اهما سؤالين وماراح اطول علييكم ان شالله،، بلييز

[miele]

السلام علييكم معلمات

مبارك عليكم الشهر

معلمات ... شنو التكاليف المطالبة فيها المعلمة عشان تسويها غير حصصها طبعا ..؟؟ ومن كل النواحي ان كان اداريا او بالقسم او اي شي مطالبة فيه من قبل المدرسة،،،؟؟؟؟؟

والسؤال الثاني .. يتعلق بالورش او الدرس الريادي ... جم مرة اسويه بالسنه ؟؟

عفيه انا تعيين جديد علوم اسرة ومستهلك... وودي اعرف حقوقي و شنو اللي لي وشنو اللي علي...

 

[ام حنااين]

1-الحصص( شامل التدريس والتحضير والوسائل وتصحيح الدفاتر والامتحانات بس ممكن مادتج مافيها امتحانات ) , الاشراف الاسبوعي, سجل الاجتماع الفنى , الاحتياط , المناوبه, مراقبة الامتحان وممكن كنترول

2-الورشه والدرس الريادى ممكن واحد بالسنة وممكن اكثر حسب توجيهج وممكن تستبدلين الورشه بانشطة ثانية مثل محاضرات وانشطه طلابية وغيرها

 

[zqertya]

علينا وعليج حبيبتي
المدرسه مطالبه بكل شي غير الحصص يعني ماتقدرين ترفضين اي شي يطلبونه منج يعني عادي تصيرين مطراش ولا سايق ولا فراشه وهذا صج من الواقع واذا بس مره قلتي لا ترا يحطون عليج اكس ولازم اتجاملين وكل مايقولون بنحط حطه حق الناظره اتقطين فلوس وغير جذي المناوبات والاحتياط وشغل الناظره يعني راح تلاقين نفسج تحووومين مثل النحله مابي اخرعج بس والله انا جذي بالمدرسه والكل جذي ههههههه

وعن الورش والدروس الرياديه عادي حبيبتي مو مهم كل سنه وحتى لو ماسويتي كلش ترا معاشج ماشي وترقيتج ماشيه واذا على الامتياز سهله سوي اللي قلته لج فوق اشتغلي كل شي وانتي تاخذينه تدرين انا اخذ امتياز الحمدالله لاني والله اشتغل بس مشكلتي ماعرف اجامل واقلقس عن الناظره عشان جذي امتيازي مايعدي 93 اما اذا صارت الوحده بياعت حجي واتقط فلوس تاخذ95 وهي مقمظه انا معاي وحده نوعها جذي وحصصها تلوع الجبد ولا في ابداع او ادوات بما اني بدنيه ولا وسائل وماخذه 95 وانا اللي ابتكر ادوات واييب وسائل ما اعدي 93 بس عشان ما اجامل

هذا ملخص عن الشغل واذا صرتي مدرسه انشالله راح تقولين كلامي صح ماعليج باول سنه لان السنه الثانيه تعرفين حقايقهم

الله يوفقج

 

[qumar-q8]

مبروك التعيين والله يوفقج

التكاليف احتياطات - مناوبات بالفرص والصبح والهدة - برامج اذاعية - مربية صف - مراجعة للمربية

يسوون حفلة يخلونج ادربين على رقصة او مشهد تمثيلي

او تعدلين تسنعين بالمسرح

تسوين اوراق عمل وتصورينهم

بياعة بالمقصف

تروحين رحلات مع الطلبة ويا ويلج ان ضاع احد

اشراف اداري

والله القائمة طوييييييييلة

____________

سؤالج الثاني

ممكن اتسوين مرة وممكن مرتين وممكن ماتسوين بالمررررة

وممكن تتشاركين مع احد او مع قسمج اتسوون معرض او ورشة

وان شاء الله افدتج

بالتوفيج

 

[امي الحنونه]

حبيبتي تابعة لاي منطقة تعليمية انتي

؟؟
الشغل :

اشراف اداري او مربية

المناوبة

بعض المعلمات تمسك المقصف ...
مناوبة الباب مرة بالشهر

حصصك كاملة من تحضير ووسائل

والاحتياط امر اجباري

وبرنامج اذاعي كل فصل دراسي تسوينه مرة

بالاضافة الى حفلات المدرسة المشاركة اجبارية
ومو كل معلمات المدرسة يصيرون مطراش اللي تبي يدزونها والا ماتبي محد يغصبهاااا






والدروس الريادية على حسب التوجيه

اذا تبين رقمي كلميني عالخاص بخصوص اي شي تحتاجينه

 

[الأميرة جوري]

بالتوفيق

 

[miele]

حياتي مشكوورين .. بس ليش كل هالعزر... تعذيب هذا مو تدرييس .. الله المستعان

 

[miele]

انا الفروانيه التعليمية. .. خراابيطهم وايد حسب ماعرفت

 

[zqertya]

لووووووووووووول اي والله القائمه طويله ترا في بعد اشياء

الله كريم

 

[درة أهل الطولات]

حصصج
الاحتيااااااااااااط 3 مرات بالاسبوع أكثر شي
المناوبة الاسبوعية
مناوبة الباب

واي عمل اضافي مثل التكاليف الخارجيــة ،، او بيع بالمقصف أو تدبيس امتحانات ،، مراقبــة حتى لو يومياااااااااا ،، حضور طابور الصباح ،، المشاركة في البرامج الاذاعيــة

الورش والدروس والندوات مرة بالسنــة

 

[ابلة غزالة]

مافي شي اسمه غصب اتسوين الشي الي يطلبونه منج
تقدرين ترفضين الي ما تبينه بس طبعا كله راح يأثر على بنود تقويم الكفاءه
مثلا عندنا بالعلوم اذا دخلتي مسابقه مو مطالبه بعد بدروس او ورش الا اذا انتي تبادرين من نفسج

