبت حيييل
بس خلاص انا تبت ومااالي بهالسوالف كنت ياهل طايشه ورفيجاتي مو زنين اهم اللي اقنعوني اسوي جذي
المهم انا تخرجت من الثانويه والحين دخلت الجامعه واخوي معاي بالجامعه مطلع عيني
كل يوم له سالفه مره يقول ما تروح ومره خذا تيلفوني ولين الحين مو راضي يرده تتوقعون السبب
تااافه عشان مصوره بالفون ومارا يقول ليش ما تلبس عبايه معا انا لبسي والله محترم وامي وخواتي شاهدين وطويل بس
شنو انه جنزي سكني واهو مااايبي هالجنز بس الحين كل المودلات جذي ولمن اكلم امي تقول حق ابوي تصرفات اخوي تقةل بعدين ابوج يتهاوش معاه ويطرده من البيت ونصير بفضيحه بس انا عاايشه بعذاااب تخيلو حتا نومت العصر ممنوع وامسك فون البيت ممنوع
كلشي ممنوع حتا السهر بالعطله ممنوع ومعقدنا ومتعب امي امي تقوول والله راح امووت بسبتج انتي واخوج والله يحز بخاطري هالكلمه امي ما تهون علي حتا اهو قام يتطاول علا امي مع العلم امي وابوي لين الحين بالاربعين يعني مو كبار
وشياب وما يقدرون عليه
بس انا ادري اني غلطت بس تعاقبت بحزتها ليش جذي الانسان مو معصوم عن الغلط وانا تبت بس مليييت من هالعيشه ابي اموووت

 

[غداً القاك]

قلبي التغيير يبدأ مع عندك
تصدقين بالله مع فارق التشبيه بس عندي اخو كذا شوي شديد
يعني مايحب النت مايحب البنت معها بلاك بيري ....الخ
مع انه طيب وحبوب
الحل شي واحد لاتعاندينه اذا قال لك شي قولي طيب على امرك ابشر
رضاك اهم وصدقيني هو بيطخ من كيفه
بس اذا انتِ شديتي وهو شد خلاص بتصير الحياه كذا صعبه
ولاتنسين ياقلبي انك اخطيتي قبل صج تغيرتي ان شاء الله بس اخوك مهما كان بيظل هالشي بباله
زي كل عيالنا لانهم كذا من حرصهم علينا يسوون هالأمور
انتي جاريه لاتعصبين ولاتقولين مالك شغل فيني سوي اللي بخاطره وبيتغير ان شاء الله
وصدقيني كثير بنات زيك بس مع اللين يمشي الوضع :eh_s(7):

 

[ღ TőOőma ღ]

اول شي محد له حق يعاتبج كلنا نغلط بس اهم شي ان نتعلم من غلطنا ومانعيده

واخوج نفس اخوي قبل لاتزوج بس اهون منه شوي ذكرتيني بنفسي

انتي حاولي تكلمينه تقعدين وياه كسبيه وقوليله الي بقلبج خليه يفهمج شوي

على قولتج اذا ابوج راح يسويله مشكله انتي ابدي اول كلميه قعدي وياه بروحكم وقوليله الي بخاطرج كله وخليه اهو بعد يتكلم حتى لو قط كلام او كان معصب لاتتنرفزين خلج عاادي وواثقه من نفسج

قوليله انا غلطت وتعلمت من غلطي ومستحيل اعيد هالشي كنت صغيره ومن هالسوالف

اذا كلش ماكو فايده معاه روحي حق ابوج كلميه ماكو الا هالحل ماتوقع يطرده عشان جذي او يكبر السالفه شكو

جربي والله يكون بعونج حووبي بس اهم شي الثقه بالنفس يعني حسسي اخوج انج واثقه بنفسج

 

[زغزوا]

رد : رد: اهلي بيذبحوني

بس انا خلاص قطعت عنه من ٣ سنين من يوم السالفه
واحس يوم عن يوم اكرره

 

[زغزوا]

رد : رد: اهلي بيذبحوني

قطعت عنه قصدي اخوي لا يكلمني ولا اكلمه

 

[هنـــد]

