اهم الشغلات إلي تجهزينها حق البيبي والمستشفى خل نستفيد

[um a7mdoooo]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

بنات الشفاطه ضرورية ؟ الصراحه انا فتكيييييت و خلصت كل شي بس في التناتيش الصغيره الي حسيت مو ضرورية الي في بالها شي منهم خل تذكرني ؟

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

قوه حبايبي
ياحلات الحمال اول ايامه بس من يبدي الجد و الجد هلهل عليها بالنساة يصير الحمال لج عليه بس عاد بعد الولاده الفرحه الكبرى و كل ماتشوفين ضناج يكبر جدامج تزيد هلفرحه اكثر و اكثر الله يتمم عليكم انشاله يارب
و اذا عندكم اي استفسار حياكم
على فكره الحين فترت تنزيلات يعني جهزوا الحين ترى خوش وقت
بنسبه حق الي قربت ولادتها لا تنسى تاخذ اهم شي التبانات و تاخذ البجايم الكامله يعني البجامه لازم معاها قحفيتها اخذيلج 6 تبانات و بجايم كاملين و لازم البجايم تكون كامله يعني تبان كامل مع دلاقه مو الي بدون ادلاق ترى حرام يستبرد البيبي
و السسترات كل اشوي يمرونج يبون ملابس للبيبي فتجهزي
و بنسبه حق الي بتسوي استقبال لا تشتري حق البيبي لا نفنوف و لا شي انا اشتريت على لون الكفر بس مالبست زنوب عمري لانها نتفه و حرام كل اشوي مبدلينها بس خلي جيس البيبي يكون مثل الكفر و اذا تحبين كبوس البيبي بعد مو مشكله بس ملابس حرام كل اشوي مفصخينه و ملبسينه

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

um a7mdoooo
الشفاطه اليدويه ضروريه 100 %
و احسن نوع بالجمعيات بي جون ما تعور و لا شي و تساعد الام على انها تبرز الحلمه
لانه في وايد بنوتات و حريم حلماتهم داشه فلشفاطه تبرزه و تفك الام من الحليب الي بيقعد على صدرها و تتعب منه
ضروريه يا ام احمدوه لا تنسينها

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

Vintage Box
ماشاء الله عليج شكلج قربتي تخلصين
بس على فكره لا تكثرين ينو برون ترى بسرعه يضيج
اخذي من صفر لي ثلاثه وايد زين و يلبس البيبياول ماينولد و يمشي معاه لي اخر الاربعين

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

om_3azoz
الجنطه جهزيها من الثامنو خليها مبطله لانه اكيد بتكونيني ناسيه شي و كل ماتشترين شي سفطي و حطي فيها سيده عشان لاتنسينه
و زين سويتي خذيتي من صفر لي ثلاثه انا غلطت خذيت نيوبورن و توهقت بالربعين ضاج اسمله عليها راحت اختي و خذتلي كبار

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

نيلفار
حياج الله زين سويتي استقليتي التنزيلات
الله يسهل عليج يارب
السرير اشتري من الحين و فكي عمرج
في محل اسمه بيبي لوف بالفروانيه و فيه بفحيحيل عنده خوش كاروكات انا خذيت منه حق بنتي
بس نصاب كاسريه لين تقولين بس

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

و سامحوني الي مارديت عليهم ترى مريت على الموضوع على السريع و لي رجعه انشاله و الي تبي اي مساعده او افكار حق الاستقبال لايردها الا لسانها

 

[الكونتيسه]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

بصرااحة انا ما ادري شسووووي مدوووودهه

 

[سندريلا86]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

يعطيج العافية ام زنوب بس اسم الكريم الخاص بالصدر ياليت تكتبينه او صورته لانها مو طالعة معاي وشكرا

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

الكونتيسه ليش مدوده
قولي بشنو مدودهه

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

اهلين سندريلا و الله مو مذكره اسم الكريم نهائين
بس عن تجربه كريم الحلمات حق بعد الرضاعه ماكو على بيبانثين
تروحين الصيدليه و تقولين له ابي بيبانثين مال الرضاعه هذا ماكو عليه
انا لمن كنت ارضع بالاربعين ما اقدر احس حلمتي تعورني لين طلعت دم بعدين خذيت بيبنثين و الله تمام التمنام قمت ارضع عادي و لا في اي عوار بس لازم تمسحين حلمتج قبل ترضيع البيبي و بعد بماي دافي شبه حار و تحطين عليه الكريم و تحطين قطن الصدر وايد ممتاز و راح تدعيلي

 

[الكونتيسه]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

ما ادري شسوووي
شريت التبانات من جونيوز
وما رتبت شيء احس ناقصني اشياء واايد
بنات حواء
ساعديني

