اهل دبي محتاجه مساعدتكم

[anome]

السلم عليكم
بنات بقيت اعرف جو دبي شلون صاير اخر شهر 12 بارد ولا لأ ؟

لان انشاءالله بروح ومعاي عيالي وبيبي اربع شهور وماني عارف شاخذ لهم من ملابس اخذ جم طويل بس خفيف ولا أثقل لهم باللبس

عفيه ردوا علي ضروري وماقصرتو

 

[بحرينية حنونة]

هلا فيج اختي

اكيد بيكون الجو بارد يعني دول الخليج كلهم نفس الشي واحين دخل علينا الشتاء

انه ان شاء الله تاريخ 16/12 بازور دبي وباجهز ثياب شتوية بس مب وايد ثقيلة بس تدفي شوي

 

[anome]

مشكوره حبيبتي وماقصرتي

 

[دآنة آلرشآيده]

بآآآآآآآرد اكيييييد​

 

[*إماراتية*]

شهر ديسمبر ويناير الجو وايد بارد خصوصاً
أول الصبح لين الضحى , ومن المغرب وطالع.

نوفمبر,ديسمبر ,يناير ,فبراير ومارس هالفترة فترة مهرجان,
وكثير من الفعاليات في المناطق المفتوحة مثل القرية العالمية,
ومنطقة الـ jbr ,وغيرها من مناطق فعاليات المهرجان.

خذي لكل واحد على الأقل بلوفر وهات وجاكت يلبسهم فوق الملابس
ولما تدخلون المولات يفصخونهم لأن الحراره معتدله حسب التحكم.

رحلة موفقة.

 

[عبق البنفسج]

شفتي الحين شلون الجوووو عندنا بارد ثلج .. انا توني قبل اسبوع رادة من دبي والجوو عندهم حرررر من الصبح لي قبل المغرب وعقب المغرب يصير عادي بس مافي نسمة بارة يعني حتى بليل لازم صيفي خفيف ..
بس آخر 12 مادري أتوقع اييهم برد بهالشهر لأن البرد دايماً اييهم عقبنا بشهر تقريبا

 

[semaasem]

انا خابرة ان بردهم ربيع بالنسبة لنا يعني موذاك البرد لا تثقلين

 

[Matillda]

انا عايشه فى دبي عمرى ما لبست شتوى على طول صيفي الجو شهر 12 وشهر 1 حلو مثل شهر 3 بالكويت

 

[ليدي دبي]

بآآرد اكييييييييد

 

[أم سيف وسلطان]

بادر حلو بس مب لدرجة تاخذيلهم شتوي ثقيل