رد: رد : رد: اهلي بيذبحوني

شوفي بكل صلاه ادعي ربج يحنن قلبه عليج وانتي ساجده

وسامحيه مهما كان هذا اخوج الكبير

واذا ماتقدرين تكلمينه دزي له مسج قولي كل شي بقلبج وبداية الحجي امدحيه مثل انت اخوي مالي غنى عنك انت اساس البيت وادري تسوي هالشي خايف علي وادري انا غلطت يوم من الايام بس الحين انا تبت ولا افكر هالشي والخ ومن ضمن الحجي قولي له امي راح تموت بسبتنا

بالنسبه حق السكيني بصراحه مالومه حيل ضيج انا اختي عمره 16 ما اخليها تلبسه

 

[كتكوته نورة]

حبيبتي انا من رايي لا تسمحين له يتحكم بحياتج

يعني انتي كبيره و تعرفين الصح من الغلط وخلاص غلطتي و انتهى الموضوع ... وعندج ام وابو اذا في شي غلط راح يكلمونج ....

امج و ابوج جنتج ونارج بس اهو ؟؟؟؟

اوكي اخوي احترمه و احبه وكل شي بس في حدود

تقبلي مروري :eh_s(7):

 

[زغزوا]

رد : رد: اهلي بيذبحوني

مشكورين علا الردود والله كل كلامكم صح بشوف اخرتها والله تعبت منه بسايره معني مسايرة ٣ سنين

 

[8alb8alby]

رد : رد: اهلي بيذبحوني

حبيبتي تحمدي ربج واشكريه
وادعيله بصلاتج
والله والله انا احوي اردي من اخوج وغثيييييث حده وابوي معطيته الصلاحيه انه يتحكم فيني

بس مع هذا ساكته وقايله الحمد الله

 

[ودي الزمن يرجع]

رد : رد: اهلي بيذبحوني

حاولي انك تتقربين منه وسولفي معاه حاولي تخلينه يسمع لك والله راح ايتغير وسمعي كلامه صدقيني راح يتغير ترا مافيه زي الاخو والله ماتحسين باهميت وجوده في البيت الا اذا فقدتيه الله يخليه لكم

 

[][°•سـζـآيب•°][]

رد : رد: اهلي بيذبحوني

عليج بالاستغفـــآر ..~

والله لا يغير ما بقوم حتا يغيرو ما بيانفسهم


غيري من نفسج

لا تعاندين .. ولا تغثينه ..~

خلي اسلوبج مو رسمي حده

حسسيه بالاخوه

ترأ هو شايف عليج شي يعني مستحيل ينسى حتى لو تغيرتي

واكيد سامع سوالف وشايف شوفات ويخاف عليج

 

[Đ₥яŋỳ♣7βҜ]

رد: رد : رد: اهلي بيذبحوني

اول شي محد له حق يعاتبج كلنا نغلط بس اهم شي ان نتعلم من غلطنا ومانعيده

واخوج نفس اخوي قبل لاتزوج بس اهون منه شوي ذكرتيني بنفسي

انتي حاولي تكلمينه تقعدين وياه كسبيه وقوليله الي بقلبج خليه يفهمج شوي

على قولتج اذا ابوج راح يسويله مشكله انتي ابدي اول كلميه قعدي وياه بروحكم وقوليله الي بخاطرج كله وخليه اهو بعد يتكلم حتى لو قط كلام او كان معصب لاتتنرفزين خلج عاادي وواثقه من نفسج

قوليله انا غلطت وتعلمت من غلطي ومستحيل اعيد هالشي كنت صغيره ومن هالسوالف

اذا كلش ماكو فايده معاه روحي حق ابوج كلميه ماكو الا هالحل ماتوقع يطرده عشان جذي او يكبر السالفه شكو

جربي والله يكون بعونج حووبي بس اهم شي الثقه بالنفس يعني حسسي اخوج انج واثقه بنفسج

معآآهآآ ,, كلآمهآ عين آلعققل !