 

[قاهرتهم 2011]

غير حصصج
في إحتياطات
مناوبات الصبح - الفرص - بالهده
اشراف اداري
إذاعه مدرسيه
إجتماعات الفنيه للقسم
مراسل للاداره والتوجيه
التكاليف الخارجيه
بيع بالمقصف
مراقبه امتحانات
مربيات فصول ومراجعات
كنترول
توزيع الشهادات على اولياء الامور
طبعا حسب المدارس اذا يكلفونج بالاعمال الاداريه بشكل يومي او لا
دروس وورش عمل اذا انتي بتسوين يمكن مره بالكورس او بالسنه بس لازم تطلعين تكليف لزيارة ورش ودروس المدارس الأخرى

 

[om mariam]

موفقه يارب
اول شي بالنسبه حق علوم الاسره والمستهلك انا مااعرف عنهم شي
بس الاساسي عليج التدريس واي شي ثاني تبين تسوينه سويه واذا لأ انتي حره
بس من المجاملات تسوينه علشان رئيسة القسم والناظره يبون هالشي

 

[maya4no1]

بعد ولادة فكرة البونص اقولك لا تسوين عووووووود
معاشك بيمشي
خلي اللوغاني و السديراوي و الصلال اللي حطو شروط البونص يجسبون متكالبين يسوون لهم هالشغل
غير حصتك لا تعطين
بس اتقي الله في هالبنات
وخلي الشغل الثاني مالك شغل فيه.... الى ان تحترم مهنة التعليم و المعلمين انصحك لا تضيعين صحتك واعصابك عشان بالنهاية المدرسه تاخذ تميز و الموجهه بعد
ولا عزاء للمعلمين و المعلمات

 

[رتبه دبلوماسيه]

اب اب

 

[miele]

maya4no1 : اي صاجه البونص تعجيزي حييل

يعطييكم العافيه حبايبي ماا قصرتوا

 

[غرام نانا]

اولا مبروك على التعين والله يعطيج من خيره بس وللامانه انا مع الاخت ازكرتيه فعلا نفس ماقالتلج

بحكم خبرتى الطويله الامتياز اللى من 94 وفوق يبيله مساحل وتقلقس مع الاداره ورئيسة القسم اما الامتياز العادى

تخذينه بالكراف يعنى اذا انتى ماتقولين لا وتشيلين حصص واحتياط وتسوين ورشه او درس وماتغيبين بس ماتقطين ويهج

عند الناظره وغشمره ومساحل ومديح تاخذين امتياز العادى اللي بدون اعمال ممتازه ولكن اذا تتلصقين وتساحلينهم بدون ماتسوين درس او ورشه هم ممكن تاخذين الامتياز العالى

الخلاصة اهم شي التقلقس وهذا من واقع تجارب ودمتى

 

[miele]

اولا مبروك على التعين والله يعطيج من خيره بس وللامانه انا مع الاخت ازكرتيه فعلا نفس ماقالتلج

بحكم خبرتى الطويله الامتياز اللى من 94 وفوق يبيله مساحل وتقلقس مع الاداره ورئيسة القسم اما الامتياز العادى

تخذينه بالكراف يعنى اذا انتى ماتقولين لا وتشيلين حصص واحتياط وتسوين ورشه او درس وماتغيبين بس ماتقطين ويهج

عند الناظره وغشمره ومساحل ومديح تاخذين امتياز العادى اللي بدون اعمال ممتازه ولكن اذا تتلصقين وتساحلينهم بدون ماتسوين درس او ورشه هم ممكن تاخذين الامتياز العالى

الخلاصة اهم شي التقلقس وهذا من واقع تجارب ودمتى

ويي عزاللله كدينا خيير .. عاد انا هادية وماقول لا .. استحي صراحة وماعرف اقلقس .. بس بحاول اقول لأ علا الشي اللي احسه استغلالي .. لان البعض يقطون الشغل علا الهاديه لانهم يخافون من الملسونه .... اما واجباتي اكيد مكلفه فيها
مشكوورة عالرد حياتي*

 

[قاهرتهم 2011]

غير حصصج
في إحتياطات
مناوبات الصبح - الفرص - بالهده
اشراف اداري
إذاعه مدرسيه
إجتماعات الفنيه للقسم
مراسل للاداره والتوجيه
التكاليف الخارجيه
بيع بالمقصف
مراقبه امتحانات
مربيات فصول ومراجعات
كنترول
توزيع الشهادات على اولياء الامور
طبعا حسب المدارس اذا يكلفونج بالاعمال الاداريه بشكل يومي او لا
دروس وورش عمل اذا انتي بتسوين يمكن مره بالكورس او بالسنه بس لازم تطلعين تكليف لزيارة ورش ودروس المدارس الأخرى

تذكرت معظم المدارس يكلفون المعلمات بتجييس وتوزيع الكتب اللي هو شغلة امينات المخزن
واذا كنتي مدرسة ابتدائي وكانت عندج الحصه الثانيه تشرفين على البنات بالفرصه انهم استلموا وجباتهم وهذه شغلة مشرفات التغذيه ومنفذات الخدمه حطوها براس المعلمات
والمعلمات هم اللي يسوون الشهادات ويطابقونها ويختمونها وهذه شغلة الاداريات شؤون الطلبه

 

[randomy]

ما شاء الله عليج

توج متعينه وتبين تعرفين اللي لج واللي عليج .... قويه والله

حبيبتي اول سنينج كرفي لييين تقولين بس ولااااا ترفضين شي هذا اذا تبين امتياز

والله يعينج ويعينا معاج