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

الكونتيسه اهم شي انج تاخذين المقاس من 0 الى 3
اذا بتاخذين نيو برون اخذي جم حبه بس حق المستشفى لانه بسرعه راح يضيج على الياهل
اخذي البجايم الكامله الي تصير فيها دلاقات عشان البيبي لا يستبرد حرام
اخذيلج بجايم وايد كاملين مع كبابيسهم و دسوسهم لانج راح تحتاجينهم وايد
و اخذي لفات قطن راح تحتاجين وايد في فترت الاربعين
و لا تنسني التبان التحتي اخذيه حفر مو نص جم اخذيه من صفر لي ثلاثه من سنتر بوينت قطنهم حلو
ان على طول من عندهم اخذ
بس البجايم القطن مال مذركير احسن
و في شغلات حلوه بسنتر بوينت
المميات روحي الجمعيه و اخذي ماركة بيجون و الحلامات مقاس سمول
اخذي المقاس بصغير حبتين و اخذي 4 المقاس الوسط
و مصاصات حبة الكرز اذا كنتي تبين تعلمينه على المصاصه
و انصحج بحفاظات دارلنقز وايد احسن من ليبرو كله قطن
و الكريم مال منطقة الحفاظه اما سودا كريم الرمادي او سيباميد كلهم زينين
و بودر بيجون وايد ريحته حلوه
و في كريم للوجه مال سيباميد وايد حلو و ريحته حلوه
و مناشف معطره راح تحتاجينها حتى تمسحين جسم البيبي اخذي اخف نوع لاتاخذين الي فيه عطر وايد مو زين
اخذي مناشف سيباميد فيها زيت و قليل العطر
دايمن غسلي منطقة الحفاظ بالماي و على طول لا تستخدمين الفوط نهائين ترى تسبب حساسيه و حراره و بعدين الماي انضف و اطهر
اخذي لج جيسين حق الطلعات وروحات و الييات
و في جياس ذربه تيي مع جناطهم تلقين في سرداب بسوق الديره نسيت اسمه
و في بستي سنتر السالميه
المعقمه مالت المميات موجوده بمذركير و ممكن تستقنين عنها بجدر تحطين فيه ماي و تخلينه يطبخ مع المميات حتى التعقم
انا شخصين في شقتي استخدم جهاز التعقيم من مذركير و اخذي الي يشتغل على كهربا مو مكرويف لانه الي بالمكرويف مؤذي
سريع و حلو
اخذي مطارات ستل ستيل حق ماي البيبي
الحار و البارد
و لا تنسين تاخذين عدة البيبي من مشط و مقراضه تلقينهم كاملين في سنتر بوينت
و لا تنسين الصداري كثري منهم ترى تحتاجينهم في الفتره الاولى وايد لانه البيبي يرجع وايد في الفتره الاولى
لا تنسين شفاطة بيجون اليدويه حق صدرج عشان تبرز الحلمه و تدر الحليب

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

كونتيسه لا تنسين تاخذين القطن الخاص حق الصدر موجود في الجمعيات مدور صغير تحطينه و تلبسين الستيان عشان لا بدمرج حليب
و لا تنسين الكوتكس ترى وايد مهم اخذي المقاس العود يكتبون عليه للنفاس او بعد الولادة
و اخذيلج صراويل قطن راهيه و ستيانات قطن راهيه
و اخذيلج مشد حق بطنج
و اخذيلج الدراعات القطن الحلوه حق الكشخه في فترة الارعبين و في ستن بس الستن حار اخذيلج شوي ستن و كثري من القطن

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

و اذا نسيت شي برد اذكرج و اذا عندج اي استفسار انا حاضر

 

[حد مثلي!]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

.,

مـرٍْحبـاأٍ..حـوًٍاملـٍْ..شلونـٍْ البيبيـاأٍتْ والتجهيزٍْ..,
بنتْ حوٍْاٍْ ماقصـرتي..

الله يخلي لج ـجٍْ زنـوبٍْ

.,

 

[ورودالكويت]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

حده الموضوع عجيب توني اشوفه

يعطيج العافيه وانا بجر وصج متلعوزه ماني عارفه شلون ابتدي

والدكتور قاي لي احتمال ولاده مبكره الله لايقوله يعني متى اسكر الشنطه وشنو اشتري مقاس

 

[الكونتيسه]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

يا عمري يا بنات حواء
فديتك عسي ربي يسخر لج كل شيء

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

حد مثلي مشكوره بعد عمري ماقصرني على الدعوه الحلوه

 

[بنات حواء2]

رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست

ورود الكويت حياج الله في الموضوع
عادي انتي ليش بجر تحسين نفسج تايه الحال من بعض لمن كنت حامل بزنوب
جهزي جنطنج من الثامن
و كل مارحتي السوق الي تشترينه حطي بالجنطه على طول عشان لا تنسين
و بنسبه للمقاس بما انه قايلج راح تولدين مبكر اخذي نيو بورن لانه البيبي راح يكون صغير اخذي 6 بجايم نيوبورن
و 6 من صفر لي ثلاثه
و التبانات اخذي من صفر لي ثلاثه من سنتر بوينت مقاشهم حلو يلبس البيبي لصغير و الي عمره شهرين
و اذا عندج اي استفسار حياج الله