 

[سعوودية]

انا مراح اقول عن الغلط شي الانسان مو معصوم عن الخطاء
بس الحلو انك مارجعتى له
نجى للمشكله الريسه بينك وبين اخوك ؟؟
اول شي توكلى على ربي بقضاء همك وخليه ملاذك بالدعاء
لازم تكونين حسنه الضن بالله ان بيجى يوم راح يتحسن حال اخوك وياك باذن الله
احتويه !!!
كيف تحتوينه انا اعلمك ؟؟
اول شي حاولى تكونين غير عصبيه معاه
ثانى شي حاولى تطيعينه وتقولين له تم وابشر
ثالث شي تقربي له حتى لو صدك يعنى مره عطيه الاكل اللى يحبه
سوى له حلاء يحبه لو جو ربعه قولى انا بسوى لك اصناف تهبل
بيصدك مره مرتين بيهاوش او يضحك بس بلاخير راح يشوف ان معاملته معاك غلط
وان انتى ماتغلطين معه وطيبه معاه رغم قسوته ومع الوقت ربي بيهديه

فوق ذا كله الدعاء وكثره الاستغفار تفرج الهم وتجلب السعاده
الله يريحك بالك

 

[+بسبوسة+]

اختي حاولي شوي تتفاهمين معاه بهدوووووووء عزميه على الريوق

وقولي الي بقلبج وتوقيعي اسوء رد منه.. عشان ماتنصدمين

صدقيني مهما قالج بيفكر بعديييييييييييين بلي قلتيه

كافي انه الحين عند امج اهو الغلطان
لانه ماقال لها الي صار منج قبل..وتحمل هلشي..

صدقيني

مصيرج ان شاء الله بيت ريلج ماتدرين اشكثر بلاوي يسمع
من ربعه..وان اخت فلان تحب فلان واهو مايدري!

 

[Ψ 3soola Ψ]

رد : اهلي بيذبحوني

ياحياااتي


قعدي مع امج و كلميها قوليلها ليش جذي يسوي

او واجهيه قوليله ترا السالفه صارلها 3 سنيين و انا تبت لي متا يعني

و قوليله اخذ فوني بين فتره و فتره مو كل يوم


موفقه حبيبتي

 

[مـــلامـــح]

لا تقاطعين اخوك لازم تتقربين منه
وليش انتي ما اخذ الموضوع بانه يبغي يزعجك او يضايقك اخوك ما يسوي كذا الا من خوفه عليك ولاتنسين اللي سويته قبل وانتي في الثانويه ماثر على اخوك و هذا اللي يزيد حرصه عليك وكثري استغفار والدعاء.

 

[amoona89]

ماااعليه حاولي تكلمينه بينج وبينه واذا قاالج اي شي لاتعااندينه قوولي طيب حااظر اذا عاندتيه رااح يعند ويزيد الضغط عليج
وخلي تصرفااتج عاديه لانه هو الحين ماخذ عنج فكره لوو اي حركه او نظره نتفهم بالنسبه له غلط
وادعى ربج انه يرزقج بولد الحلاال :eh_s(7):​

​

 

[مس لوتس]

مشكله الرجل لاينسى؟؟؟

كثير بنات مروا نفس تجربتج وبكل ساعه اخوها يذكرها باللي سوته،،
الحل ادعيله بالهدايه لاتعاندينه اكسبيه باسلوبج انج اخته من امه وابوه وانج متربيه احسن تربيه وخلي الماما او اي احد كبير يقعد معاها ويفهمه انج تبتي ويهديه لانه طايش وربي يعينج

 

[عاشقه رويشد]

ما عليه من خوفهم عليج يسوون جذي انتي اهم شي لا تعاندين ولا تعصبين تحملي بعد شتسوين

 

[ساره أمها كويتيه]

رد : رد: اهلي بيذبحوني

حبيبتي لاتلومين أخوج من السوااالف اللي يسمعهااا من أصدقاءه والأمور اللي يشوفها أهو خايف عليج
وعلى سمعتكم بكره تكبرين وتتزوجين وبتخافين على بناتج اذا ربي أرزقج ان شاء الله وإذا على الغلط ربج
غفوور رحييم أدعي بكل صلاه ان ربي يثبتج ويحنن قلب اخوج عليج ولاتعااااااااانديه اسمعي كلامه عشان
يرجع يثق فيج والحيااااه تجااارب وعبر وهذي عبره ماراح تنسينها وأنتي مانزلتي الموضوع إلا دليل أنج على
خييييير والله يوفقج ويبعد عنج رفقاء السؤ ...........
والبنااااااااااااااات ماقصروا بالردووود’ تقبلي تحياااااااااااااااااتي.........